परेरित 13:26 - मध्‍य पुरविया थारू

²⁶ “ऐ, अबराहमके कुलके धियापुता आ ओकरौरके परमेस्‍वरके डर मानैबला चाहे उ आने जातीके कियनै हेबै, कथिलेत यि मुक्‍तीके खबर परमेस्‍वर अपनासबके खातिर पठाइने छै।

परेरित 13:26 Referans Kwoze

कलस्‍सी 1:5

तोरासबके खातिर स्‍वरगमे सुरक्‍छित साथ राखल आसाके कारन एहेन बिस्‍बास आ परेम करैचिही। यि असाके बिसयमे तुसब पहिनेसे सतके बचन अरथात सुसमाचार सुन्‍नेचिही।

एफिसी 1:13

तहिनङे तु गैर-यहुदीसब मुक्‍ती दैबला सतके बचन अरथात सुसमाचार सुइनके खिरिस्‍टमे बिस्‍बास करलिही। आपन परतिग्‍या करलहा पबितर आत्‍माके छाप तोरासबके लग्‍यादेनेछौ।

रोमी 1:16

हमरा यि सुसमाचार सुनाइले लाज नै लागैछै, कथिलेकी बिस्‍बास करैबला सबलोकके मुक्‍ती दैकेलेल यि सुसमाचार परमेस्‍वरके सक्‍ती चियै, जे पहिने यहुदीसबके लेल आ बादमे गैर-यहुदीयोसबके लेल चियै।

लुका 1:77

‘कनङके पापसे छमा पाइबके मुक्‍ती पाबबिही’ से बात तु ओकर लोकसबके कहबिही।

लुका 1:69

उ आपन सेबक दाउदके खन्‍दानमे हमरासबके लेल एकटा सक्‍तिसाली मुक्‍तीदाता ठार करने छै।

परेरित 13:46

तब पावल आ बरनाबास साहस कैरके कहल्‍कै, “परमेस्‍वरके बचन सबसे पैहने तोरासबके सुनेनाइ जरुरी छेलै, महज तोरौरके सुनैले नै मानलिही। तोरौरके आपनके अनन्‍त जिबनके योगके नै मानैचिही। आब हमसब दोसर जातीके लोकसबके परमेस्‍वरके बचन सुनाबे जेबै।

परेरित 13:43

सभा ओरेलाकेबाद बहौत यहुदी आ यहुदी धरम मानैबला लोकसब पावल आ बरनाबासके पछा लाग्‍लै। पावल आ बरनाबास ओइसबसे बात करैत परमेस्‍वरके किरपामे भरोसा राखने रह कैहके उत्‍साह देल्‍कै।

परेरित 10:35

महज कोनो जातीके लोक हेबे, असल काम करैबला आ ओकर डर मानैबलासबके परमेस्‍वर मन पराइछै।

परेरित 5:20

“जो आ मन्‍दिरमे ठार भ्‍याके नया जिबन दैबला सब सन्‍देस लोकसबके सुना।”

परेरित 4:12

“येसु बाहेक औरो कोइ दोसरमे उदार नै छै, कथिलेत हमरासबके उदार पाबैले स्‍वरगके निचा लोकसबके बिचमे औरो कोनो दोसर नाम नै देनेछै।”

लुका 24:47

तब यरुसलेमसे सुरु कैरके सब जातीसबके ओकर नाममे पस्‍चाताव आ पाप छमाके परचार हैलेपरतै।

मतीके लिखल सुसमाचार 10:6

बरु इजराएलके लोकसब लग जो, जे हेरयाल भेंरासब जखाछै।

मतीके लिखल सुसमाचार 3:9

‘हमसब अबराहमके सन्‍तान भेलासे बाँच्‍बै’ कैहके नै सोच। कथिलेत हम तोरासबके कहैचियौ, परमेस्‍वर यि पथलोसे अबराहमके खातिर धियापुता जलमा सकैछै।

परेरित 16:17

उ पावल आ हमरासबके पछा आइबके चिच्‍याबे लाग्‍लै, “यीसब सबसे महान परमेस्‍वरके सेबकसब चियै। यीसब, ‘कनङ तोरौरके उदार पाबबिही’ से बात तोरौरके कहतौ।”

परेरित 3:26

तैहनङे परमेस्‍वर आपन सेबक येसुके ठार कैरके सबसे पहिने अहैसब लग पठेल्‍कै जैसे उ ओइसबके पापके रस्‍तासे घुम्‍याके आसिस देल्‍कै।”

परेरित 28:28

“अहैलेल तोरासबके थाह हेबे कि परमेस्‍वरके यि मुक्‍ती गैर-यहुदीके लेल पठालगेल छै आ उसब सुन्‍तै।”

युहन्‍ना 6:68

सिमोन पतरुस जबाफ देल्‍कै, “हे परभु, हमसब कते जेबै? अहाँसङे अनन्‍त जिबन दैबला बचन छै।

परेरित 10:2

उ परमेस्‍वरके भक्‍त छेलै। उ आ ओकर परिबारके सब सदस परमेस्‍वरके डर मानैबला लोकसब रहै। उ गरिबसबके उदारचितसे दान करैछेलै आ परमेस्‍वरसङे लगातार परथना करैतरहै छेलै।

परेरित 22:5

हमर कहल बातके मुल पुजारी आ अपनासबके महासभाके सदससब गबाही दैले सक्‍तौ। ओह्‍यासब हमरा दमस्‍कसमे रहैबला यहुदी भाइ-भैयारीसबके नामसे चिठी देल्‍कै आ ओइ चिठीमे हमरा परभु येसुमे बिस्‍बास करैबला सब लोकसबके पकरैके अधिकार मिलल छेलै। अहै खातिर ओइसबके झिझिरसे बान्‍हके यरुसलेममे आइनके सजाइ दियाइबै से सोइचके हम दमस्‍कस दिसन गेलियै।