परेरित 13:2 - मध्‍य पुरविया थारू

² एक दिन उसब उपासे रैहके परभुके आराधना करैबखत पबितर आत्‍मा कहल्‍कै, “सुन, जै कामके खातिर हम तोरासबके बोलाइने चियौ, ओहै कामके खातिर बरनाबास आ साउलके चुन।”

परेरित 13:2 Referans Kwoze

गलाती 1:15

महज हमर जलम हैसे पैहनैये परमेस्‍वर हमरा अलग करल्‍कै आ अनुगरहसे हमरा आपन काम करैले बोलाइल्‍कै।

परेरित 9:15

महज परभु ओकरा कहल्‍कै, “जो, कथिलेकी साउल गैर-यहुदीसब, रजासब आ इजराएलीसबके सामने हमर नामके परचार करैबला उ हमर छानल लोक चियै,

२ तिमोथी 1:11

एह्‍या सुसमाचार सुनाइके खातिर हम परचारक, परेरित आ गुरु नियुक्‍त भेलचियै।

१ कोरन्‍थी 12:11

यि सब एके पबितर आत्‍माके काम चियै। उ आपन इक्‍छा अनुसार सब कोइके अलग-अलग किसिमके बरदान दैछै।

रोमी 1:1

हम पावल, येसु खिरिस्‍टके दास, यि चिठी लिखैचियौ। परमेस्‍वर हमरा परेरित हैले बोलाइल्‍कै आ ओकर सुसमाचार परचार करैले अलग करने छै।

१ तिमोथी 2:7

अहै बातके परचार करैके लेल परमेस्‍वर हमरा एकटा परचारक आ परेरित हैकेलेल चुनल्‍कै। गैर-यहुदीसब येसुमे बिस्‍बास करे तै उदेस्‍यसे ओइसबके सत बात सिखाइके लेल उ हमरा पठेल्‍कै। हम एकोरती बरह्‍या-चरह्‍याके नै कहैचियौ, हम त सत बात कहैचियौ।

परेरित 22:21

महज परभु हमरा कहल्‍कै, ‘तु जो, कथिलेत हम तोरा दुर-दुर गैर-यहुदीसबके बिचमे पठाइबौ।’”

परेरित 14:26

तब ओतेसे उसब पानी जहादमे चहैरके एन्‍टिओखिया सहरमे गेलै, जते परभुमे बिस्‍बास करैबला लोकसब बरनाबास आ पावलके परमेस्‍वरके किरपामे सौपके परचारके काममे पठाइने छेलै, से काम पुरा कैरके एलै।

कलस्‍सी 4:17

“परभुके जिमा देल काम पुरा कर” कैहके अरखिपसके कैहदहै।

लुका 2:37

तब बिधुवे रैहके चौरासी बरिस बिताइने रहै। उ परमेस्‍वरके मन्‍दिरेमे उपास आ परथना कैरके रातदिन भक्‍तीसाथ परमेस्‍वरके सेबा करैतरहै।

२ तिमोथी 2:2

बहौतरा साक्‍छीसबके अगा जे बात तु हमर मुहसे सुनने चिही, से बात औरो लोकके सिखाइले सकैबला बिस्‍बास योग्‍य लोकसबके सोइप दहै।

एफिसी 3:7

परमेस्‍वरके बरदानसे हम सुसमाचार परचार करैबला सेबक भेलियै, यि बरदान उ आपन सक्‍तीके काम अनुसार हमरा देल्‍कै।

परेरित 13:3

तब उपासे रैहके आ परथना कैरके उसब ओकरौरके उपर हाथ राइखके परथना कैरके पठादेल्‍कै।

परेरित 10:30

तब करनेलियस जबाब दैत कहल्‍कै, “चार दिन अगाके बात चियै। दिनके तिन बजे हम आपने घरमे परथना करैत रहियै। एकाएक चम्‍कैबला बस्‍तर पिन्‍हल एकटा लोक हमर अगामे ठार भेलै,

परेरित 10:19

जब पतरुस दरसन बुझहैके कोसिस करैतरहै तब पबितर आत्‍मा ओकरा कहल्‍कै, “देख, बाहर देहरीमे तोरा तिनटा लोक ताकैछौ।

परेरित 8:29

तहै बखत पबितर आत्‍मा फिलिपके कहल्‍कै, “अगा बैढके ओइ रथके सङे-सङे जो।”

मतीके लिखल सुसमाचार 9:38

तै खातिर खेतके मालिकके परथना कर, उ आपन बाली काटैले जनसब पठादेतौ।”

मतीके लिखल सुसमाचार 6:16

“जब तुसब उपास बैठैचिही तब कपटी जखा उदास चेहरा नै देखा। कथिलेत लोकसबके उपास बैठल देखाइले उसब आपन मुह मलिन करने रहैछै। साँचे हम तोरासबके कहैचियौ, ओकरासबके मिलैबला पुरे इनाम मिलगेलछै।

हिबरु 5:4

कोइ नै आपनेसे परधान पुजारी भ्‍याके आदर पाबैले सक्‍तै, महज परधान पुजारी हारुने जखा परमेस्‍वरके बोल्‍याल लोकसब मातरे पाबैले सक्‍तै।

२ तिमोथी 4:11

हमरसङे त अखुन लुका मातरे छै। मरकुसके तु आपनसङे लेने आबिहे, कथिलेत उ हमर सेबाके काममे बहौत सहायता करतै।

२ तिमोथी 4:5

महज तु हर परिस्‍थितीमे सचेत रह, दुख उठा, सुसमाचार सुनाइबला काममे लागल रह आ आपन सेबाके काम-काज पुरा कर।

२ कोरन्‍थी 11:27

हम कतहेक रात नै सुइतके खुब मेहनत करलियै। हम बहौत बेर खाना बिना भुखे पियासे रहलियै आ बस्‍तर नै भेलासे जारसे कठुवाइलियै।

२ कोरन्‍थी 6:5

हमसब पिटाइ खेने चियै, जहलमे परल चियै, हुलदङ्‍गामे परलचियै। एकदमसे मेहनत करैचियै, सुतैयोले नै पाबनेचियै आ भुखे पियासेमे परल चियै।

१ कोरन्‍थी 7:5

घरबला आ घरबाली एक-दोसरके सारिरीक समबन्‍धसे इन्‍कार नै कर। इन्‍कारो करबिही त परथनामे समय बिताबैके लेल एक-आपसमे सल्‍लाह कैरके कुछ समयके लेल अलग रह। तब फेर एकसाथ रह, नै त तुसब आपन मन थामैले नै सक्‍लाके कारनसे सैतान तोरासबके परिक्‍छामे पारतौ।

रोमी 15:16

आ हमरा गैर-यहुदीसबके सुसमाचार सुनाइले खिरिस्‍टके सेबक बनाइनेछै। जनङ पुजारी परमेस्‍वरके अगा मनपरैबला भेटी चरहाबैछै तहिनङे हम्‍हु पुजारीके सेबा पुरा करैचियै। गैर-यहुदीसबके परमेस्‍वर लग लाबैले आ उसब पबितर आत्‍मासे सुध भ्‍याके परमेस्‍वरके मनपरैबला भेटी हेबे कैहके हम परमेस्‍वरके सुसमाचार सुनाबैचियै।

रोमी 10:15

सुनाइबला लोकके नै पठाइतै उ कनङके परचार करतै? जनङ पबितर धरमसास्‍तरमे लिखल छै कि, “सुसमाचार परचार करैबलाके टाङ कतहेक सुन्‍दर!”

परेरित 20:28

तैल्‍याके तोरासबके आपनो आ आपन पुरे जेरके रेखदेख करैतरह। पबितर आत्‍मा तोरासबके ओइसबके चरबाहा बनाइनेछौ कि तोरासबके परमेस्‍वरके मन्‍डलीके रेखदेख कर, जकरा परमेस्‍वर आपन बेटाके लहुसे किन्‍नेछै।

परेरित 6:4

तब अपनासबके परथना आ परमेस्‍वरके बचनके सिक्‍छा दैबला काममे पुरा समय लागल रहबै।”

लुका 10:1

तकरबाद परभु येसु औरो सतर गोरे चेलासबके छानल्‍कै आ ओकरासबके दुइ-दुइगोरे कैरके गामसब आ सहरसबमे अपना जायसे पहिने परचार करैले पठाइल्‍कै।

परेरित 4:36

जनङ साइपरस देसके लेबी खानदानके योसेफ, जकरा परेरितसब बरनाबास कैहके नाम राखनेरहै (जकर अरथ उत्‍साह दैबला लोक हैछै)।

परेरित 13:4

बरनाबास आ साउलके पबितर आत्‍मा पठेलाके कारन उसब एन्‍टिओखियासे सिकुलिया सहरमे गेलै। ओतेसे उसब समुन्‍दरके यातरा पार कैरके साइपरस टपुमे गेलै।

मतीके लिखल सुसमाचार 17:21

[महज एहेन किसिमके भुत आत्‍मा परथना आ उपाससे मातरे निकाले सकैछै।]”