परेरित 15:32 - मध्‍य पुरविया थारू

³² यहुदा आ सिलास ओहोसब परमेस्‍वरके तरफसे बोलैबला अगमबक्‍तासब रहै। उसब परभुमे बिस्‍बास करैबला भाइ-भैयारीसबके बिस्‍बासमे मजगुत करैत उत्‍साह देल्‍कै।

परेरित 15:32 Referans Kwoze

परेरित 11:23

बरनाबास ओते एलै आ परमेस्‍वर ओइसबके मन्‍डली उपर करल किरपा देखके खुसी भेलै। तुसब पुरा हिरदयसे परभुके बिस्‍बासमे बरहैत रह कैहके उत्‍साह देल्‍कै।

परेरित 14:22

उसब ओइठाम परभुके बिस्‍बासीसबके हिम्‍मत बरहाइत ओइसबके बिस्‍बासमे अस्‍थिर रहैले हौसला दैत रहलै आ कहैत रहलै, “परमेस्‍वरके राजमे पुगैसे पैहने अपनासबके बहौत दुख सहे परत।”

परेरित 13:1

एन्‍टिओखिया सहरके मन्‍डलीमे अगमबक्‍तासब आ सिक्‍छा दैबला लोकसब रहै। उसब बरनाबास, करिया कहाइबला सिमियोन, कुरेनीमे रहैबला लुकियस, रजा हेरोदेसङे पालन-पोसन भेल मनेन आ साउल रहै।

१ पतरुस 5:12

हम यि छोट चिठी बिस्‍बासयोग्‍य भाइ सिलाससे लिखाबैचियौ। हम तोरासबके साहस दैकेलेल आ तोरासबके जे भ्‍यारहलछौ उ परमेस्‍वरके सच्‍चा अनुगरह चियै कैहके गबाही दैचियौ। यि अनुगरहमे अस्‍थिर भ्‍याके रह।

१ पतरुस 5:10

तुसब कुछ समय कस्‍ट भोग्‍लाके बाद, अनुगरहसे भरल अपनासबके परमेस्‍वर, जे तोरासबके खिरिस्‍टमे अनन्‍त महिमामे सहभागी हैकेलेल बोलाइनेछौ। उ आपनेसे तोरासबके फेनसे अस्‍थापना करतौ, सिध करतौ, बलगर बनाके अस्‍थिर कराइतौ।

१ पतरुस 5:1

हम एकटा मन्‍डलीके एल्‍डर चियै आ खिरिस्‍टके भोगल दुख-कस्‍टके आपनेसे देख्‍ने चियै आ पछा आबैबला महिमामे सहभागी हेबै। ओहैसे हम तोरासबके बिचमे भेल एल्‍डरसबके बिन्‍ती करैचियौ।

२ तिमोथी 4:2

परमेस्‍वरके बचन सुना। बेलोमे कुबेलोमे सुसमाचार सुनाइले नै छोर। पुरा-पुरी धिरजसे लोकसबके सम्‍झा, चेताबनी दहै आ असल सिक्‍छासे हिम्‍मत बरहा।

१ तिमोथी 2:1

आब सबसे पहिने अनुरोध करैचियौ कि सब लोकसबके लेल बिन्‍ती-भाव, परथना, अन्‍तरबिन्‍ती आ धन्‍यबाद परमेस्‍वरमे चरहा।

२ थेसलोनिकी 3:12

हमसब एहेन लोकसबके परभु येसु खिरिस्‍टके नाममे आग्‍या आ अरती दैचियै कि उसब चुपचाप काम करे आ आपन कमाइ खाए।

१ थेसलोनिकी 5:20

परमेस्‍वरके अगमबानीके तुच्‍छ नै ठान।

१ थेसलोनिकी 5:14

देख हमर भाइ-भैयासब, कोढिया लोकसबके चेताबनी दहै, हरेस खाल लोकसबके साहस दहै, कमजोर लोकसबके मदत कर आ सबगोरासे सैहके रह कहैके हमसब तोरासबके बिन्‍ती करैचियौ।

१ थेसलोनिकी 4:1

अन्‍तमे हमर भाइ-भैयासब परमेस्‍वरके मनपरैबला जिबन कनङके जियैछै से हमसब तोरासबके सिखेलियौ ओहिनङके फेनु तुसब जियैचिही। तोरासबके जिबन औरो बहौत असल हेबे कैहके परभु येसुके नाममे हमसब तोरासबके बिन्‍ती करैचियौ।

१ थेसलोनिकी 3:2

आ तिमोथीके तोरासबलग पठेलियौ। उ हमरासबके भाइ आ परमेस्‍वरके सेबक चियै आ खिरिस्‍टके बारेमे सुसमाचार परचार करैछै। तोरासबके बिस्‍बासमे बलगर हैले आ हौसला दैकेलेल हमसब तोरासबलग ओकरा पठेलियौ।

१ थेसलोनिकी 2:11

तुसब जान्‍बे करैचिही कि माँ-बाबु आपन बेटा-बेटीके सङे केहेन बेबहार करैछै तैहिने हमसब तोरासबसङे हरेक गोराके करलियौ।

एफिसी 3:5

पहिने यि रहसके बात औरो कोनो लोकके थाह नै देनेरहै, महज अखुन यि रहसके बात आपन पबितर परेरित आ अगमबक्‍तासबके परमेस्‍वर आपन पबितर आत्‍मासे परकट कैरदेनेछै।

१ कोरन्‍थी 14:32

अगमबक्‍तासबके आत्‍मा अगमबक्‍तेसबके अधिनमे रहैछै।

१ कोरन्‍थी 14:29

अगमबानी बोलैबला दुइ या तिन गोरा हेबे आ ओइसबके बोलल बात ठिक छै कि नै छै से औरोसब जाँच करे।

१ कोरन्‍थी 14:3

महज जे अगमबानी बोलैछै, उ दोसर लोकसबके आत्‍मिक रुपमे बौकार बनाबैछै, हौसला दैछै आ सान्‍तबना दैछै।

१ कोरन्‍थी 1:8

अपनासबके परभु येसु खिरिस्‍ट आबैबला दिनमे तुसब निरदोस रह कैहके उ तोरासबके आखिरतक बौकार बनाइतौ।

रोमी 12:8

जकरसङे अरति-उपदेस दैबला बरदान छै त, अरति-उपदेस दैबला काम करे, दान दैबला बरदान पाबलहासब खाचोमे परलहासबके उदार-चितसे दान देबे, अगुवाइ करैबला पुरा मन लग्‍याके अगुवाइ करे, दया करैबला खुसिसाथ लोकसबके दया करे।

रोमी 12:6

परमेस्‍वरके अनुगरहसे अपनासबके फरक-फरक किसिमके बरदानसब देनेछै ओहै अनुसार काम करे। यदि जकरसङे अगमबानी बोलैबला बरदान छै त उ आपन बिस्‍बास अनुसार ओकर तरफसे अगमबानी बोले।

परेरित 20:2

ओइ इलाकामे पुग्‍लाकेबाद ओतेका बिस्‍बासीसबके उत्‍साह द्‍याके फेनो ओतेसे उ गिरिस देसमे गेलै।

परेरित 18:23

कुछदिन तक ओतै रहलै। तकरबाद फेनो उ गलातिया आ फिरिगिया इलाकाके ठामसब हैत, सब ठाममे रहल परभुके बिस्‍बासीसबके बिस्‍बासमे बलगर बनाइत गेलै।

परेरित 15:41

उसब सिरिया आ किलिकिया परदेसमे घुइम-घुइमके ओतेका बिस्‍बासीसबके बिस्‍बासमे मजगुत बनाइत गेलै।

परेरित 15:22

तकरबाद परेरितसब आ मन्‍डलीके अगुवासब मन्‍डलीके पुरा लोकसबसङे मिलके दुइ गोराके छानल्‍कै। उसब ओइ दुनुगोराके बरनाबास आ पावलके सङ लग्‍याके एन्‍टिओखिया पठाइले उचित ठानल्‍कै। उ चुनलहा बरनाबास कहाइबला यहुदा आ सिलास रहै। उ दुनुगोरा परभुमे बिस्‍बास करैबलासबके अगुवा रहै।

परेरित 15:1

जब कुछ लोकसब यहुदिया परदेससे एन्‍टिओखियामे आइबके बिस्‍बासीसबके अनङ सिक्‍छा देबे लाग्‍लै, “जाबेतक तुसब मोसाके नियम जखा खतना नै करबिही ताबे तक तुसब मुक्‍ती नै पाबबिही।”

परेरित 11:27

तहै बखत परमेस्‍वरके अगमबक्‍तासब यरुसलेमसे एन्‍टिओखियामे एलै।

परेरित 2:40

औरो बहुत बातसबसे उ ओइसबके गबाही देल्‍कै आ सम्‍झाइत कहल्‍कै, “यि भरस्‍ट पुस्‍तासे तोरौरके आबैबला दन्‍डसे अपने-आपके बचा।”

लुका 11:49

अहै खातिर सबकुछ जानैबला परमेस्‍वर कहल्‍कै, ‘हम तोरासबके लगमे अगमबक्‍ता आ परेरितसबके पठाइबौ। महज ओइमेसे ककरो मारबिही त ककरो सताइबिही।’

मतीके लिखल सुसमाचार 23:34

ओहैसे हम तोरासबके लग अगमबक्‍तासब, बुधिमान लोकसब आ धरमगुरुसब पठेबौ। तोरासबमेसे कतहेक गोरा ओइसबके मारबिही आ कतहेकके कुरूसमे लटकेब्‍ही आ कतहेक गोरेके सभाघरमे कोरासे पिटबिही आ एक सहरसे दोसर सहर तक खिहारबिही।

परेरित 15:3

एन्‍टिओखिया मन्‍डलीके सब बिस्‍बासीसबके ओतेसे जाइले छुट्‍टी देल्‍कै। उसब फोनिके आ सामरिया परदेस हैतगेलै आ ओतेका बिस्‍बासीसब कनङके गैर-यहुदीसब परभुके बिस्‍बास करल्‍कै से बातसब बिस्‍तारमे सुनाइल्‍कै। यि बात सुइनके ओतेका बिस्‍बासीसब बहुते खुसी भेलै।

परेरित 15:27

अहै खातिर हमसब यहुदा आ सिलासके पठाइने चियौ। ओहो दुनुगोरा एह्‍या लिखल बातसब आपने मुहसे अहाँसबके कहत।

परेरित 15:31

उसब चिठीमे उत्‍साहके बात पैढ़के सब बिस्‍बासीसब खुसी भेलै।