परेरित 13:25 - मध्‍य पुरविया थारू

²⁵ जखुन युहन्‍ना आपन काम ओराबे लाग्‍लै तखुन कहल्‍कै, ‘तुसब हमरा जे बुइझ रहलचिही, से हम नै चियौ। महज हमरसे पछा एक गोरा आबैछौ, जकर हम जुताके फितो तक खोलैके जोकर नै चियै।’

परेरित 13:25 Referans Kwoze

मतीके लिखल सुसमाचार 3:11

“हम पस्‍चातापके खातिर तोरासबके पानीसे बप्‍तिस्‍मा देबौ, महज हमरसे पाछे जे आबैबला छै, उ हमरोसे सक्‍तिसाली छै, जकर हम जुतो बोकैके जोकर नै चियै। उ तोरासबके पबितर आत्‍मा आ आइगसे बप्‍तिस्‍मा देतौ।

मरकुस 1:7

युहन्‍ना लोकसबके एहेन कैहके परचार करैछेलै, “जे हमरसे पछा एतौ उ हमरसे बरका छै आ हम निहुकके ओकर जुताके फितो तक खोलैके जोकर के नै चियै।

परेरित 20:24

महज हम आपन जिबनके कोनो मोलके नै मानैचियै। अतबेहेक मातर चाहैचियै कि, परमेस्‍वर लोकसबके अनुगरह देने छै से सुसमाचार करैले हम अन्‍ततक दौरबरहा करी आ परभु येसुसे मिलल सेबाके काम पुरा करेसकी।

परकास 11:7

उसब आपन गबाही दैबला काम ओरेलाकेबाद नरकसे निकैलके एल उ जानबर ओकरासबसे लराइमे जितके ओकरासबके जानसे माइरदेतै।

२ तिमोथी 4:7

हम उत्‍तम लराइ लरने चियै। हम आपन दौर पुरा करनेचियै आ आपन बिस्‍बासमे अटल चियै।

२ कोरन्‍थी 4:5

हमसब आपने बारेमे परचार नै करैचियै, महज येसुके खातिर हमसब तोरासबके सेबक भ्‍याके, येसु खिरिस्‍टे परभु चियै कैहके परचार करैचियै।

परेरित 19:4

तकरबाद पावल ओकरौरके बुझ्‍हाके कहल्‍कै, “युहन्‍नाके सिख्‍याल बप्‍तिस्‍मा पापसे पस्‍चाताव करैबला बप्‍तिस्‍मा चियै। उ लोकसबके कहने छेलै ‘हमरसे पाछे आबैबला येसु खिरिस्‍टमे बिस्‍बास कर।’”

परेरित 13:36

“यि बात दाउद उ आपने बारेमे नै कहने रहै, कथिलेत ओकर जिबनमे परमेस्‍वरके इक्‍छा अनुसार काम कैरके उ मरलै आ आपन पुरखासब जरे गारलगेलै आ ओकर देह सैर गेलै।

युहन्‍ना 7:18

जे कोइ आपन मनसे बोलैछै, उ आपने महिमा ताकैछै, महज जे अपना पठाइबलाके आदर खोजैछै, उ सत लोक चियै आ ओइमे कोनो कपट नै रहैछै।

युहन्‍ना 4:34

येसु ओइसबके कहल्‍कै, “हमर खाइबला चिज यि चियै, जे हम आपन पठाबैबलाके इक्‍छा बमोजिम करनाइ आ ओकर काम पुरा करनाइ चियै।

युहन्‍ना 1:36

येसुके लगे बाटे जाइत देखके उ कहल्‍कै, “देख, एह्‍या चियौ परमेस्‍वरके थुमा।”

युहन्‍ना 1:34

हम यि सब देख्‍ने चियै आ गबाही दैचियै कि, ओह्‍या परमेस्‍वरके बेटा चियै।”

युहन्‍ना 1:29

तकर बिहानके युहन्‍ना येसुके आपन दिसन आबैत देखके कहल्‍कै, “देख, यि सन्‍सारके पाप उठाके लजाइबला परमेस्‍वरके थुमा चियै।