परेरित 15:39 - मध्‍य पुरविया थारू

³⁹ ओहै बातमे पावल आ बरनाबासके अतहेक मनमोटाब भेलै कि बादमे उसब अलग-अलग भ्‍यागेलै। बरनाबास मरकुसके साथमे ल्‍याके साइपरस टपु दिसन गेलै।

परेरित 15:39 Referans Kwoze

कलस्‍सी 4:10

हमरे सङे जहलमे रहलहा अरिस्‍तारखस तोरासबके गोरलगी पठाइनेछौ। बरनाबासके नातामे परैबला मरकुस सेहो गोरलगी पठाइनेछौ। ओकर बारेमे पहिने हम तोरासबके कैहदेनेचियौ, उ एतौ त असलसे स्‍वागत करिहे।

याकुब 3:2

बास्‍तममे अपनासब भुलचुकमे बहौतरा गल्‍ती करैचियै। बोलि-बचनमे कहियो गल्‍ती नै बाजैबला लोक सिध लोक चियै। उ लोक आपन पुरा सरिरमे लगाम लगाइले सक्‍तै।

परेरित 4:36

जनङ साइपरस देसके लेबी खानदानके योसेफ, जकरा परेरितसब बरनाबास कैहके नाम राखनेरहै (जकर अरथ उत्‍साह दैबला लोक हैछै)।

परेरित 11:20

ओइसबमेसे कोइ-कोइ साइपरस आ कुरेनीके लोकसब रहै। उसब एन्‍टिओखियामे आइबके औरो जातीके लोकसबके परभु येसुके सुसमाचार परचार करल्‍कै।

परेरित 6:1

जब बिस्‍बासीसबके संख्‍या बरहै छेलै, तब हिबरुसबके बिरोधमे गिरिक यहुदीसब बताबती करे लाग्‍लै, कथिलेत दिन-दिने खाइबला चिजसब बाँटै बखत ओइसबके बिधवासब आबसेक्‍ता बमौजी नै पाबैछेलै।

परेरित 27:4

ओतेसे फेनो हमसब पानी जहादमे चललियै आ हबा उलटाकातसे बहैके कारन हमसब साइपरस टपुके सहारा लैत गेलियै।

परेरित 15:2

तब पावल आ बरनाबासके ओइसबसङे बहौत कहा-कही आ झगरा भेलाके बाद ओतेका बिस्‍बासीसब यि सबालके खातिर सरसल्‍लाह करैले पावल आ बरनाबास आ औरो लोकसबके परेरितसब आ मन्‍डलीके रेखदेख करैबलासब लग यरुसलेम पठाइले निरनय करल्‍कै।

परेरित 12:12

यि बात थाह भेलाके बाद, उ मरकुस कहाइबला युहन्‍नाके माँ मरियमके घरमे गेलै। ओते बहौत बिस्‍बासीसब जमा भ्‍याके परथना करैतरहै।

परेरित 15:37

बरनाबास मरकुस कहाइबला युहन्‍नाके ओइसबके सङे लजाइले इक्‍छा करल्‍कै, जकर नाम मरकुस रहै।

१ पतरुस 5:13

अते बेबिलोनमे तोरेसब जखा चुनलगेल मन्‍डलीके लोकसब आ खिरिस्‍टमे हमर बेटा मरकुस सेहो तोरासबके गोरलगी पठाइनेछौ।