2 उ युहन्नाके भैया याकुबके तरबारसे मारे लगाइल्कै।
ओइसबके पथलसे मारल्कै। कतहेकके आरिसे चिरके दुइ फाक कैरदेल्कै। कतहेकके तलबारसे काटल्कै। कतहेक लोक गरिबी, अतियाचार आ दुरबेबहार सहैत भेरा आ बकरीसबके छाला लग्याके अने-ओने घुमैत रहलै।
तब येसु फेनो कहल्कै, “हँ, हमर पियैबला दुखके बाटीसे तुसब पिब्ही, महज हमर देहना आ बमा कातमे बैठे दैके अधिकार हमर हाथमे नै छै। उ ठाम ओइसबके चियै, जकर खातिर हमर पिता तैयार करने छै।”
महज येसु ओइसबके कहल्कै, “तुसब कथी माङैचिही से तुसब नै जानैचिही। जे दुखके बाटी हम पियैचियै, से तुसब पिए सकबिही? या जे बप्तिस्मा हम लेनेचियै, उ बप्तिस्मा तुसब लेबे सकबिही?”
जब्दियाके दुनु बेटा याकुब आ युहन्ना येसु लग आइबके कहल्कै, “गुरु जी, हमरासबके इक्छाछै, हमसब अहाँसङे जे माङैचियै से हमरासबके खातिर कैरदिय।”
उसब जबाब देल्कै, “हँ हमरौरके सक्बै।” ओइसबके येसु कहल्कै, “जे दुखके बाटी हम पियैचियौ उ तुसब पिब्ही आ जे बप्तिस्मा हम लेनेचियौ उ बप्तिस्मा तुहेसब लेब्ही।
ओइ समयमे रजा हेरोद मन्डलीके कुछ बिस्बासीसब उपर अतियाचार करे लाग्लै।
