परेरित 10:35 - मध्‍य पुरविया थारू

³⁵ महज कोनो जातीके लोक हेबे, असल काम करैबला आ ओकर डर मानैबलासबके परमेस्‍वर मन पराइछै।

परेरित 10:35 Referans Kwoze

१ युहन्‍ना 2:29

खिरिस्‍ट धरमी छै से तुसब जानैचिही। तहैलेल निसचिन्‍त रह कि धारमिकतामे चलैबला सब परमेस्‍वरसे जलमल रहैछै।

परेरित 10:2

उ परमेस्‍वरके भक्‍त छेलै। उ आ ओकर परिबारके सब सदस परमेस्‍वरके डर मानैबला लोकसब रहै। उ गरिबसबके उदारचितसे दान करैछेलै आ परमेस्‍वरसङे लगातार परथना करैतरहै छेलै।

कलस्‍सी 3:11

तैखातिर अते गिरिक या यहुदी, देहमे खतना करल आ नै करल, असभ्‍य, असिक्‍छित, दास या स्‍वतन्‍तर ककरो कोनो भेदभाव नै छै महज खिरिस्‍टे सब चिज चियै आ सबमे बास करैछै।

परेरित 15:9

परमेस्‍वर ओकरासबमे आ अपनासबमे कोनो भेदभाव नै करल्‍कै, महज ओइसबके मन सुध करल्‍कै कथिलेत उसब परभुमे बिस्‍बास करल्‍कै।

२ कोरन्‍थी 7:1

अहैलेल हे हमर पिरिय सङीसब, परमेस्‍वर अपनासबके देल यि परतिग्‍या अनुसार देह आ आत्‍माके असुध बनाबैबला हर किसिमके बातसे अपनासब दुरे रह आ परमेस्‍वरके डर मानैत औरो पबितर हैत चल।

कलस्‍सी 1:6

यि सुसमाचार तोरोसबके बिचमे एलछौ आ खिरिस्‍टके यि सुसमाचार सन्‍सारके बहुतो ठामसबमे लोकसब सुइनके बिस्‍बास कैररहलछै आ ओइसबके जिबन परिबरतन भ्‍यारहलछै। तुसब परमेस्‍वरके अनुगरहके बारेमे सत बात सुनल आ बुझल दिनसे सुसमाचार तोरोसबमे सेहो ओहिनङे काम कैर रहलछौ।

परेरित 9:31

तकरबाद सारा यहुदिया, गालिल आ सामरियाके मन्‍डलीसबमे सताबटसे सान्‍ती भेलै। परभुके डर मानैत बिस्‍बासमे मजगुत भेलै। परमेस्‍वरके पबितर आत्‍माके जोस पाइबके मन्‍डलीसब बरहैत गेलै।

एफिसी 5:21

तुसब खिरिस्‍टके आदर करलाके कारनसे एक-दोसरके अधिनमे रह।

एफिसी 1:6

अपनासब परमेस्‍वरके ओकर महिमामय अनुगरहके लेल धन्‍याबाद चरहा जे मङनिएमे आपन पिरिय बेटामे देनेछै।

गलाती 3:28

आबसे नै त यहुदी, नै त गैर-यहुदी, नै दास, नै स्‍वतन्‍तर, नै पुरुख, नै जनी छै, कथिलेत तुसब खिरिस्‍ट येसुमे सबकोइ एक चियै।

१ कोरन्‍थी 12:13

हमसब चाहे यहुदी हेबे, चाहे गिरिक, चाहे दास हेबे, चाहे स्‍वतन्‍तर, सबकोइ एके पबितर आत्‍मासे बप्‍तिस्‍मा पाबनेचियै आ एके देह भेलचियै। तब अपनासबके एके पबितर आत्‍मा देनेछै।

रोमी 3:22

अहिनङ कैरके, येसु खिरिस्‍टमे बिस्‍बास करैबला सबके परमेस्‍वर धरमी ठहराइनेछै, कथिलेत उ ककरो भेदभाव नै करैछै।

रोमी 2:13

कथिलेकी बेबस्‍था सुइनके मातरे लोकसब परमेस्‍वरके नजरमे धरमी नै ठहरतै महज बेबस्‍था पालन करैबलासब धरमी ठहरतै।

लुका 1:28

स्‍वरगदुत मरियम लग आइबके कहल्‍कै, “गोर लागैची! तुहे किरपा पाबनेचिही।”

फिलिप्‍पी 3:3

सत हिसाबसे खतना करैबला त हम्‍हीसब चियै कथिलेत पबितर आत्‍मासे परमेस्‍वरके आराधना करैचियै आ खिरिस्‍ट येसुमे हमसब गर्‌ब करैचियै। हमसब बाहरके कोनो रितिथितीमे भरोसा नै करैचियै।

परेरित 10:28

पतरुस ओइसबके कहल्‍कै, “तोरासबके थाहे छौ कि, आन जातीसबसे सङहत करनाइ, ओइसबसङे भेटघाट करनाइ यहुदीके लेल अनुचित बात चियै। तैयो परमेस्‍वर हमरा कोनो लोकके अपबितर आ असुध नै बुझहैकेचाही से देखाइनेछै।

रोमी 2:14

गैर-यहुदीसबसङे बेबस्‍था नै छै महज उसब आपने बिबेकसे बेबस्‍था अनुसार करैछै। अइसे यि देखाबैछै कि ओकरासबके हिरदयमे बेबस्‍था छै।