परेरित 10:11 - मध्‍य पुरविया थारू

¹¹ तब उ स्‍वरग उघरल आ ओतेसे बरका तन्‍ना जखा कोनो चिज जकर चारु खुट बान्‍हल पिरथिबी दिसन उतरैत देखल्‍कै।

परेरित 10:11 Referans Kwoze

एफिसी 3:6

उ रहसके बात एह्‍या चियै कि, गैर-यहुदीयोसब सुसमाचारसे परमेस्‍वरके आसिस पाबैले सक्‍तै। उसब एक देहके अङसब आ खिरिस्‍ट येसुमे परमेस्‍वरके करल परतिग्‍याके साझेदार भेल छै।

युहन्‍ना 1:51

येसु फेनो कहल्‍कै, “साँचोके हम तोरासबके कहैचियौ, तुसब स्‍वरग उघरैत आ परमेस्‍वरके स्‍वरगदुतसबके मानब-बेटाके उपरमे चरहैत आ उतरैत देखबिही।”

परकास 19:11

तकरबाद हम स्‍वरग उघरल देखलियै आ ओते एकटा उजर घोरा छेलै। ओइमे सबार हैबला “बिस्‍बासयोग्‍य” आ “सत” कहेतै। उ ठिकसे नियाइ आ लराइ करतै।

परकास 11:19

तखन स्‍वरगमे परमेस्‍वरके मन्‍दिर खुल्‍लै आ ओकर मन्‍दिर भितर ओकर करारके सन्‍दुक देखापरलै। तब अकासमे बिजली चमैक उठलै। डरलागैबला अबाज सुनाइ देल्‍कै आ मेघके गरजन सुनेलै, भुमकौन गेलै आ बरका बरका पथल परलै।

परकास 4:1

तकरबाद हम दोसर दरसन देखलियै आ स्‍वरगमे एकटा केबार खुलल देखलियै। हमर सुनल पहिन्‍का अबाज तुरहीके जखा आबाजमे हमरसङे अनङ बोलैत सुनलियै, “अते उपर या, तकरबाद हैले आबैबला बात हम तोरा देखाइबौ।”

कलस्‍सी 3:11

तैखातिर अते गिरिक या यहुदी, देहमे खतना करल आ नै करल, असभ्‍य, असिक्‍छित, दास या स्‍वतन्‍तर ककरो कोनो भेदभाव नै छै महज खिरिस्‍टे सब चिज चियै आ सबमे बास करैछै।

एफिसी 1:10

समयमे पुरा भेलाके बाद स्‍वरग आ पिरथिबीमे सिरिस्‍टी भेल्‍हा सब चिज खिरिस्‍टके अधिनमे आबे।

गलाती 3:28

आबसे नै त यहुदी, नै त गैर-यहुदी, नै दास, नै स्‍वतन्‍तर, नै पुरुख, नै जनी छै, कथिलेत तुसब खिरिस्‍ट येसुमे सबकोइ एक चियै।

गलाती 2:15

हमसब जलमेसे यहुदीसब चियै आ हमसब “पापी” मानल गैर-यहुदी जखा नै चियै।

रोमी 9:4

उसब इजराएली चियै आ परमेस्‍वर ओकरासबके आपन बेटा-बेटीसब बनेल्‍कै। उ आपन महिमा ओकरासबके परकट करल्‍कै। ओकरासबसङे करार बानहल्‍कै, बेबस्‍था देल्‍कै आ आराधना करैले सिखेल्‍कै। उसब ओकर परतिग्‍या पाबल्‍कै।

रोमी 1:16

हमरा यि सुसमाचार सुनाइले लाज नै लागैछै, कथिलेकी बिस्‍बास करैबला सबलोकके मुक्‍ती दैकेलेल यि सुसमाचार परमेस्‍वरके सक्‍ती चियै, जे पहिने यहुदीसबके लेल आ बादमे गैर-यहुदीयोसबके लेल चियै।

परेरित 7:56

तब उ कहल्‍कै, “देख, हम स्‍वरग उघरल आ परमेस्‍वरके देहनाकात मानब पुतर येसुके ठारभेल देखैचियै।”

युहन्‍ना 12:32

जब हम पिरथिबीसे उपर उठ्‍याल जेबै तब सब लोकसबके हम आपन दिसन तान्‍बौ।”

युहन्‍ना 11:52

यहुदीसबके देसके लेल मातरे नै, महज जते-तते छिरियाल परमेस्‍वरके बेटा-बेटीसबके एकसाथ जमा करैके लेल एहेन कहलगेल छेलै।

लुका 3:21

जब सब लोकसब बप्‍तिस्‍मा लैछेलै तखुन्‍ते येसु ओहो बप्‍तिस्‍मा लेल्‍कै। परथना करैबखत स्‍वरग उघरलै,

मतीके लिखल सुसमाचार 8:11

हम तोरासबके कहैचियौ, बहुतो लोकसब पुरब आ पछिमसे एतौ आ अबराहम, इसहाक आ याकुबसङे स्‍वरगके राजमे भोजन खाइले बैठतै।

परेरित 10:12

ओइ तन्‍नामे पिरथिबीके सब चैरटेङा जानबरसब, ससरैबला जन्‍तुसब आ अकासमे उरैबला चिरै-चुरगुनसब छेलै।

परेरित 11:5

पतरुस कहल्‍कै, “हम योप्‍पा सहरमे परथना करैत ध्‍यान-मग्‍न रहियै। तब एकटा बरका तन्‍ना जखा चारु खुटमे पकैरके स्‍वरगसे निचा खसैत हम दरसनमे देखलियै आ उ आइबके हमर कातमे ठहरलै।