परेरित 11:30 - मध्‍य पुरविया थारू

³⁰ अहिनङे उसब उठेल्‍हा पैसा बरनाबास आ साउलके हाथे यरुसलेम मन्‍डलीके रेखदेख करैबलासबके पठादेल्‍कै।

परेरित 11:30 Referans Kwoze

परेरित 14:23

जब उसब ओइसबके सब मन्‍डलीमे रेखदेख करैबलासब नियुक्‍त करल्‍कै, तब परथना आ उपासे रैहके आपन बिस्‍बास करल परभुमे ओइसबके सोइप देल्‍कै।

परेरित 12:25

अने बरनाबास आ साउल यरुसलेममे सहयोग करैबला काम पुरा कैरके घुइम एलै। ओकरासबके सङे मरकुस कहाइबला युहन्‍नोके आनल्‍कै।

याकुब 5:14

कोइ बिमार छै त, उ मन्‍डलीके अगुवासबके बोलाबे तब उसब परभुके नाउमे तेलसे अभिसेक कैरके ओकर खातिर परथना करतै।

तितस 1:5

हमर अरह्‍याल बमौजी ओतेका रहल बाकी काम पुरा करैले आ हरेक सहरसबमे एल्‍डरसब छानैके लेल हम तोरा केरेट टपुमे छोइर देलियौ।

१ तिमोथी 5:17

असलसे मन्‍डलीके देख-भाल करैबला अगुवासबके दोबर आदरके योग्‍य हैछै आ बिसेस कैरके जे अगुवासब बचन परचार आ सिखाबैबला काममे मेहनत करैछै।

परेरित 20:17

तब मिलेटससे पावल एफिसस सहरमे समाध पठाके मन्‍डलीके रेखदेख करैबलासबके बोलाइले पठाइल्‍कै।

परेरित 16:4

तब उसब सहर-सहरमे गेलै आ सब ठाममे भेल्‍हा यरुसलेमके परेरितसब आ मन्‍डलीके रेखदेख करैबलासबके निरनय करल बातसब सुनाइल्‍कै आ पालन करैले आदेस देल्‍कै।

परेरित 15:6

अहै बातमे सोच बिचार करैले परेरितसब आ मन्‍डलीके रेखदेख करैबलासब बैठकी करल्‍कै।

परेरित 15:4

जब उसब यरुसलेममे पहुचलै तब ओइसबके ओतेका मन्‍डली, परेरितसब आ मन्‍डलीके रेखदेख करैबलासब स्‍वागत करल्‍कै। तब बरनाबास आ पावल ओइसबके सुनाबे लाग्‍लै जे परमेस्‍वर ओकरासबसे केहन-केहन कामसब करने छै।

१ पतरुस 5:1

हम एकटा मन्‍डलीके एल्‍डर चियै आ खिरिस्‍टके भोगल दुख-कस्‍टके आपनेसे देख्‍ने चियै आ पछा आबैबला महिमामे सहभागी हेबै। ओहैसे हम तोरासबके बिचमे भेल एल्‍डरसबके बिन्‍ती करैचियौ।

२ युहन्‍ना 1:1

हम एल्‍डरके तरफसे, परमेस्‍वरके चुनल जनी आ ओकर बेटा-बेटीके यि चिठी लिखैचियै, जकरा हम साँचोके परेम करैचियै, हम मातरे नै महज सतके चिन्‍हैबला सबकोइ परेम करैछै।

१ तिमोथी 5:19

अगुवा उपर लागल दोसमे दुइ-तिन गोराके साक्‍छीके परमान बिना ओकर बात सुन्‍बे नै कर।

परेरित 21:18

तकर बिहानके पावल हमरासबके ल्‍याके याकुबके भेटैले गेलै। ओते याकुब लग मन्‍डलीके रेखदेख करैबलासब जमा भेल छेलै।

परेरित 15:23

उ चारु गोराके हाथे एहे चिठी पठाइल्‍कै: एन्‍टिओखिया, सिरिया आ किलिकियामे रहैबला, परभुमे बिस्‍बास करैबला औरो जातके साथीसङिसब, यि चिठी दुवारा हमरासबके परेरितसब आ धरमगुरुसबसे अभिबादन छै।

परेरित 15:2

तब पावल आ बरनाबासके ओइसबसङे बहौत कहा-कही आ झगरा भेलाके बाद ओतेका बिस्‍बासीसब यि सबालके खातिर सरसल्‍लाह करैले पावल आ बरनाबास आ औरो लोकसबके परेरितसब आ मन्‍डलीके रेखदेख करैबलासब लग यरुसलेम पठाइले निरनय करल्‍कै।

परेरित 4:36

जनङ साइपरस देसके लेबी खानदानके योसेफ, जकरा परेरितसब बरनाबास कैहके नाम राखनेरहै (जकर अरथ उत्‍साह दैबला लोक हैछै)।

परेरित 12:1

ओइ समयमे रजा हेरोद मन्‍डलीके कुछ बिस्‍बासीसब उपर अतियाचार करे लाग्‍लै।

१ तिमोथी 4:14

जे बरदान अगुवासब आपन हाथ तोहर उपरमे राइखके अगमबानीसे पाबने छेल्‍ही, ओकरा पुरा सदउपयोग कर।

३ युहन्‍ना 1:1

हम मन्‍डलीके एल्‍डर युहन्‍नाके तरफसे, हमर पिरिय सङी गायसके यि चिठी लिखैचियै, जकरा हम साँचोके परेम करैचियै।