परेरित 14:23 - मध्‍य पुरविया थारू

²³ जब उसब ओइसबके सब मन्‍डलीमे रेखदेख करैबलासब नियुक्‍त करल्‍कै, तब परथना आ उपासे रैहके आपन बिस्‍बास करल परभुमे ओइसबके सोइप देल्‍कै।

परेरित 14:23 Referans Kwoze

तितस 1:5

हमर अरह्‍याल बमौजी ओतेका रहल बाकी काम पुरा करैले आ हरेक सहरसबमे एल्‍डरसब छानैके लेल हम तोरा केरेट टपुमे छोइर देलियौ।

परेरित 11:30

अहिनङे उसब उठेल्‍हा पैसा बरनाबास आ साउलके हाथे यरुसलेम मन्‍डलीके रेखदेख करैबलासबके पठादेल्‍कै।

याकुब 5:14

कोइ बिमार छै त, उ मन्‍डलीके अगुवासबके बोलाबे तब उसब परभुके नाउमे तेलसे अभिसेक कैरके ओकर खातिर परथना करतै।

२ तिमोथी 2:2

बहौतरा साक्‍छीसबके अगा जे बात तु हमर मुहसे सुनने चिही, से बात औरो लोकके सिखाइले सकैबला बिस्‍बास योग्‍य लोकसबके सोइप दहै।

परेरित 20:32

“आब हम तोरासबके परमेस्‍वरके जिम्‍मा आ ओकर अनुगरहके बचनमे सौपदैचियौ, जैसे तोरासबके बिस्‍बासमे मजगुत बनाइले सक्‍तौ आ पबितर करल लोकसबके सङे उतराधिकार दैले सक्‍तौ।

१ तिमोथी 5:22

तु मन्‍डलीमे अगुवा नियुक्‍त करैके लेल झट-पट ककरो उपर हाथ राखैबला काम नै कर। आनगोराके पापमे सहभागी नै हो। तु अपने-आपके पबितर राख।

परेरित 20:17

तब मिलेटससे पावल एफिसस सहरमे समाध पठाके मन्‍डलीके रेखदेख करैबलासबके बोलाइले पठाइल्‍कै।

३ युहन्‍ना 1:1

हम मन्‍डलीके एल्‍डर युहन्‍नाके तरफसे, हमर पिरिय सङी गायसके यि चिठी लिखैचियै, जकरा हम साँचोके परेम करैचियै।

२ युहन्‍ना 1:1

हम एल्‍डरके तरफसे, परमेस्‍वरके चुनल जनी आ ओकर बेटा-बेटीके यि चिठी लिखैचियै, जकरा हम साँचोके परेम करैचियै, हम मातरे नै महज सतके चिन्‍हैबला सबकोइ परेम करैछै।

१ पतरुस 5:1

हम एकटा मन्‍डलीके एल्‍डर चियै आ खिरिस्‍टके भोगल दुख-कस्‍टके आपनेसे देख्‍ने चियै आ पछा आबैबला महिमामे सहभागी हेबै। ओहैसे हम तोरासबके बिचमे भेल एल्‍डरसबके बिन्‍ती करैचियौ।

१ तिमोथी 5:1

अपनसे बुढसबके नै हप्‍का, बरु आपन बाबु जखा आदरभावसे सम्‍झा-बुझा आ आपनसे छोट भाइ जखा बेबहार कर।

परेरित 15:6

अहै बातमे सोच बिचार करैले परेरितसब आ मन्‍डलीके रेखदेख करैबलासब बैठकी करल्‍कै।

परेरित 15:4

जब उसब यरुसलेममे पहुचलै तब ओइसबके ओतेका मन्‍डली, परेरितसब आ मन्‍डलीके रेखदेख करैबलासब स्‍वागत करल्‍कै। तब बरनाबास आ पावल ओइसबके सुनाबे लाग्‍लै जे परमेस्‍वर ओकरासबसे केहन-केहन कामसब करने छै।

१ पतरुस 5:10

तुसब कुछ समय कस्‍ट भोग्‍लाके बाद, अनुगरहसे भरल अपनासबके परमेस्‍वर, जे तोरासबके खिरिस्‍टमे अनन्‍त महिमामे सहभागी हैकेलेल बोलाइनेछौ। उ आपनेसे तोरासबके फेनसे अस्‍थापना करतौ, सिध करतौ, बलगर बनाके अस्‍थिर कराइतौ।

२ तिमोथी 1:12

तब अहै खातिर हम दुख उठाइचियै। महज यि बातके खातिर हम लाज नै मानैचियै, कथिलेत हम ककर उपर बिस्‍बास करनेचियै से हम निकसे जानैचियै। हम जे कुछ परमेस्‍वरके सौपने चियै, उ आपन आबैबला दिनतक सुरक्‍छित राख्‍तै कैहके पुरा भरोसा छै।

परेरित 15:23

उ चारु गोराके हाथे एहे चिठी पठाइल्‍कै: एन्‍टिओखिया, सिरिया आ किलिकियामे रहैबला, परभुमे बिस्‍बास करैबला औरो जातके साथीसङिसब, यि चिठी दुवारा हमरासबके परेरितसब आ धरमगुरुसबसे अभिबादन छै।

परेरित 14:26

तब ओतेसे उसब पानी जहादमे चहैरके एन्‍टिओखिया सहरमे गेलै, जते परभुमे बिस्‍बास करैबला लोकसब बरनाबास आ पावलके परमेस्‍वरके किरपामे सौपके परचारके काममे पठाइने छेलै, से काम पुरा कैरके एलै।

परेरित 1:22

अरथात एहेन लोक जे युहन्‍नाके बप्‍तिस्‍मासे ल्‍याके येसु स्‍वरग उठ्‍याल गेल दिनतक अपनासबसङे छेलै। उ लोक हमरासब सङे-सङे ओकर जि उठैके साक्‍छी हेबेपरतै।”

लुका 23:46

तब येसु जोर-जोरसे कहल्‍कै, “हे पिता, हम आपन आत्‍मा अहाँके हाथमे सोपै चियै!” अतेक कैहके ओकर परान छुइट गेलै।

मरकुस 3:14

तब ओकरे जरे रहैले आ परचार करैके लेल पठाबैले उ बारह गोरेके छानल्‍कै आ ओइसबके “परेरित” नाम देल्‍कै।

लुका 2:37

तब बिधुवे रैहके चौरासी बरिस बिताइने रहै। उ परमेस्‍वरके मन्‍दिरेमे उपास आ परथना कैरके रातदिन भक्‍तीसाथ परमेस्‍वरके सेबा करैतरहै।

परेरित 1:24

तखुन उसब अनङ परथना करल्‍कै, “सबलोकके हिरदयके बात जानैबला परभु, यि दुइ गोरा मेसे अहाँ ककरा चुनने चियै से हमरासबके देखाबु,

२ कोरन्‍थी 8:19

अतबे नै, अकरा जम्‍मा करल पैसा पुगाबैबला काममे हमरासबसङे जाइले मन्‍डलीसे छान्‍नेछै। यि काम हमसब परभुके महिमाके लेल आ हमरासबमे लोकसबके मदत करैबला मन छै से देखाइले करनेचियै।

मतीके लिखल सुसमाचार 17:21

[महज एहेन किसिमके भुत आत्‍मा परथना आ उपाससे मातरे निकाले सकैछै।]”