परेरित 13:48 - मध्‍य पुरविया थारू

⁴⁸ जब गैर-यहुदीसब यि बात सुनल्‍कै, तब उसब खुसी भेलै आ परमेस्‍वरके बचनके गुनगान करल्‍कै आ अनन्‍त जिबनके खातिर नियुक्‍त भेल्‍हा सबलोक बिस्‍बास करल्‍कै।

परेरित 13:48 Referans Kwoze

एफिसी 1:4

उ सन्‍सार सिरिस्‍टी करैसे पैहनिए खिरिस्‍टमे अपनासबके आपन अगा पबितर आ निरदोस करैले छान्‍ने छेलै।

रोमी 11:7

अकर मतलब सब इजराएलीसब परमेस्‍वरके अगा धरमी हैले चाहतो परभी नै भेलै महज परमेस्‍वरके छानल कुछ इजराएलीसब मातरे धरमी ठहरलै। औरो बाकी इजराएलीसब कठोर भेलै।

युहन्‍ना 10:16

हमर औरो भेंरासब छै जे अइ जेरके नै चियै। हमरा ओकरोसबके अइ जेरमे लाबैके जरुरी छै। उसब हमर बोली सुन्‍तै आ सब एके जेरमे हेतै आ उसबके एकेटा चरबाह हेतै।

युहन्‍ना 11:52

यहुदीसबके देसके लेल मातरे नै, महज जते-तते छिरियाल परमेस्‍वरके बेटा-बेटीसबके एकसाथ जमा करैके लेल एहेन कहलगेल छेलै।

एफिसी 1:19

खिरिस्‍टमे बिस्‍बास करैबलासबके खातिर काम करैबला ओकर महान सक्‍ती अनुमाने करैले नै सकबिही। यि बात तोरासबके थाह हेबे कैहके हम परथना करैचियौ।

परेरित 2:41

तब जे-जे ओकर बातमे बिस्‍बास करल्‍कै, सेसब बप्‍तिस्‍मा लेल्‍कै आ ओहै दिन करिब तिन हजार लोक बिस्‍बासीसबके समुहमे थपेलै।

परेरित 22:10

हम कहलियै, ‘आब हम कथी करबै, परभु?’ परभु जबाब देल्‍कै, ‘उइठके दमस्‍कस सहरमे जो, ओतै तोरा परमेस्‍वरके खटेल्‍हा कामसबके बारेमे कहतौ।’

लुका 7:8

कथिलेत हम्‍हु बरका हाकिमके निचामे बैठल लोक चियै। हमरो निचामे सिपाहीसब छै। हम एकटा सिपाहीके, ‘जो’ कहैचियै त, उ जाइछै आ दोसरके, ‘या’ कहैचियै त, उ आबैछै। तैहनङे नोकरके हम, ‘यि कर’ कहैचियै त, उ ओहिनङ करैछै।”

रोमी 13:1

सबलोक सासन करैबला सासकसबके अधिनमे रहैले परतौ, कथिलेत परमेस्‍वर ओइसबके सासन करैबला अधिकार देनेछै। ओइसबके परमेस्‍वरे छान्‍नेछै।

परेरित 28:23

तकरबाद उसब पावलके बात सुनैके लेल दिनके निस्‍चित करल्‍कै आ उ निस्‍चित करलाहा दिनमे पहिनेके दिनसे बेसी लोक पावल रहल ठाममे भेटैले एलै। उ ओइसबके अनगुतसे ल्‍याके साँझ पहरतक बतेल्‍कै आ परमेस्‍वरके राजके बारेमे गबाही देल्‍कै आ मोसाके बेबस्‍था आ अगमबक्‍ताके किताबसे येसुके बारेमे कैहके बिस्‍बासमे लाबैके कोसिस करल्‍कै।

परेरित 2:47

आ परमेस्‍वरके परसन्‍सा करैक। औरो लोकसबसेहो ओकरासबके असल नजैरसे देखैक। तब उदार पाबैबलासबके समुहमे दिन-दिने परभु बिस्‍बासीसबके संख्‍या थैप दैछेलै।

परेरित 20:13

तब हमसब पावलके छोइरके पैहनैये पानी जहादसे अस्‍सोस सहरमे गेलियै। पावलके अस्‍सोस सहर तक पैदल चैलके जाइले इछा करलाके कारन उ अपने आपके अस्‍सोस सहरमे मातरे पानी जहादमे चरहैके तालमेल मिलाइने छेलै।

मतीके लिखल सुसमाचार 28:16

एगारहो चेलासब गालिलके ओइ पहाड़मे गेलै जते येसु ओइसबके जाइले कहने छेलै।

२ थेसलोनिकी 3:1

अन्‍तमे हमर भाइसब, हमरासबके लेल परथना करैतरह, ताकि परभुके बचन तोरासबके बिचमे फैलल जखा जल्‍दीसे फैले आ अकर आदरकेसाथ सुइकार हेबे।

१ कोरन्‍थी 16:15

भाइसब तोरासबके थाहे छौ, कि स्‍तिफनासके परिबार अखैयामे बिस्‍बास करैबलासबमेसे पहिल्‍का चियै। उसब परमेस्‍वरके जनसबके सेबामे अपनाके अरपन करने छै।

परेरित 15:31

उसब चिठीमे उत्‍साहके बात पैढ़के सब बिस्‍बासीसब खुसी भेलै।

परेरित 15:2

तब पावल आ बरनाबासके ओइसबसङे बहौत कहा-कही आ झगरा भेलाके बाद ओतेका बिस्‍बासीसब यि सबालके खातिर सरसल्‍लाह करैले पावल आ बरनाबास आ औरो लोकसबके परेरितसब आ मन्‍डलीके रेखदेख करैबलासब लग यरुसलेम पठाइले निरनय करल्‍कै।

परेरित 13:42

जखुन पावल आ बरनाबास सभाघरसे बाहर निकलैत खिना आबैबला बिसरामके दिन यि बात सुन्‍या दैहे कैहके लोकसब ओइ दुनु गोराके बिन्‍ती करल्‍कै।

परेरित 8:8

अहिनङे ओइ सहरमे बहौत आनन्‍द भेलै।

मतीके लिखल सुसमाचार 25:46

तब उसब दन्‍डके भागिदार हेतै, महज धरमीसब अनन्‍त जिबन पाबतै।”

परेरित 13:12

तब बडा-हाकिम यि घटना देखके परभु येसुके बिस्‍बास करल्‍कै। उ परभुके सिक्‍छासे छक परल रहै।

रोमी 8:28

अपनासबके थाहछै कि, परमेस्‍वरके परेम करैबला आ ओकर उदेस्‍य अनुसार बोल्‍याल लोकसबके लेल सब बातमे परमेस्‍वर भलाइ करैछै।

एफिसी 1:5

उ आपन उदेस्‍य अनुसार अपनासबके परेम कैरके येसु खिरिस्‍टमे आपन सन्‍तान हैले पहिनेसे छान्‍ने छेलै।

एफिसी 1:11

कथिलेत सब बात परमेस्‍वरके योजना आ इक्‍छा अनुसार भेलछै। परमेस्‍वर अपनासबके आपन खुसिसे खिरिस्‍टमे छानल्‍कै। यि बात उ पहिनेसे करल योजना अनुसार भेल छेलै।