परेरित 13:16 - मध्‍य पुरविया थारू

¹⁶ तब पावल ठडा भेलै आ हाथके इसरा करैत कहल्‍कै, “हे इजराएलके बासिसब आ परमेस्‍वरमे बिस्‍बास करैबला सबगोरा, किरपा कैरके हमर बात सुन,

परेरित 13:16 Referans Kwoze

परेरित 12:17

पतरुस ओइसबके “चुप हो” कैहके हाथसे इसरा करल्‍कै आ परभु कनङ ओकरा जहलसे निकालल्‍कै से बात ओइसबके सुनाइल्‍कै। यि बात “याकुब आ ओकर दोसरो भाइसबके कहल्‍कै।” तब उ ओतेसे दोसर ठाम चैलगेलै।

परेरित 13:26

“ऐ, अबराहमके कुलके धियापुता आ ओकरौरके परमेस्‍वरके डर मानैबला चाहे उ आने जातीके कियनै हेबै, कथिलेत यि मुक्‍तीके खबर परमेस्‍वर अपनासबके खातिर पठाइने छै।

परेरित 10:2

उ परमेस्‍वरके भक्‍त छेलै। उ आ ओकर परिबारके सब सदस परमेस्‍वरके डर मानैबला लोकसब रहै। उ गरिबसबके उदारचितसे दान करैछेलै आ परमेस्‍वरसङे लगातार परथना करैतरहै छेलै।

परकास 2:29

‘जकरा कान छै, उ सुने, पबितर आत्‍मा मन्‍डलीसबके कथि कहैछै।’”

परकास 2:17

‘जकरा कान छै, उ पबितर आत्‍मा मन्‍डलीसबके कथी कहैछै से बात सुने। जे जित हासिल करतै, तकरा हम गुप्‍तमे भेल खाइबला मन्‍न देबै। हम ओकरासबके एकटा उजर पथल देबै, जैमे लया नाम लिखल रहतै। यि उजर पथल पाबैबला मातरे उ नाम जान्‍तै।’”

परकास 2:11

‘जकरा कान छै, उ पबितर आत्‍मा मन्‍डलीसबके कथी कहैछै से बात सुने। जे जित्‍तै, ओकरा दोसर मिरतु किछो हानी नै करतै।’”

परकास 2:7

जकरा कान छै, से पबितर आत्‍मा मन्‍डलीसबके कथी कहैछै से बात सुने। जे जित्‍तै ओकरा परमेस्‍वरके स्‍वरगलोकमे भेल जिबन दैबला गाछिके फल खाइले देबै।’”

परेरित 22:22

लोकसब पावलके यि बात “हम तोरा दुर-दुर गैर-यहुदीसबके बिचमे पठाइबौ, सुनते मातर” उसब जोर-जोरसे हल्‍ला करैत कहेलाग्‍लै, “दुनियासे अकर नाम निसान मेटा दहै। कथिलेत यि जिबित रहैके योग्‍यके नै छै।”

परेरित 21:40

सेनापती अनुमति देल्‍कै तब पावल सिरहीमे ठार भ्‍याके हाथसे सान्‍त हैले इसरा करल्‍कै। जब लोकसब सान्‍त भेलै तब पावल हिबरु भसामे बोलैले लाग्‍लै।

परेरित 19:33

तखुन्‍ते भिरके कुछ लोकसब अलेक्‍जेन्‍डरके अगारी लाबल्‍कै, जकरा यहुदीसब खरा करेने छेलै। तब अलेक्‍जेन्‍डर हाथसे इसरा करल्‍कै आ लोकसबके अगा बचाउके लेल कुछ बोलैके इक्‍छा करल्‍कै।

परेरित 13:46

तब पावल आ बरनाबास साहस कैरके कहल्‍कै, “परमेस्‍वरके बचन सबसे पैहने तोरासबके सुनेनाइ जरुरी छेलै, महज तोरौरके सुनैले नै मानलिही। तोरौरके आपनके अनन्‍त जिबनके योगके नै मानैचिही। आब हमसब दोसर जातीके लोकसबके परमेस्‍वरके बचन सुनाबे जेबै।

परेरित 10:35

महज कोनो जातीके लोक हेबे, असल काम करैबला आ ओकर डर मानैबलासबके परमेस्‍वर मन पराइछै।

परेरित 3:12

यि देखके पतरुस ओइ लोकसबके कहल्‍कै, “हे इजराएलके लोकसब, यि बातमे अहाँसब कथिले अचम मानैचियै? हमसब आपन सक्‍तीसे आ भक्‍तिसे ओकरा चलफिर कराइले सकैबला जखा कथिले ताकैचियै?

परेरित 2:22

“इजराएलके लोकसब, यि बात सुन, नासरतके येसु एहेन लोक छेलै, जकरा परमेस्‍वर सक्‍तिसाली कामसब, अच्‍चमके कामसब आ चेन्‍हासबसे तोरौरके अगा साबित करल्‍कौ। तोरौरके थाहे छौ कि परमेस्‍वर तोरासबके बिचमे यि सब कामसब ओकरसे कराइने छै।

परेरित 2:14

तब पतरुस एगारहो गोरे सङे ठडा भ्‍याके जोरसे कहल्‍कै, “यहुदियाके लोकसब आ यरुसलेममे रहैबला जम्‍मे लोकसब, तुसब धियान द्‍याके सुन ओते कथी भेल छेलै से हम तोरासबके बुझाइबौ।

लुका 1:50

ओकर आदर करैबलासबके उपर ओकर किरपा पुस्‍तोतक रहतै।

मतीके लिखल सुसमाचार 11:15

जकरा सुनैबला कान छै, उ धियानसे सुइनके बुझ।

लुका 23:40

महज ओकरा खिस्‍याके दोसर डाकु जबाब देल्‍कै, “तुहु त ओकरे जखा सजाय काइटरहलचिही, तैयो तोरा परमेस्‍वरके डर नै हैछौ?

लुका 1:22

जब जकरिया बाहर एलै, तब उ ओइसबसङे बोले नै सक्‍लै आ हाथसे इसरा करल्‍कै, जकरिया मन्‍दिरमे दरसन देख्‍ने हेतै से उसब बुझल्‍कै।