परेरित 15:3 - मध्‍य पुरविया थारू

³ एन्‍टिओखिया मन्‍डलीके सब बिस्‍बासीसबके ओतेसे जाइले छुट्‍टी देल्‍कै। उसब फोनिके आ सामरिया परदेस हैतगेलै आ ओतेका बिस्‍बासीसब कनङके गैर-यहुदीसब परभुके बिस्‍बास करल्‍कै से बातसब बिस्‍तारमे सुनाइल्‍कै। यि बात सुइनके ओतेका बिस्‍बासीसब बहुते खुसी भेलै।

परेरित 15:3 Referans Kwoze

परेरित 14:27

बरनाबास आ पावल एन्‍टिओखियामे पुग्‍लै तब ओते मन्‍डलीके सब बिस्‍बासीके बोलाइल्‍कै। तब ओइसबके सुनाइल्‍कै जे परमेस्‍वर ओकरासबसङे केहन-केहन काम करल्‍कै आ कनङके उ गैर-यहुदीसबके खातिर बिस्‍बासके केबार खोइलदेल्‍कै।

परेरित 21:5

जब जाइबला समय आइबगेलै तब हमसब बिदा भ्‍याके आपन रस्‍तामे अगा बरहलियै। चेलासब आपन घरबाली आ बाल-बच्‍चाकेसङे हमरासबके अरियातैले नगर बाहरतक एलै। हमसब समुन्‍दरके पखामे ठेङहुनिया द्‍याके परथना करलियै।

तितस 3:13

तु वकिल जेनस आ अपोल्‍लोसके जाइबला सफरमे सकैजतहेक सहायता करिहे। खाँचो परैबला सब चिजके मदत करिहे।

१ कोरन्‍थी 16:11

अहैलेल कोइ नै ओकरा अपमान करे। महज सान्‍तीसे ओकरा आपन यातरामे पठ्‍यादहै आ उ हमरलग आबे। कथिलेकी भाइसबसङे एतै कैहके हम ओकर बाट ताकैचियै।

१ कोरन्‍थी 16:6

सकभर हम तोरासबसङे कुछदिन रहबौ या हेतै त पुरे जार मास ओतै बिताइबौ। तकरबाद हम जते जेबै त तुसब हमर यातराके बन्‍दोबस करैले सकबिही।

रोमी 15:24

ओहैसे हम इस्‍पेन परदेस जाइबखत बाटेमे तोरासबके भेटैके आसा करनेचियौ आ कुछ समय तोरासबसङे बिताबैके इक्‍छा करनेचियै। तब हमरा तुसब इस्‍पेन परदेस जाइले सहायता करबिही से आसा हम करनेचियौ।

परेरित 15:12

सभाके सबलोक चुप भेलै जब बरनाबास आ पावल ओइसबके परमेस्‍वर केहन-केहन आस्‍चरजके चेन्‍हा आ कामसब गैर-यहुदीसबके बिचमे ओइसबसे करने छै कहल्‍कै।

२ कोरन्‍थी 1:16

हम माकेडोनिया परदेस जाइबेर तोरासबसे भेटघाट करबौ आ माकेडोनियासे घुइमके आबैतो काल तोरासबलग एबौ आ ओतेसे यहुदिया परदेस जाइबेर तुसब हमर लेल बेबस्‍था मिलाइबिही कैहके हम चाहैछेलियै।

परेरित 28:15

परभुमे बिस्‍बास करैबला रोमके बिस्‍बासीसब जब हमरासबके आबैके खबर सुनल्‍कै तब उसब हमरासबके भेट करैले रोमसे अप्‍पियस बजार आ तिन-पाटी तक एलै। ओइसबके देखके पावल परमेस्‍वरके धन्‍यबाद देल्‍कै आ साहस पाबल्‍कै।

परेरित 13:52

तब ओहै बखत एन्‍टिओखियाके बिस्‍बासी बहौत खुसी आ पबितर आत्‍मासे भरपुर भेलै।

परेरित 13:48

जब गैर-यहुदीसब यि बात सुनल्‍कै, तब उसब खुसी भेलै आ परमेस्‍वरके बचनके गुनगान करल्‍कै आ अनन्‍त जिबनके खातिर नियुक्‍त भेल्‍हा सबलोक बिस्‍बास करल्‍कै।

परेरित 8:14

सामरियाके लोकसब परमेस्‍वरके बचन गरहन करैछै से बात सुइनके यरुसलेममे रहैबला परेरितसब पतरुस आ युहन्‍नाके ओते ओइसबलग पठाइल्‍कै।

लुका 15:32

महज अपनासबके खुसी हेबैये परतै, कथिलेत तोहर यि भाइ मरल जखा छेलौ, जियल छौ, हर्‌याल छेलौ, भेटलौ।’”

परेरित 1:15

ओइ दिनमे करिब एकसय बिस गोरा बिस्‍बासीसब एक ठाम जम्‍मा भेल छेलै तब पतरुस उसबके बिचमे ठडा भ्‍याके कहल्‍कै,

परेरित 15:1

जब कुछ लोकसब यहुदिया परदेससे एन्‍टिओखियामे आइबके बिस्‍बासीसबके अनङ सिक्‍छा देबे लाग्‍लै, “जाबेतक तुसब मोसाके नियम जखा खतना नै करबिही ताबे तक तुसब मुक्‍ती नै पाबबिही।”

परेरित 15:4

जब उसब यरुसलेममे पहुचलै तब ओइसबके ओतेका मन्‍डली, परेरितसब आ मन्‍डलीके रेखदेख करैबलासब स्‍वागत करल्‍कै। तब बरनाबास आ पावल ओइसबके सुनाबे लाग्‍लै जे परमेस्‍वर ओकरासबसे केहन-केहन कामसब करने छै।

परेरित 15:22

तकरबाद परेरितसब आ मन्‍डलीके अगुवासब मन्‍डलीके पुरा लोकसबसङे मिलके दुइ गोराके छानल्‍कै। उसब ओइ दुनुगोराके बरनाबास आ पावलके सङ लग्‍याके एन्‍टिओखिया पठाइले उचित ठानल्‍कै। उ चुनलहा बरनाबास कहाइबला यहुदा आ सिलास रहै। उ दुनुगोरा परभुमे बिस्‍बास करैबलासबके अगुवा रहै।

परेरित 15:32

यहुदा आ सिलास ओहोसब परमेस्‍वरके तरफसे बोलैबला अगमबक्‍तासब रहै। उसब परभुमे बिस्‍बास करैबला भाइ-भैयारीसबके बिस्‍बासमे मजगुत करैत उत्‍साह देल्‍कै।

परेरित 17:15

पावलके पुगाइले जाइबलासब ओकरा एथेन्‍स तक पुगादेल्‍कै। ओते पुइगके पावल ओइसबके हाथे सिलास आ तिमोथी सकभर जल्‍दीए आबे कैहके खबर पठाइल्‍कै।

परेरित 20:38

ओइसबके सबसे बेसी यि बातके दुख छेलै कि, “आबसे फेनो हमर मुह तुसब देखे नै पाबबिही।” तब ओकरा पानी जहादतक पहुचादेल्‍कै।