परेरित 13:10 - मध्‍य पुरविया थारू

¹⁰ “ऐ सैतानके बच्‍चा, सब सतकरमके दुस्‍मन, तु सबकिसीमके छलकपट आ बैमानीसे भरल चिही! कि तु सोझ बाटके टेढ करैले नै छोरबिही?

परेरित 13:10 Referans Kwoze

युहन्‍ना 8:44

तोरासबके पिता त सैतान चियौ आ तुसब आपन पिताके इक्‍छा पुरा करैले चाहैचिही। उ त सुरुवेसे हतियारा छौ, सत चिजसे ओकरा कोनो मतलब नै छै, कथिलेत ओकरमे कोनो सत नै छै। जब उ झुठ बोलैछै, उ आपन स्‍वभाब अनुसार बोलैछै, कथिलेकी उ झुठ चियै आ उ झुठके पिता चियै।

गलाती 1:7

बास्‍तममे दोसर सुसमाचार नै छै, महज कोइ-कोइ एहेन छै, जे तोरासबके अलमलमे पाइरके खिरिस्‍टके सुसमाचारके बिगारैले चाहैछै।

२ कोरन्‍थी 11:3

जनङ सैतान साँपके रुप ल्‍याके चलाकिसे हब्‍बाके ठगल्‍कै, ओहिनङ खिरिस्‍ट परती तोरासबके इमान्‍दारी आ सुध भक्‍तीसे तोरासबके मन बहकतौ कि हमरा तकर डर लागैये।

मतीके लिखल सुसमाचार 13:38

खेत सन्‍सार चियै। असल बिचहन परमेस्‍वरके राजके लोकसब चियै आ झर सैतानके लोकसब चियै।

१ युहन्‍ना 3:8

फेनो-फेनो पाप करैबलासब सैतानके लोक चियै। कथिलेत सैतान सुरुवेसे पाप करैत एलछै। अहै खातिर सैतानके काम नास करैले परमेस्‍वरके बेटा परगट भेलछै।

लुका 11:52

“तोहे धरमगुरुसबके धिक्‍कार! कथिलेत तुसब ग्‍यान-बुइधके केबार खोलैले कुजी त लेल्‍ही, महज अपना नै भितर ढुकलिही नै दोसर ककरो ढुकैले देल्‍ही।”

२ पतरुस 2:15

उसब सिधा रस्‍ता छोइरके बओरके बेटा बालामके चलैबला बाटमे चलैछै, जे खराब काम कैरके रुपैया कमाबैके दाउमे छेलै।

परेरित 20:30

अहैसबके बिचसे झुठ बात सिखाइबला लोकसब निकल्‍तौ, जे बिस्‍बासीसबके बहक्‍याके आपन दिसन तान्‍तौ।

मतीके लिखल सुसमाचार 23:13

“तोहे धरमगुरुसबके आ फरिसीसबके धिक्‍कार! तुसब कपटी चिही! कथिलेत तुसब स्‍वरगके राजके केबार खोलैबला कुजी त लेल्‍ही, महज नै अपने ढुकलिही नै दोसरके ढुकैले देल्‍ही।

मतीके लिखल सुसमाचार 15:19

कथिलेत हिरदयेसे खराब बिचार, हतिया, पर-इस्‍तरी गमन, अनैतिक देहके समबन्‍ध, चोरी, झुठा गबाही आ निन्‍दा करैबला बातसब बाहर निकलैछै।

मतीके लिखल सुसमाचार 3:7

महज फरिसीसब आ सदुकीसब मेसे बहौत गोराके बप्‍तिस्‍मा लैले आबैत देखके उ ओकरासबके कहल्‍कै, “ऐ, साँपके बच्‍चासब, परमेस्‍वरके आबैबला करोधसे भागैले तोरासबके के सिखाइल्‍कौ?

युहन्‍ना 1:23

युहन्‍ना कहल्‍कै, “यसैया अगमबक्‍ता कहने रहै, ‘परभुके आबैबला रस्‍ता दुरुस कर’ कैहके हम उजार जगहमे जोरसे कहैबलाके एकटा अबाज चियै।”

लुका 11:39

महज येसु ओकरा कहल्‍कै, “तु फरिसीसब थारी आ बाटी बाहरसे त माजैचिही, महज तोरासबके भितर लोभ आ नै निक बातसे भरल रहैछौ।

एफिसी 4:14

तब अपनासब चलाक लोकसबके झुठा सिक्‍छाके हबासे जने ल्‍याजेतौ तने जाइबला छोट धिया-पुता जखा नै हो। ओइसबके बन्‍याल जाल झेलसे दोसरके बहकाइछै।