परेरित 12:7 - मध्‍य पुरविया थारू

⁷ तब अचानक परभुके एकटा स्‍वरगदुत ओते देखा परलै आ कोठलीमे इजोत चमकलै। स्‍वरगदुत पतरुसके हिल्‍याके कहल्‍कै, “झटसिन उठ!” तब ओकर हाथमे बान्‍हल सिकरीसब आपने खुइलके गिर गेलै।

परेरित 12:7 Referans Kwoze

परेरित 5:19

महज ओहै रात परभुके एकटा स्‍वरगदुत जहलके केबारसब खोइल देल्‍कै आ बाहर लज्‍याके कहल्‍कै,

परेरित 16:26

तहै बखत अचानक बरका भुमकौन भेलै। भुमकौनके धक्‍कासे जहलके खुट्‍टा खम्‍हा सब हिलगेलै। सब केबारसब आपने खुइलगेलै आ बान्‍हल घुरीसब खुलगेलै।

परेरित 10:30

तब करनेलियस जबाब दैत कहल्‍कै, “चार दिन अगाके बात चियै। दिनके तिन बजे हम आपने घरमे परथना करैत रहियै। एकाएक चम्‍कैबला बस्‍तर पिन्‍हल एकटा लोक हमर अगामे ठार भेलै,

एफिसी 5:14

जे असली रुप परकट हैछै उ इजोत चियै। पबितर धरमसास्‍तरमे अनङ लिखलछै, “हे बिभोर निनमे परल लोकसब जाग आ आपन पापके कारनसे मरल नै रह, जिबित हो। तब खिरिस्‍टके इजोत तोरासबमे चमकतौ।”

परेरित 2:24

महज ओकरा परमेस्‍वर मरनके दुखसे छुटकारा द्‍याके जिबित करल्‍कै। कथिलेत ओकरा मिरतुके अधिनमे रहनाइ असम्‍भब छेलै।

लुका 24:4

यि बातसब देखके जनिजाइतसब अलमलमे परलै, अपरझट उजर चमकदार बस्‍तर पिन्‍हलहा दुइटा लोकसब कातमे ठडा भेल देखल्‍कै।

लुका 2:9

परभुके स्‍वरगदुत ओहै ठाम देखा परलै, तब परभुके इजोत चारुओर चरबाहासबके उपर चम्‍कलै आ उसब एकदमसे डेरागेलै।

परेरित 12:23

महज परमेस्‍वरके परसन्‍सा नै करैके कारन तखुन्‍ते परभुके एकटा स्‍वरगदुत ओकरा फटसे मारल्‍कै आ ओकर देहमे खसर-खसर पिलुवा फैरके मरगेलै।

परेरित 9:3

जब साउल जाइत-जाइत दमस्‍कस लग पुग्‍लै, तब अचानक अकाससे इजोत ओकर चारुकात चमकलै।

परकास 18:1

तकरबाद हम स्‍वरगसे बरका अधिकार भेल एकटा दोसर स्‍वरगदुतके निचा आबैत देखलियै। ओकर चमकसे पुरे पिरथिबी इजोत भेलै।

हिबरु 1:14

स्‍वरगदुतसब त परमेस्‍वरके सेबा करैबला आत्‍मासब चियै। परमेस्‍वर ओकरासबके मुक्‍ती पाबैबला लोकसबके सहायता करैके लेल पठाइनेछै।

परेरित 12:6

जब हेरोद पतरुसके जनताके सामने आनैसे पहिन्‍का रात, पतरुसके दुइटा सिकरीसे बाइन्‍हके दुइटा पहरा करैबला सिपाहीसबके बिचमे सुइत रहल छेलै आ पहरा करैबला सिपाहीसब देहरीमे ठार भ्‍याके पहरा करैछेलै।

मतीके लिखल सुसमाचार 2:13

उ ज्‍योतिससब गेलाके बाद, परमपरभुके एकटा दुत सपनामे योसेफलग देखा परलै आ कहल्‍कै, “उठ, बालक आ ओकर माँ के ल्‍याके मिसर देसमे भाइग जो आ हम तोरा नै कहै तक ओतै रह। कथिलेत हेरोद बालकके मारैले ओकरा खोजी कैररहल छौ।”

परेरित 12:8

तब स्‍वरगदुत ओकरा कहल्‍कै, “आपन डाँर कस आ जुता लगा!” पतरुस ओहिनङ करल्‍कै। तब स्‍वरगदुत कहल्‍कै, “आपन चादर ओढ़ आ हमर पछा चल।”