परेरित 14:15 - मध्‍य पुरविया थारू

¹⁵ “यौ साथीसब, अहाँसब कथिले एहेन काम करैचियै? हम्‍हुसब त अहैसब जखा दुख-सुख भोगैबला लोकसब चियै आ अहाँसब यि मुरुतके पुजा-पाठ करैले छोइरके जिबित परमेस्‍वर जे अकास, पिरथिबी, समुन्‍दर आ ओइमे जे कुछो छै, ओइसबके बनाइनेछै तैमे बिस्‍बास करु कैहके सुसमाचार सुनाबैले एलचियै।

परेरित 14:15 Referans Kwoze

याकुब 5:17

एलियो आपने सबके जखा लोक रहै। उ पानी नै परे कैहके भक्‍तिसाथ परथना करल्‍कै त, साढे तिन बरिस तलिक पानी नै परलै।

१ कोरन्‍थी 8:4

तैखातिर मुरुतिके चरह्‍याल खाइले मिलैछै कि नै मिलैछै तैके बारेमे हमसब जानैचियै कि, सन्‍सारके मुरती किछो नै चियै आ एक मातरे परमेस्‍वर बाहेक औरो कोइ नै छै।

परेरित 10:26

महज पतरुस ओकरा उठाइत कहल्‍कै, “उठ, हम्‍हु त तोरे जखा लोक चियै।”

परकास 14:7

उ बरका अबाजमे कहल्‍कै, “परमेस्‍वरके डर मान आ ओकर महिमा कर, कथिलेत ओकर नियाय करैबला समय आइबगेल छै। स्‍वरग, पिरथिबी, समुन्‍दर आ पानीके भवसब बनाबैबला परमेस्‍वरके आराधना कर।”

१ थेसलोनिकी 1:9

कथिलेकी जब हमसब तोरासबलग एलियौ त तुसब कनङके हमरासबके स्‍वागत कैल्‍ही आ जिबित आ सत परमेस्‍वरके सेबा करैके लेल कनङके मुरतिपुजा करैले छोइरदेल्‍ही से बात त लोकसब आपने कहैछै।

एफिसी 4:17

अहै खातिर हम परभुके देल अधिकारसे तोरासबके जोर द्‍याके कहैचियौ, आबसे तोरासबके चालचलन परमेस्‍वरके नै चिन्‍हैबलासब जखा नै हेबे। कथिलेत ओइसबके सोच-बिचार बेकार छै।

परेरित 4:24

जब उसब सब बात सुनल्‍कै, तब उसब जोरसे एके अबाजमे परमेस्‍वरके कहल्‍कै, “हे परमपरभु, जे स्‍वरग, पिरथिबी, समुन्‍दर आ ओइमे भेल सबचिज अहाँ बनेलियै।

मतीके लिखल सुसमाचार 16:16

सिमोन पतरुस जबाफ देल्‍कै, “अहाँ त खिरिस्‍ट चियै, जिबित परमेस्‍वरके बेटा।”

हिबरु 3:12

हे पिरिय भाइ-भैयासब, होसियार रह। तोरासबमेसे ककरोमे भेल दुस्‍ट आ अबिस्‍बासी हिरदय तोरासबके जिबित परमेस्‍वरसे दुर नै लजाबे।

१ तिमोथी 3:15

यदी हमरा आबैमे देर हेतै त, परमेस्‍वरके परिबारमे भेल लोकसबके चाल-चलन केहेन रहैके चाही से जाइनले। यि परिबार त जिबित परमेस्‍वरके मन्‍डली अरथात सतके खम्‍हा आ जग चियै।

परेरित 14:21

बरनाबास आ पावल डरबी सहरमे परचार कैरके बहौतके परभु येसुके चेला बनाइल्‍कै। तकरबाद उसब लुस्‍तरा, आइकोनियन आ पिसिदिया इलाकाके एन्‍टिओखियामे घुइमके एलै।

युहन्‍ना 7:18

जे कोइ आपन मनसे बोलैछै, उ आपने महिमा ताकैछै, महज जे अपना पठाइबलाके आदर खोजैछै, उ सत लोक चियै आ ओइमे कोनो कपट नै रहैछै।

परकास 22:9

महज उ हमरा कहल्‍कै, “हमरा आराधना नै कर। हम त तोहर आ अगमबानी बोलैबला तोहर भाइ-भैया आ यि किताबके बचन पालन करैबलासब जखा परमेस्‍वरके सेबक मातरे चियै। परमेस्‍वरके मातरे आराधना कर!”

परकास 19:19

तब हम उ जानबर आ सन्‍सारके रजासबके आपन-आपन सिपाहीसब ल्‍याके, घोरामे सबार भेल आ ओकर सेनासबके बिरोधमे लराइ करैले एक ठाम जम्‍मा भेल देखलियै।

परकास 19:10

तब हम ओकरा आराधना करैले ठेङहुनिया देलियै महज उ हमरा कहल्‍कै, “तु एहेन नै कर। हम त तोहर आ तोहर भाइ-भैयासबसङे येसुके गबाही दैबला परमेस्‍वरके सेबक मातरे चियै। परमेस्‍वरके मातरे आराधना कर। कथिलेत जे कोइ परभु येसु खिरिस्‍टके गबाही दैछै ओकरा परमेस्‍वरसे अगमबक्‍तासबके हौसला दैछै।”

परेरित 27:25

अहै खातिर हे हमर भाइ-भैयारीसब साहस कर। कथिलेत परमेस्‍वरमे हम पुरा बिस्‍बास करैचियै कि जनङ हमरा कहनेछै तैहनङ हेबे करतै।

परेरित 27:21

जहादमेके लोकसब खाना नै खेने बहुतदिन भेल छेलै। ओइ बखत पावल ओइसबके कहल्‍कै, “हौ भाइ-भैयासब, अहाँसब हमर बात माइनके केरेटसे जहाद नै चलाइने रहतियै त नै यि बिपतमे एतियै, नै कोनो बिनासे हेतियै।

परेरित 27:10

“हौ दाजु-भाइसब, हमरा यि लागैये जे यदी हमसब समुन्‍दर यातरा करलासे जहाद आ अकर सर-समान मातरे नै, महज अपनासबके परानो जाइके डर छै।”

परेरित 16:30

तकरबाद उ ओइसबके बाहर लज्‍याके कहल्‍कै, “हे हौ मालिकसब, हमरा उदार पाबैले कथी करेपरतै?”

परेरित 14:7

आ उसब ओतै निरन्‍तर सुसमाचार परचार करैत रहलै।

परेरित 13:32

हमसब यि सुसमाचार सुनाइले एलचियौ, जे बात परमेस्‍वर अपनासबके पुरखासबके परतिग्‍या करने रहौ।

परेरित 7:26

“बिहान के जब दुइटा इजराएली आपनेमे झगरा करैतरहै तहै बखत मोसा एलै आ ओइसबके मेलमिलाप कराइले कोसिस करैत कहल्‍कै, ‘देख, तुसब त भाइ-भैयारी चिही, तब कथिले आपनमे मारपिट करैचिही?’

युहन्‍ना 5:26

कथिलेत जहिनङे पिता आपनेमे जिबनके मुल चियै, तहिनङे उ आपन बेटोके जिबनके मुल बनाइनेछै,

परकास 4:11

“हे हमर परभु परमेस्‍वर, अहाँ सम्‍मान, आदरके योग्‍य चियै, कथिलेत अहि सब चिजके सिरिस्‍टी करनेचियै आ अहाँ आपने इक्‍छा बमोजिम सिरिस्‍टी करलियै आ उ असतित्‍वमे एलै।”