परेरित 13:43 - मध्‍य पुरविया थारू

⁴³ सभा ओरेलाकेबाद बहौत यहुदी आ यहुदी धरम मानैबला लोकसब पावल आ बरनाबासके पछा लाग्‍लै। पावल आ बरनाबास ओइसबसे बात करैत परमेस्‍वरके किरपामे भरोसा राखने रह कैहके उत्‍साह देल्‍कै।

परेरित 13:43 Referans Kwoze

परेरित 11:23

बरनाबास ओते एलै आ परमेस्‍वर ओइसबके मन्‍डली उपर करल किरपा देखके खुसी भेलै। तुसब पुरा हिरदयसे परभुके बिस्‍बासमे बरहैत रह कैहके उत्‍साह देल्‍कै।

परेरित 14:22

उसब ओइठाम परभुके बिस्‍बासीसबके हिम्‍मत बरहाइत ओइसबके बिस्‍बासमे अस्‍थिर रहैले हौसला दैत रहलै आ कहैत रहलै, “परमेस्‍वरके राजमे पुगैसे पैहने अपनासबके बहौत दुख सहे परत।”

२ युहन्‍ना 1:9

खिरिस्‍टके सिक्‍छासे बाहर जाइबला लोकसङे परमेस्‍वर नै रहैछै, महज ओकर सिक्‍छामे चलैबला लोकसङे परमेस्‍वर पिता आ बेटा दुनु रहैछै।

हिबरु 13:9

अनेक किसिमके अचमके सिक्‍छाके भरममे नै पर। खाइ पियैबला नियमसे नै महज परमेस्‍वरके अनुगरहसे हिरदय बौकार भेल असल चियै। ओहेन बिधी पालन कैरके ककरो उपकार नै भेलछै।

हिबरु 12:15

होसियार रह कि कोइ नै परमेस्‍वरके अनुगरह पाबैसे छुटे, ताकी अबिस्‍बासके तित जैर बैढके तोरासबके बिचमे फुट नै आने। एहैन लोक बहुतो लोकसबके असुध नै बनाबे।

कलस्‍सी 1:28

तैखातिर हमसब ग्‍यानमे सबलोकके चेताबनी आ सिक्‍छा दैत खिरिस्‍टके बारेमे परचार करैचियौ ताकी सबलोकके खिरिस्‍टमे परिपक बन्‍याके परमेस्‍वरके अगा लाबैले सकी।

कलस्‍सी 1:23

साँचोके तुसब आपन बिस्‍बासमे अस्‍थिर आ बलगर भ्‍याके सुनल सुसमाचारके आसासे पछा नै हट। एह्‍या सुसमाचार चियै, जे सन्‍सारके सब लोकसबके परचार करलगेलछै। हम पावल सेहो एह्‍या सुसमाचार सुनाइले परमेस्‍वरके सेबक भेलचियै।

फिलिप्‍पी 4:1

अहैलेल हे हमर पिरिय भाइ-भैयासब, तुहिसब हमर लेल पिरिय चिही। हम तोरासबके कतहेक याद करैत रहैचियौ। तुसब हमर आनन्‍द आ मुकुट चिही। हे हमर पिरियसब, अहिनङे तुसब परभुमे अस्‍थिर रह।

फिलिप्‍पी 3:16

चाहे जे हेबे, हमसब जे बात पाबनेचियै तैमे बौकार भ्‍याके रह।

एफिसी 2:8

कथिलेकी परमेस्‍वरके अनुगरहसे तुसब बिस्‍बाससे बच्‍याल गेलचिही। तुसब आपनेसे कोसिस कैरके नै, यि त परमेस्‍वरके देल बरदान चियौ।

गलाती 5:1

खिरिस्‍ट अपनासबके स्‍वतन्‍तर करने छै। तहैलेल बौकार भ्‍याके खरा हो आ फेनसे बेबस्‍थाके दास हैले नै परे।

२ कोरन्‍थी 6:1

हमसब परमेस्‍वरसङे काम करैबलासब भेलाके कारन तोरासबके बिन्‍ती करैचियौ कि परमेस्‍वरसे भेटल अनुगरहके बेरथमे जाइले नै दहै।

२ कोरन्‍थी 5:11

परभुके डर कथि चियै कैहके हमरासबके थाहछै, ओहैसे हमसब लोकसबके सम्‍झाबैके कोसिस करैचियै। हमसब के चियै कैहके परमेस्‍वरके निकसे थाहछै आ हमर जिबन तोरासबके अगा खुलस्‍तछौ कैहके हम आस करैचियै।

रोमी 11:6

यि त परमेस्‍वरके अनुगरहसे भेल छै, धरम-करमसे नै, नै त परमेस्‍वरके अनुगरह बेरथ हेतियै।

रोमी 5:21

पहिने पापके सक्‍ती सब लोकसबके पाप करैले लगेल्‍कै आ मरलै। आब परमेस्‍वरके दयासे हमसब ओकर अगा धरमी ठहरैचियै आ अपनासबके परभु येसु खिरिस्‍ट दुवारा अनन्‍त जिबन पाबैछै।

रोमी 5:2

खिरिस्‍ट हमरासबके बिस्‍बास दुवारा परमेस्‍वरके अनुगरहमे लाबने छै। यह्‍या अनुगरहके हमसब अखुन अनुभव करैचियै आ परमेस्‍वरके महिमामे सहभागी हैके आसमे आनन्‍द मनाबैचियै।

रोमी 3:24

महज परमेस्‍वरके अनुगरहसे खिरिस्‍टमे बिस्‍बास करैबला लोकसबके मङनिएमे पापसे धरमी ठहराइल्‍कै।

परेरित 17:34

कुछ लोकसब पावल सङे लाइगके परभुमे बिस्‍बास करल्‍कै। ओइसबमेसे अरियोपागस सभाके डियनुसियस नामके सदस आ दामारिस नामके जनी रहै। अकरौरके अलाबा औरो कुछ लोक परभुमे बिस्‍बास करल्‍कै।

परेरित 17:4

ओइसबमेसे कतहेक यहुदीसब बिस्‍बास कैरके पावल आ सिलासके पछा लाग्‍लै। अहिनङे परमेस्‍वरके सेबा करैबला गिरिकसब आ नाम चलल जनी ओहोसब बिस्‍बास करल्‍कै।

परेरित 16:14

ओते थिआटिरा सहरमे रहैबाली एकटा लिडिया नामके जनी रहै जे बैजनी रङके बस्‍तरके बेपार करैतरहै। उ परमेस्‍वरके मानैत रहै आ हमरासबके बात सुइन रहल छेलै। पावलके बात धियानसे सुनौक आ बिस्‍बास करौक कैहके परभु ओकर मनके देहरी खोइल देल्‍कै।

परेरित 14:3

पावल आ बरनाबास ओते बहौत दिनतक रहलै। उसब निडर भ्‍याके परभु येसुके खातिर परचार करैत रहलै। परभु ओकरासबके हाथसे चेन्‍हासब आ अच्‍चमके कामसब कैरके आपन किरपाके बिसयमे ओकरासबके परचारके सत ठहराइल्‍कै।

२ पतरुस 3:14

ओहैसे, हे हमर पिरिय सङिसब, ओइ दिनके आसमे रहैतकाल परमेस्‍वरके नजरमे सुध, निरदोस आ सान्‍तीमे रैहके जिबन जियैले कोसिस कर।

१ पतरुस 5:12

हम यि छोट चिठी बिस्‍बासयोग्‍य भाइ सिलाससे लिखाबैचियौ। हम तोरासबके साहस दैकेलेल आ तोरासबके जे भ्‍यारहलछौ उ परमेस्‍वरके सच्‍चा अनुगरह चियै कैहके गबाही दैचियौ। यि अनुगरहमे अस्‍थिर भ्‍याके रह।

गलाती 5:4

बेबस्‍था पालन कैरके परमेस्‍वरके नजरमे धरमी ठहरैले चाहैबला खिरिस्‍टसे अलग भेलचिही आ ओकर अनुगरहसे दुर भेलचिही।

परेरित 28:23

तकरबाद उसब पावलके बात सुनैके लेल दिनके निस्‍चित करल्‍कै आ उ निस्‍चित करलाहा दिनमे पहिनेके दिनसे बेसी लोक पावल रहल ठाममे भेटैले एलै। उ ओइसबके अनगुतसे ल्‍याके साँझ पहरतक बतेल्‍कै आ परमेस्‍वरके राजके बारेमे गबाही देल्‍कै आ मोसाके बेबस्‍था आ अगमबक्‍ताके किताबसे येसुके बारेमे कैहके बिस्‍बासमे लाबैके कोसिस करल्‍कै।

परेरित 17:17

उ यहुदीसबके सभाघरमे ज्‍याके यहुदी आ परमेस्‍वरके डर मानैबला गिरिक जातीके लोकसबसे बात-चित करै। ओहिनङे सबदिन बजारमे आबैबला लोकोसबसङे उ खौम बात-चित करै।

परेरित 13:50

महज यहुदीसब परमेस्‍वरके भक्‍ति करैबला जनिसब आ सहरके नेतासबके समेत पावल आ बरनाबासके बिरोधमे चरह्‍या-बरह्‍याके ओइसबके ओइ इलाकासे भगा देल्‍कै।

परेरित 6:5

यि बिचार सुइनके सबकोइके असल लाग्‍लै आ सबकोइ खुसी भेलै, उसबमेसे स्‍तिफनस जे पबितर आत्‍मा आ बिस्‍बाससे भरपुर छेलै आ फिलिप, परखरस, निकनोर, तिमोन, परमिनास आ पहिने एन्‍टिओखियाके यहुदी धरम मानैबला निकोलाउसके सेहो छानल्‍कै।

परेरित 2:10

तब फिरिगिया, पामफिलिया, मिसर आ लिबिया देसके एकटा कुरेनी सहर नजदिकके कतहेक ठामसब आ रोमसे एल्‍हा यहुदी आ यहुदी धरम मानेबलासब दुनु छै,

मतीके लिखल सुसमाचार 23:15

“तुहे धरमगुरुसबके आ फरिसीसबके धिक्‍कार! तुसब कपटी चिही! कथिलेत तुसब एकोटाके आपन धरममे आनैके लेल जमिन अकास एक कैरदैचिही, महज जब उ आबैछौ त, तुसब ओकरा आपनसे दोबर नरकमे जाइके जोकर बनादैचिही।

१ युहन्‍ना 2:28

हमर धियापुतासब, खिरिस्‍टमे रह आ जहिया उ परगट हेतौ, तहिया तोरासबके साहस मिल्‍तौ तब ओकर आबैबला ओइ दिन ओकर अगा लाजमे नै परबिही।

तितस 2:11

कथिलेत परमेस्‍वरके अनुगरह सब लोकसबके मुक्‍ती दैले परकट भेल छै।

परेरित 18:7

तब पावल सभाघरसे निकललै आ तहियेसे यहुदीसबके सभाघरमे जाइले छोइरदेल्‍कै। ओहै सभाघरके कातमे परमेस्‍वरके भक्‍ति करैबला तितस युस्‍तस नामके लोकके घरमे गेलै।