परेरित 14:19 - मध्‍य पुरविया थारू

¹⁹ तकरबाद कुछ यहुदीसब एन्‍टिओखिया आ आइकोनियनसे ओते एलै आ लोकसबके आपन पक्‍छमे कैरके पावल उपर पथलबाही कराइल्‍कै। उ मरगेल हेतै कैहके ओकरा घिस्‍याइत लज्‍याके सहरसे बाहर फेकदेल्‍कै।

परेरित 14:19 Referans Kwoze

२ तिमोथी 3:11

हम एन्‍टिओखिया, आइकोनियन आ लुस्‍तरा सहरमे केहन-केहन दुख भोगे परलै, से बात तु निक जखा जानैचिही। महज परभु हमरा ओइ सब आफत-बिपतसबसे बचेल्‍कै।

२ कोरन्‍थी 11:25

हम तिन बेर लाठीसे माइर खेलियै। हम एकबेर पथलसे माइर खेलियै। हम पानी जहादके यातरा करैबेर तिन चोटी जहाद डुइबगेलै। एक दिन आ एक रात हम समुन्‍दरमे बिताइलियै।

परेरित 14:5

तब गैर-यहुदीके लोक आ यहुदी लोकसब ओकरासबके आपने सासकसब सङे मिलके पावल आ बरनाबासके अपमान करैले आ पथलसे मारैके मन करल्‍कै।

परेरित 13:45

लोकसबके भिर देखके यहुदीसब एकदमसे डाह करे लाग्‍लै। पावल जे बाजैछेलै तै बातके उसब अपमान करैत ओकर बिरोध करे लाग्‍लै।

२ कोरन्‍थी 11:23

कि उसब खिरिस्‍टके सेबक चियै? हम बताह लोक जखा बोलैचियै, महज हम ओकरासबसे औरो असल सेबक चियै। ओकरासबसे त हम औरो बहौत मेहनत करनेचियै। कतहेक बेर त हम जहलमे परलियै, बहुत बेर कोर्‌रासे पिटाइ खेलियै आ बहुतो बेर कालके मुहसे बचल चियै।

परेरित 7:58

उसब स्‍तिफनसके पकैरके सहरसे बाहर निकाइलके ल्‍यागेलै आ ओकरा पथल फेकके मारे लाग्‍लै। साक्‍छीसब आपन-आपन बस्‍तर साउल नामके एकटा छौराके टाङ लग राखने रहै।

१ कोरन्‍थी 15:31

हे हमर भाइ-भैयासब, तोरासबके कारन परभु येसु खिरिस्‍टमे हम गर्‌भसे यि कहैले सकैचियौ, कि हम दिन-दिने मिरतुके खतरामे परैचियै।

परेरित 17:13

महज जब थेसलोनिकेमे भेल्‍हा यहुदीसब बेरियोमे पावल परमेस्‍वरके सुसमाचार परचार करैछै से बात सुनल्‍कै, तब उसब बेरियामे आइबके हो-हल्‍ला मचाबैले लाग्‍लै आ पावलके बिरोध करैले ओतेका लोकसबके उक्‍साइले लाग्‍लै।

परेरित 9:16

कथिलेकी हमर नामके खातिर ओकरा कतहेक दुख भोगे परतै, आब हम ओकरा देखाइबै।”

परेरित 22:20

तोहर गबाही दैबला स्‍तिफनसके लहु-लहुवान कैरके मारैत खिना हम ओतै लगमे ठारभेल रहियौ। ओकरा मारैबलासब सङे मिलके ओकरौरके बस्‍तरके रखबारी कैरके बैठल रहियै।’

परेरित 14:21

बरनाबास आ पावल डरबी सहरमे परचार कैरके बहौतके परभु येसुके चेला बनाइल्‍कै। तकरबाद उसब लुस्‍तरा, आइकोनियन आ पिसिदिया इलाकाके एन्‍टिओखियामे घुइमके एलै।

परेरित 13:14

महज उसब परगासे निकैलके पिसिदियाके एन्‍टिओखिया सहरमे एलै। ओते उसब बिसराम दिनमे यहुदीसबके सभाघरमे ज्‍याके रहलै।

परेरित 14:1

एन्‍टिओखिया सहरमे भेल घटना जखा आइकोनियन सहरमे सेहो भेलै। पावल आ बरनाबास यहुदीसबके सभाघरमे ढुइकके एहेन उपदेस देल्‍कै, कि ओतेका बहुतो यहुदी आ गिरिक लोकसब परभु येसु खिरिस्‍टमे बिस्‍बास करल्‍कै।

परेरित 14:2

महज बिस्‍बास नै करैबला यहुदीसब गैर-यहुदीसबके उस्‍काके परभुमे बिस्‍बास करैबला लोकसबके बिरोध करैले लगाइल्‍कै।

परेरित 14:4

महज सहरके लोकसब दुइटा गुटमे बाँटल गेलै। कुछ लोक यहुदी दिसन त कुछ लोक परेरितसब दिसन भेलै।

परेरित 14:18

यि सब बात कैहके उसब मुस्‍किलसे लोकसबके बैलभोग चरहाइले रोकल्‍कै।

परेरित 14:26

तब ओतेसे उसब पानी जहादमे चहैरके एन्‍टिओखिया सहरमे गेलै, जते परभुमे बिस्‍बास करैबला लोकसब बरनाबास आ पावलके परमेस्‍वरके किरपामे सौपके परचारके काममे पठाइने छेलै, से काम पुरा कैरके एलै।

परेरित 15:26

यि दुनुगोरा एहेन लोकसब चियै, जे परभु येसु खिरिस्‍टके सेबाके खातिर आपन जानो तकके परबाह नै करने छै।

२ कोरन्‍थी 11:26

हम बेर-बेर यातरा करैबखत लदिसबके, समुन्‍दरके, सहरके, उजार जगहके आ डाकुसबसे, आपने जाइतके लोकसबसे, आनजातके लोकसबसे, झुठा सिक्‍छकसबसे आबैबला खतरामे परलियै।

१ थेसलोनिकी 2:14

यि बात हमरासबके थाहछै भाइ-भैयासब कथिलेकी तोरासबके जे समस्‍या भेलौ उ समस्‍या यहुदियामे रहल परमेस्‍वरके मन्‍डली अरथात खिरिस्‍ट येसुमे बिस्‍बास करैबला लोकसबके भेलै। उसब आपन जाती यहुदीसे जनङ सताबट पाबल्‍कै तहिने तुहुसब आपने जातीके लोकसबसे सताबट पाबनेचिही।