परेरित 1:16 - मध्‍य पुरविया थारू

¹⁶ “हौ, भैयारीसब, धरमसास्‍तरके बचन पुरा हैकेचाही, जे बचन येसुके पकराबैके लेल लोकसबके अगुवाइ करैबला यहुदाके बिसयमे दाउदके मुहसे पैहनैये पबितर आत्‍मासे बाजल छेलै।

परेरित 1:16 Referans Kwoze

युहन्‍ना 13:18

“हम तोरासबके बारेमे नै कैहरहल चियौ, जकरा-जकरा हम चुन्‍ने चियै ओकरासबके जानैचियै। महज पबितर धरमसास्‍तर पुरा हेबे कैहके ‘जे हमर रोटी खाइछै ओह्‍या हमर बिरोधमे आपन एरी उठाइनेछै।’

परेरित 1:20

“कथिलेत भजनके किताबमे एहेन लिखल छै, ‘ओकर घर उजार हेबे, ओइमे कोइ नै बास करे आ ओकर काम करैके जिम्‍मा दोसरे कोइ लेबे।’

मतीके लिखल सुसमाचार 26:56

महज पबितर धरमसास्‍तरमे लिखल बात पुरा हेबैएपरतै।” तखने सब चेलासब येसुके छोइरके भाइग गेलै।

मतीके लिखल सुसमाचार 26:54

महज यदी हम माङतियै त धरमसास्‍तरमे यीसब हेतै कैहके लिखल बात कनङ पुरा हेतै?

मतीके लिखल सुसमाचार 26:47

येसु यि बातसब कहते रहलै, कि तखनिए यहुदा जे ओकर बारह गोरा चेलामेसे एकटा छेलै से एलै। ओकरसङे लाठी आ तलबार लेने लोकसबके एकटा भिर छेलै। ओइसबके मुल पुजारीसब आ अगुवासब पठेने छेलै।

१ पतरुस 1:11

ओकरासबके भितरमे रहल खिरिस्‍टके आत्‍मा खिरिस्‍टके दुख भोगेपरतै आ पछा आबैबला महिमाके बारेमे पहिनेसे भबिसबानी करने रहै। तब उ समय कहिया आ कनङके एतै कैहके उसब खोज-तलास करने छेलै।

मरकुस 14:43

येसु बोल्‍ते रहैत खिना बारह चेलासबमेसे एक गोरे यहुदा अचानक ओते देखा परलै। ओकरसाथमे बहुत लोकसब तलबार आ लाठी ल्‍याके एलछेलै। उसबके मुल पुजारीसब, धरमगुरुसब आ अगुवासब पठेने छेलै।

२ पतरुस 2:21

कथिलेकी ओकरासबके देल पबितर आग्‍या जाइनके पछा हटैसे बरु उसब धारमिक बाट नै जानतियै त निक हेतियै।

परेरित 23:6

जब पावल ओइ महासभामे सदुकी आ फरिसी दलके लोकसब छै से थाह पाबल्‍कै तब जोरसे कहल्‍कै, “हौ भाइ-भैयारीसब, हम फरिसीके बेटा फरिसीये चियै। मरल लोकसब फेनो जिबित हैछै तैमे बिस्‍बास करलाके कारन हमर यि उपर मुदा चैल रहल छै।”

परेरित 23:1

तब पावल महासभा दिसन एकटक लग्‍याके ताकल्‍कै आ कहल्‍कै, “हौ भैयारीसब, हम आपन सुध मनसे परमेस्‍वरके नजरमे आइके दिनतक निरदोस जिबन बिताइने चियै।”

परेरित 22:1

“हौ भाइ-भैयारी आ बाबुसब, अहाँसबके अगा हम आपन तरफमे जे कहैले चाहैचियै से सुनु।”

परेरित 15:7

बहौत देर तक बात-बिचार करलाके बाद, पतरुस उइठके ओइसबके कहल्‍कै, “हमर भाइ-भैयारीसब, तोरासबके थाहे हेतौ कि बहौत दिन पैहने परमेस्‍वर तोरासबके बिचसे हमरा अहै खातिर छानल्‍कै जे गैर-यहुदीके लोकसब हमर मुहसे परभुके सुसमाचार सुने आ बिस्‍बास करे।

परेरित 13:38

तै खातिर भाइ-भैयारीसब, तोरौरके थाह हेबे, कि येसुवेटासे मातर तोरौरके पाप छमा भ्‍या सकैछौ।

परेरित 13:15

मोसाके देल बेबस्‍था आ अगमबक्‍तासबके लिखल किताब पढ़लाके बाद, सभाघरके अगुवासब पावल आ बरनाबासके बोल्‍याके कहल्‍कै, “हे यौ भैयारीसब! यदी अहाँसबसे लोकसबके साहसके खातिर कुछो कहैले चाहैचियै त, कहु।”

परेरित 7:2

स्‍तिफनस जबाब दैत कहल्‍कै, “हे हमर बाबु आ भाइ-भैयारीसब, सुनु। महिमाके परमेस्‍वर अपनासबके पुरखा अबराहम हारानमे बास करैसे पैहने जखुन मेसोपोटामियामे रहै तखुन दरसन देने छेलै,

परेरित 2:37

यि बात सुइनके उसब दुखी भेलै आ पछताबे लाग्‍लै, तब पतरुस आ औरो परेरितसबके उसब कहल्‍कै, “भाइसब, हमसब कथी करबै?”

परेरित 2:23

परमेस्‍वरके आपन निस्‍चित योजना आ ग्‍यान अनुसार पकरल गेलै। एह्‍या येसुके अधरमी लोकसबके हाथसे तुसब कुरूसमे किल्‍ला ठोइकके मारलिही।

युहन्‍ना 19:36

“ओकर एकोटा हडी नै टुटतै” से धरमसास्‍तरमे लिखल बात पुरा हेबे कैहके यि भेल छै।

युहन्‍ना 10:35

तब पबितर धरमसास्‍तर कहियो नै झुठ हैले सक्‍तै आ जे परमेस्‍वरके बचन पाबल्‍कै, ओकरासबके उ इस्‍वरसब कहल्‍कै।

लुका 22:47

येसु बोल्‍तै खिना, लोकसबके एकटा बरका भिर ओतै चैलएलै। ओकर बारह चेलामेसे एक गोरे यहुदा कहाइबला ओइसबके अगा-अगा चैलके येसुके चुम्‍मा लैले उ ओकर लगमे एलै।

मरकुस 12:36

जबकि दाउद आपने पबितर आत्‍मासे कहनेछै, ‘परमपरभु हमर परभुके कहल्‍कै, तु हमर दहिना हाथ कता बैठ, जाबेतक हम तोहर दुस्‍मनसबके तोहर टाङके खराम नै बनाइबौ।’

परेरित 28:25

उसब एकदोसरमे बताबती करे लाग्‍लै आ ओतेसे बिदा हैबखत पावल ओइसबके अहिना कहल्‍कै, “पबितर आत्‍मा तोरासबके पुरखासबके कहल बात साँचे छै कथिलेत यसैया अगमबक्‍तासे उ एहेन कहल्‍कै-

परेरित 28:17

तिन दिनके बाद पावल रोमके यहुदी अगुवासबके बोलाइल्‍कै। जब उसब एक ठाम जमा भेलै ओइसबके कहल्‍कै, “हौ दाजु-भाइसब, हम त आपन जातके लोकसबके आ पितापुरखाके रितिरिबाजके बिरोधमे कुछो नै कैलाके बादो यरुसलेमके यहुदी दाजु-भाइसब बन्‍दी बनाके रोमीसबके हाथमे सौप देलक।

परेरित 15:13

उसब बोइललेलाके बाद याकुब ठार भ्‍याके पुछल्‍कै, “हौ भैयारीसब, अहाँसब हमर बात सुनु।

मतीके लिखल सुसमाचार 26:14

तकरबाद बारहगोरे चेलामेसे एकटा यहुदा इस्‍कोरियोत कहाइबला मुख पुजारीसब लग गेलै

युहन्‍ना 17:12

जब हम सन्‍सारमे ओइसबसङे छेलियै, तब हम ओइसबके अहाँके आपन नामके सक्‍तिसे रक्‍छा करलियै, जे नाम अहाँ हमरा देनेछेलियै। हम ओइसबके बचेलियै आ ओइसबमेसे नास हैबलाके छोइरके औरो कोइ नास नै भेलै, महज पबितर धरमसास्‍तरमे लिखल बचन पुरा हेबे कैहके यि भेलै।

२ पतरुस 1:21

कथिलेत अगमबक्‍तासब आपन मनसे अगमबानी नै करल्‍कै, महज पबितर आत्‍माके परेरनासे उसब परमेस्‍वरके तरफसे बोल्‍नेछेलै।