परेरित 13:13 - मध्‍य पुरविया थारू

¹³ पावल आ ओकर सङिसब पाफोस सहरसे पानी जहाद चहैरके पामफिलिया इलाकाके परगा सहरमे पहुचलै आ मरकुस कहाइबला युहन्‍ना ओतेसे यरुसलेम घुइमके एलै।

परेरित 13:13 Referans Kwoze

परेरित 15:38

महज पावल मरकुसके सङे लजाइले इन्‍कार करल्‍कै, कथिलेत उ आपन काम पुरा नै कैरके ओइसबके पामफिलियामे छोइरके गेल रहै।

परेरित 27:5

किलिकिया आ पामफिलिया इलाकाके नजदिकके समुन्‍दर पार करैत लुकिया इलाकामे परैबला माइरा सहर पहुच गेलियै।

परेरित 12:12

यि बात थाह भेलाके बाद, उ मरकुस कहाइबला युहन्‍नाके माँ मरियमके घरमे गेलै। ओते बहौत बिस्‍बासीसब जमा भ्‍याके परथना करैतरहै।

परेरित 2:10

तब फिरिगिया, पामफिलिया, मिसर आ लिबिया देसके एकटा कुरेनी सहर नजदिकके कतहेक ठामसब आ रोमसे एल्‍हा यहुदी आ यहुदी धरम मानेबलासब दुनु छै,

२ तिमोथी 4:11

हमरसङे त अखुन लुका मातरे छै। मरकुसके तु आपनसङे लेने आबिहे, कथिलेत उ हमर सेबाके काममे बहौत सहायता करतै।

कलस्‍सी 4:10

हमरे सङे जहलमे रहलहा अरिस्‍तारखस तोरासबके गोरलगी पठाइनेछौ। बरनाबासके नातामे परैबला मरकुस सेहो गोरलगी पठाइनेछौ। ओकर बारेमे पहिने हम तोरासबके कैहदेनेचियौ, उ एतौ त असलसे स्‍वागत करिहे।

परेरित 27:13

जब दछिन दिसरसे रसे-रसे हबा बहे लाग्‍लै तब उसब सोचल्‍कै कि आब हमसब जाइले सकब। जहाद चलाबैबलासब लङगर खोइलके केरेट टपुके काते-कात हैत जाइले लाग्‍लै।

परेरित 15:36

कुछ समय बितलाके बादमे पावल बरनाबासके कहल्‍कै, “आब अपनासब परमेस्‍वरके बचन परचार करलहा सहरसबमे फेनो चल आ ओतेका परभुमे बिस्‍बास करैबला सब भाइ-भैयारीसब केहन छै से जानकारी लेब।”