परेरित 15:11 - मध्‍य पुरविया थारू

¹¹ महज हमसब बिस्‍बास करैचियै कि परभु येसुके किरपासे अपनासबके मुक्‍ती मिलल छै, जनङ उसबके मिलल छै।”

परेरित 15:11 Referans Kwoze

रोमी 3:24

महज परमेस्‍वरके अनुगरहसे खिरिस्‍टमे बिस्‍बास करैबला लोकसबके मङनिएमे पापसे धरमी ठहराइल्‍कै।

तितस 2:11

कथिलेत परमेस्‍वरके अनुगरह सब लोकसबके मुक्‍ती दैले परकट भेल छै।

गलाती 2:16

तैयो लोक बेबस्‍था पालन कैरके धरमी नै ठहरैछै महज खिरिस्‍ट येसुमे भेल बिस्‍बास दुवारा धरमी ठहरैछै कहैबला बात जाइनके हमसब आपनेसे सेहो बेबस्‍थाके काम दुवारा नै बरु खिरिस्‍टके बिस्‍बास दुवारा धरमी ठहरलचियै कैहके येसु खिरिस्‍टमे बिस्‍बास करलियै कथिलेकी बेबस्‍थाके काम दुवारा कोइयो नै धरमी ठहरल जेतै।

२ कोरन्‍थी 13:14

परभु येसु खिरिस्‍टके अनुगहर, परमेस्‍वर पिताके परेम आ पबितर आत्‍माके संगति तोरासबके सङे हैतरहे।

२ कोरन्‍थी 8:9

कथिलेकी अपनासबके परभु येसु खिरिस्‍टके अनुगरह तोरासबके थाहे छौ, उ धनिक छेलै तयौ तोरासबके लेल उ गरिब भेलै ताकि ओकर गरिबीसे तुसब धनिक बनैले सक।

१ कोरन्‍थी 16:23

परभु येसु खिरिस्‍टके अनुगरह तोरासबसङे रहे।

रोमी 6:23

कथिलेत पाप करैबलाके बैन मिरतु चियै, महज फोक्‍टेमे देल परमेस्‍वरके बरदान त अनन्‍त जिबन चियै जे अपनासबके परभु येसु खिरिस्‍टमे देनेछै।

रोमी 5:15

परमेस्‍वरके फोक्‍टेके बरदान आदमके पाप जखा नै चियै। कथिलेत एकटा लोक आदमके पापके कारनसे बहुत लोक मरलै। महज एकटा लोक येसु खिरिस्‍टके बरदान दुवारा परमेस्‍वर बहुतो लोकके औरो बेसिसे अनुगरह देल्‍कै।

गलाती 1:6

तोरासब खिरिस्‍टके अनुगरहमे बोलाइबला परमेस्‍वरके अतहेक जल्‍दी बिसैरके दोसर सुसमाचार दिसन लागल देखके हमरा त एकदम ताजुब लाइगरहल छै।

परकास 5:9

उसब अनङ कहैत एकटा लया गित गाबल्‍कै, “यि कागतके मुठा लैले आ अकर लाहटके तोरेके योग्‍य अहाँ मातरे चियै, अहाँ मारल गेलियै आ आपन लहुसे अहाँ परमेस्‍वरके लेल सब कुल, भसा, जाती आ देसके लोकसबके छुटकरा देलियै।