परेरित 1:24 - मध्‍य पुरविया थारू

²⁴ तखुन उसब अनङ परथना करल्‍कै, “सबलोकके हिरदयके बात जानैबला परभु, यि दुइ गोरा मेसे अहाँ ककरा चुनने चियै से हमरासबके देखाबु,

परेरित 1:24 Referans Kwoze

परेरित 15:8

मनके बात जानैबला परमेस्‍वर ओकरोसबके आपनेसब जखा पबितर आत्‍मा द्‍याके अहै बातके परमान देल्‍कै कि उ ओकरोसबके सुइकार करल्‍कै।

परकास 2:23

ओकर पछा लागैबला बेटा-बेटीसबके हम खतम करबै। तब सब मन्‍डलीसब थाह पाबतै कि हम वहे चियै जे सबके मन आ हिरदयके जाँच करैचियै। हम तोरासबके काम अनुसारके इनाम देबौ।

हिबरु 4:13

परमेस्‍वरके नजरसे सिरिस्‍टीके कोनो चिज नै छुपलछै। ओकर नजरके सामने सब बात खुल्‍ला आ परस्‍टछै। ओकरे अपनासबके करल कामके लेखा दैलेपरतै।

रोमी 8:27

परमेस्‍वर सब लोकसबके हिरदयके भेद जानैछै। पबितर आत्‍मा कथि कहैले चाहैछै ओकर अरथ परमेस्‍वर जानैछै, कथिलेत पबितर आत्‍मा परमेस्‍वरके इक्‍छा अनुसार परमेस्‍वरके लोकसबके लेल परथना करैछै।

परेरित 14:23

जब उसब ओइसबके सब मन्‍डलीमे रेखदेख करैबलासब नियुक्‍त करल्‍कै, तब परथना आ उपासे रैहके आपन बिस्‍बास करल परभुमे ओइसबके सोइप देल्‍कै।

परेरित 6:6

तकरबाद उसब ओइलोकसबके परेरितसबके सामने आनल्‍कै आ परेरितसब ओकरासबके उपर आपन-आपन हाथ राइखके परथना करल्‍कै।

युहन्‍ना 21:17

येसु फेनसे तेसर बेर पतरुसके पुछल्‍कै, “ऐ युहन्‍नाके बेटा सिमोन, कि तु हमरा परेम करैचिही?” सिमोन पतरुसके मनमे चोट लाग्‍लै कथिलेकी येसु तिनचोटी “कि तु हमरा परेम करैचिही?” कैहके पुछल्‍कै। सिमोन ओकरा कहल्‍कै, “परभु, अहाँ त सब जान्‍बे करैचियै। अहाँ जानैचियै कि हम अहाँसे परेम करैचियै।” येसु ओकरा कहल्‍कै, “हमर भेंरासबके चरा।”

लुका 16:15

तब येसु ओइसबके कहल्‍कै, “लोकसबके अगामे आपनके धरमी देखाइबला तुहिसब चिही, महज परमेस्‍वर तोरासबके हिरदयके बातसब जानैछौ, कथिलेत लोकसबके बिचमे जे बरका कहाइछै, परमेस्‍वरके नजरमे उ सबसे तुच्‍छ हैछै।