२ तिमोथी 4:16 - मध्‍य पुरविया थारू

¹⁶ पहिन्‍का बेर जखुन हमरा कचहरीमे आपन सफाइ दैले परल छेलै तखुन हमर पक्‍छमे कोइ नै बाज्‍लै। सब गोरे हमरा छोइरदेल्‍कै। यि बातके दोस ओइसबके ककरो नै लागे।

२ तिमोथी 4:16 Referans Kwoze

परेरित 7:60

उ ठेङहुनिया द्‍याके जोरसे कहल्‍कै, “हे परभु, यि पापके दोस अकरौरके नै लागे।” अतहेक कहलाके बाद ओकर परान छुइटगेलै।

युहन्‍ना 16:32

देख! समय आइबरहल छै, हँ, लग चैलएलै, जब तुसब चारुदिसन छिरिया जेब्‍ही। तुसब भाइगके आपन-आपन घर जेब्‍ही महज हमरा असगरे छोइर देब्‍ही। तैयो हम असगरे नै चियै, कथिलेत हमरसङे पिता छै।

मरकुस 14:50

तखैन सब चेलासब येसुके छोइरके भाइग गेलै।

१ पतरुस 3:15

बरु खिरिस्‍टके परभु माइनके आपन हिरदयमे सरदा कर। तोरासबमे भेल आसाके बिसयमे कोइ पुछताछ करैछौ त जबाफ दैले हर समय तयार रह।

२ तिमोथी 4:10

कथिलेत डेमास सन्‍सारके मोहमे फैसके हमरा छोइरदेल्‍कै आ थेसलोनिकेमे चैलगेलै। केरसेन्‍स गलातियामे आ तितस दलमातियामे गेलछै।

२ तिमोथी 1:15

तोरासबके थाहे छौ कि, एसियामे रहैबला सबगोरे हमरा छोइरके चैलगेलै, तै मेसे फुगेलस आ हरमोगेनस सोहो चियै।

फिलिप्‍पी 1:17

डाह करैबलासब सुध मनसे नै महज हमरा जहलमे औरो दुख दैकेलेल स्‍वारथ बिचारसे खिरिस्‍टके परचार करैछै।

फिलिप्‍पी 1:7

तोरासबके हम आपन हिरदयमे राखनेचियौ। तोरासबके बारेमे अनङ करनाइ हमरा ठिक लाग्‍लै कथिलेकी हम जहलमे रहैबेर आ बाहरमे रहैबेर सुसमाचार परचार आ अकरा जोगाइबला काममे परमेस्‍वरके देल अनुगरहमे तुसब हमरसङे सहभागी भेलचिही।

२ कोरन्‍थी 7:11

परमेस्‍वरसे एल दुखसे तोरासबमे केहेन उत्‍साह जगाइल्‍कौ, ओइके याद कर। आपनेके निरदोस साबित कराइके लेल केहेन उत्‍सुकता छौ। केहेन डाह, केहेन डर, केहेन पियास, केहेन जोस, नियाय हैकेलेल केहेन चाह छौ! सब बातमे तुसब आपनेके निरदोस साबित करनेचिही।

१ कोरन्‍थी 9:3

कोइ कोइ हमर अधिकारके बारेमे सबाल करैछै। ओइसबके लेल हमर जबाफ एह्‍या चियै,

परेरित 25:16

महज हम जबाफ देलियै, रोमीसबके एहेन चलन नै छै, कोनो भि लोकके दन्‍ड देबेसे पहिने जबतक दोस लगाइबलाके अगा खरा भ्‍याके आपन बचाउके लेल जबाफ दैके मौका नै मिलैछै।

परेरित 22:1

“हौ भाइ-भैयारी आ बाबुसब, अहाँसबके अगा हम आपन तरफमे जे कहैले चाहैचियै से सुनु।”

लुका 12:11

“जब उसब तोरासबके पकैरके सभाघरसब, सासकसब आ अधिकारीसबके सामने लाबतौ, तब तुसब कनङ आ कथी जबाब देबही, या कथी कहे परतै से चिन्‍ता नै कर।

१ कोरन्‍थी 13:5

परेम हठी नै हैछै, नै जिद्‍दी हैछै। परेम आपने बारेमे मातरे नै सोचैछै, दिक्‍क नै मानैछै आ खराबीके हिसाब नै राखैछै।

२ तिमोथी 4:15

ओकरसे तुहु होसियार रह, कथिलेत उ अपनासबके परचारके एकदम बिरोध करल्‍कौ।