परेरित 1:2 - मध्‍य पुरविया थारू

² येसु स्‍वरग जाइसे पहिने आपनेसे छानल परेरितसबके पबितर आत्‍माके सक्‍तिसे आग्‍या देल्‍कै।

परेरित 1:2 Referans Kwoze

परेरित 1:9

येसु यि बात कहलाके बाद, उसब देखैत-देखैत उ स्‍वरगमे उठ्‍यालगेलै आ बादलमे ओकरासबके नजरसे बिल्‍या गेलै।

हिबरु 9:24

खिरिस्‍ट त लोकसबके हाथसे बनल पबितर ठाममे नै ढुकलै, जे सत पबितर ठामके नमुना मातरे चियै, महज उ स्‍वरग भितर ढुकलै आ अखुन अपनासबके लेल परमेस्‍वरके अगा ठारभेल छै।

परेरित 10:38

कनङ परमेस्‍वर नासरतके येसुके पबितर आत्‍मा आ सक्‍ती बिसेस रुपमे ओकरा देल्‍कै। उ कनङ भलाइके काम करैत गेलै, दियाबलसके सताबटमे परलहासबके निक करैत गेलै, कथिलेकी परमेस्‍वर ओकरसङे छेलै।

युहन्‍ना 20:21

तब येसु फेनसे ओकरासबके कहल्‍कै, “तोरासबके सान्‍ती मिले! जनङ पिता हमरा पठेल्‍कै, तहिनङ हम्‍हु तोरासबके पठाइचियौ।”

युहन्‍ना 13:18

“हम तोरासबके बारेमे नै कैहरहल चियौ, जकरा-जकरा हम चुन्‍ने चियै ओकरासबके जानैचियै। महज पबितर धरमसास्‍तर पुरा हेबे कैहके ‘जे हमर रोटी खाइछै ओह्‍या हमर बिरोधमे आपन एरी उठाइनेछै।’

युहन्‍ना 13:3

येसु जानैछेलै कि पिता हमर हाथमे सबचिज देनेछै आ हम परमेस्‍वरसे एलचियै आ परमेस्‍वर लग ज्‍यारहल चियै।

परकास 21:14

ओइ सहरके देबालके बारहटा जग छेलै आ ओइमे थुमाके बारह परेरितसबके नाम लिखल छेलै।

परकास 3:22

‘जकरा कान छै उ सुने पबितर आत्‍मा, मन्‍डलीसबके कथी कहैछै।’”

परकास 3:16

ओहैसे हम आपन मुहसे तोरासबके ओगैलदेबौ कथिलेकी तुसब नै त जुर चिही, नै त गरम चिही महज सुसमाहुर चिही।

परकास 3:13

‘जकरा कान छै उ सुने पबितर आत्‍मा, मन्‍डलीसबके कथी कहैछै।’”

परकास 2:29

‘जकरा कान छै, उ सुने, पबितर आत्‍मा मन्‍डलीसबके कथि कहैछै।’”

परकास 2:11

‘जकरा कान छै, उ पबितर आत्‍मा मन्‍डलीसबके कथी कहैछै से बात सुने। जे जित्‍तै, ओकरा दोसर मिरतु किछो हानी नै करतै।’”

परकास 2:7

जकरा कान छै, से पबितर आत्‍मा मन्‍डलीसबके कथी कहैछै से बात सुने। जे जित्‍तै ओकरा परमेस्‍वरके स्‍वरगलोकमे भेल जिबन दैबला गाछिके फल खाइले देबै।’”

परकास 1:1

यि किताबमे भेल बातसब येसु खिरिस्‍ट परकट करने छै। परमेस्‍वर आपन सेबकसबके जल्‍दीए हैबला घटनासबके बारेमे बुझैले सके कैहके येसुके परकट करल्‍कै। येसु खिरिस्‍ट यि बात कहैके लेल एकटा स्‍वरगदुतके पठाके आपन सेबक युहन्‍नाके परकट करल्‍कै।

२ पतरुस 3:2

पहिनेके पबितर अगमबक्‍तासबके बोलल अगमबानी आ तोरासबके परेरितसबसे अपनासबके परभु आ मुक्‍ती दैबला परभुके देल आग्‍या तोरासबके सम्‍झैले परतौ।

१ पतरुस 3:22

येसु स्‍वरगमे गेलै आ सब स्‍वरगदुतसब, अधिकारसब आ सक्‍तीसबके बसमे कैरके परमेस्‍वरके दहिनाकात बिराजमान भेल छै।

१ तिमोथी 3:16

परमेस्‍वरके परकट करल सत्‍यके सन्‍देस अचमके चियै आ अकरा कोइ नै इन्‍कार करे सक्‍तै। खिरिस्‍ट मानब बैनके परगट भेलै आ पबितर आत्‍मासे धरमी ठहरल गेलै। स्‍वरगदुतसब ओकरा देखल्‍कै आ जाती-जातीके बिचमे ओकर बारेमे परचार भेलै। सन्‍सारमे लोकसब ओकरा बिस्‍बास करल्‍कै आ उ महिमाके सङे स्‍वरगमे उठ्‍यालगेलै।

एफिसी 2:20

परेरित आ अगमबक्‍तासबके खुनल जगमे बनल घर तुसब चिही। यि जगके मुल खम्‍हा येसु खिरिस्‍ट आपने चियै।

गलाती 1:1

हम पावल, परेरित हैले लोकसबसे या कोनो लोकसे नै एलचियै, महज येसु खिरिस्‍टसे आ ओकरा मरलसे जियाइबला परमेस्‍वर पितासे पठालगेल चियै।

परेरित 1:13

सहर भितर ढुक्‍लाके बाद उसब उपरका महलाके कोठलीमे गेलै, जते उसब रहैछेलै। उसब पतरुस, युहन्‍ना, याकुब, अन्‍दरियास, फिलिप आ थोमा, बारथोलोमाइ आ मती, अल्‍फयासके बेटा याकुब आ देसभक्‍त दलके सिमोन आ याकुबके बेटा यहुदा छेलै।

परेरित 1:11

उसब कहल्‍कै, “ए गालिलके लोक, तुसब कथिले अकास दिसन ताकैत ठडा भेलचिही? येसु त स्‍वरगमे गेलौ, जैहनङ अखुन स्‍वरगमे जाइत देखलिही, ओहिनङ ओकरा फेनो आबैत देखबिही।”

युहन्‍ना 20:17

येसु ओकरा कहल्‍कै, “हमरा नै छु, कथिलेत अखुनतक हम पिताके लग उपर नै गेल चियै। बरु हमर भाइसबलग ज्‍याके ओकरासबके कैहदहै कि हम आपन पिता आ तोरासबके पिता, आपन परमेस्‍वर आ तोरासबके परमेस्‍वर लग उपर ज्‍यारहल चियै।”

युहन्‍ना 17:13

“महज आब हम अहाँ लग आइबरहल चियै। हमर आनन्‍द ओइसबमे पुरा हेबे कैहके हम सन्‍सारमे रैहते यि बात कहैचियै।

युहन्‍ना 16:28

हम पितालगसे सन्‍सारमे एलचियै, आब फेनो सन्‍सार छोइरके पितालग घुइमके ज्‍यारहल चियै।”

युहन्‍ना 13:1

निस्‍तार पाबैनसे पहिने, येसु अइ सन्‍सार छोइरके पितालग जाइबला समय आइबगेल छै से उ जानैछेलै। तब उ सन्‍सारमे भेल आपन चेलासबके परेम करल्‍कै आ अन्‍तिम समयतक उसबके परेम कैरते रहलै।

युहन्‍ना 6:70

येसु ओकरासबके कहल्‍कै, “कि हम तोरा बारहो गोराके नै छान्‍ने चियौ से? महज तैयो तोरासबमेसे एक गोराके सैतान चलाइनेछौ।”

युहन्‍ना 6:62

जब तुसब मानबके बेटाके जतेसे एलछेलै ओतै जाइत देखबिही त तुसब कथी करबही?

युहन्‍ना 3:34

परमेस्‍वरसे पठाएल लोक परमेस्‍वरेके बात बाजैछै कथिलेत परमेस्‍वर ओकरा आपन आत्‍मा भरपुर कैरके दैछै।

युहन्‍ना 1:16

ओकरे अनुगरहसे उटुङ-टुटुङ भैरके आसिस उपर आसिस मिलरहल छै।

लुका 24:51

आसिरबाद दैतकाल, येसु उसबसे बिदा भेलै आ स्‍वरग दिसन उठ्‍यालगेलै।

लुका 9:51

येसुके स्‍वरग दिसन जाइके दिन नजदिक आवेलाग्‍लै तब उ यरुसलेम दिसन जायैले परतै से निरनय करल्‍कै।

मरकुस 6:30

तब परेरितसब येसु लग घुइमके एलै। उसब जे-जे करने रहै आ सिखेल्‍हा बातसब येसुके सुनाइल्‍कै।

मतीके लिखल सुसमाचार 12:28

महज हम परमेस्‍वरके आत्‍मासे भुतसब निकालैचियौ त परमेस्‍वरके राज तोरासबमे आइबगेलछौ से जान।

मतीके लिखल सुसमाचार 3:16

तब येसु बप्‍तिस्‍मा ल्‍याके तुरन्‍ते पानीसे बाहर निकल्‍लै, तब स्‍वरग उघरलै आ उ परमेस्‍वरके आत्‍मा पौरकीके रुपमे आपन उपरमे आबैत देखल्‍कै।

परकास 2:17

‘जकरा कान छै, उ पबितर आत्‍मा मन्‍डलीसबके कथी कहैछै से बात सुने। जे जित हासिल करतै, तकरा हम गुप्‍तमे भेल खाइबला मन्‍न देबै। हम ओकरासबके एकटा उजर पथल देबै, जैमे लया नाम लिखल रहतै। यि उजर पथल पाबैबला मातरे उ नाम जान्‍तै।’”

परेरित 1:22

अरथात एहेन लोक जे युहन्‍नाके बप्‍तिस्‍मासे ल्‍याके येसु स्‍वरग उठ्‍याल गेल दिनतक अपनासबसङे छेलै। उ लोक हमरासब सङे-सङे ओकर जि उठैके साक्‍छी हेबेपरतै।”