२ तिमोथी 4:10 - मध्‍य पुरविया थारू

¹⁰ कथिलेत डेमास सन्‍सारके मोहमे फैसके हमरा छोइरदेल्‍कै आ थेसलोनिकेमे चैलगेलै। केरसेन्‍स गलातियामे आ तितस दलमातियामे गेलछै।

२ तिमोथी 4:10 Referans Kwoze

२ तिमोथी 1:15

तोरासबके थाहे छौ कि, एसियामे रहैबला सबगोरे हमरा छोइरके चैलगेलै, तै मेसे फुगेलस आ हरमोगेनस सोहो चियै।

२ कोरन्‍थी 2:13

महज हमर बिस्‍बासी भाइ तितस ओते नै भेटलाके कारन हमर मन बेचैन भेलै। तहैलेल ओइसबसे बिदा भ्‍याके हम माकेडोनिया परदेस दिसन गेलियै।

परेरित 16:6

पबितर आत्‍मासे एसियाके परदेसमे बचन परचार करैले मनाही भेलाके कारन उसब फिरिगिया इलाका आ गलातियाके परदेससब हैतगेलै।

फिलेमोन 1:24

ओहिनङे कैरके हमरसङे काम करैबला मरकुस, अरिस्‍तारखस, डेमास आ लुका सेहो गोरलगी पठाइनेछौ।

२ तिमोथी 4:16

पहिन्‍का बेर जखुन हमरा कचहरीमे आपन सफाइ दैले परल छेलै तखुन हमर पक्‍छमे कोइ नै बाज्‍लै। सब गोरे हमरा छोइरदेल्‍कै। यि बातके दोस ओइसबके ककरो नै लागे।

फिलिप्‍पी 2:21

औरो लोकसब त आपने धुनमे लागलछै, येसु खिरिस्‍टके बारेमे वास्‍ता करैबला कोनो लोक नै छै।

२ कोरन्‍थी 7:6

महज निरास भेलसबके सान्‍तबना दैबला परमेस्‍वर तितस एलासे हमरासबके सान्‍तबना देल्‍कै।

परेरित 17:11

ओतेका लोकसब थेसलोनिकेके लोकसबसे खुला बिचारके लोकसब रहै। उसब परमेस्‍वरके सुसमाचार एकदम धियान द्‍याके सुनै। पावलके कहलहा बातसब मिलैछै कि नै मिलैछै कैहके उसब हरेक दिन धरमसास्‍तर पढ़है आ जाँचै।

परेरित 17:1

पावल आ सिलास अम्‍फिपोलिस आ अपोल्‍लोनिया सहरके बाट हैत थेसलोनिके सहरमे एलै। ओते एकटा यहुदीसबके सभाघर छेलै।

२ पतरुस 2:15

उसब सिधा रस्‍ता छोइरके बओरके बेटा बालामके चलैबला बाटमे चलैछै, जे खराब काम कैरके रुपैया कमाबैके दाउमे छेलै।

तितस 1:4

तितस, हमे तोरा यि चिठी लिखैचियौ। साँचोके तु हमर आपने बेटा जखा चिही कथिलेकी तोहर आ हमर बिस्‍बास एके चियौ। परमेस्‍वर पिता आ अपनासबके मुक्‍तीदैबला येसु खिरिस्‍ट तोरा अनुगरह आ सान्‍ती देबे।

१ तिमोथी 6:17

अइ सन्‍सारमे धनिक भेल लोकसबके घमन्‍डी नै बन कैहके आग्‍या दहै। अनिस्‍चीत धन सम्‍पैतमे नै महज सब चिज परसस्‍तसे आपनसबके भोग करैले दैबला परमेस्‍वरमे भरोसा कर कैहके ओइसबके आग्‍या दहै।

१ तिमोथी 6:10

कथिलेकी सब परकारके खराबी के जैर रुपैया-पैसाके मोह चियै। कतहेक गोरा अकर पछा लाइगके बिस्‍बाससे पछा हैट गेलछै आ उसब आपन उपर दुख कस्‍ट लाबने छै।

गलाती 1:2

हम आ हमरसङे भेल सब भाइ-भैयारीसबके तरफसे गलातिया परदेसके मन्‍डलीसबके यि चिठी लिखैचियौ।

२ कोरन्‍थी 8:16

परमेस्‍वरके धन्‍यबाद हेबे, परमेस्‍वर तोरासबके लेल हमरे जखा इक्‍छा तितसके हिरदयमे राइखदेल्‍कै।

२ कोरन्‍थी 8:6

ओहैसे तितस पहिनेसे तोरासबके बिचमे सुरु करल भेटी उठाइबला काम पुरा करे परतै कैहके हमसब ओकरा बिन्‍ती करलियै।

परेरित 18:23

कुछदिन तक ओतै रहलै। तकरबाद फेनो उ गलातिया आ फिरिगिया इलाकाके ठामसब हैत, सब ठाममे रहल परभुके बिस्‍बासीसबके बिस्‍बासमे बलगर बनाइत गेलै।

परेरित 17:13

महज जब थेसलोनिकेमे भेल्‍हा यहुदीसब बेरियोमे पावल परमेस्‍वरके सुसमाचार परचार करैछै से बात सुनल्‍कै, तब उसब बेरियामे आइबके हो-हल्‍ला मचाबैले लाग्‍लै आ पावलके बिरोध करैले ओतेका लोकसबके उक्‍साइले लाग्‍लै।

परेरित 15:38

महज पावल मरकुसके सङे लजाइले इन्‍कार करल्‍कै, कथिलेत उ आपन काम पुरा नै कैरके ओइसबके पामफिलियामे छोइरके गेल रहै।

परेरित 13:13

पावल आ ओकर सङिसब पाफोस सहरसे पानी जहाद चहैरके पामफिलिया इलाकाके परगा सहरमे पहुचलै आ मरकुस कहाइबला युहन्‍ना ओतेसे यरुसलेम घुइमके एलै।

लुका 17:32

लोतके घरबालीके याद कर!

लुका 16:13

“कोनो नोकर दुइटा मालिकके सेबा-टहल नै करे सकैछै, कथिलेत उ एकटाके घिरना करैछै त, दोसरके परेम करैछै, या त उ एकटाके आदर करैछै त दोसरके तुच्‍छ ठानैछै। तुसब परमेस्‍वर आ धन दुनुके सेबा करैले नै सकबिही।”

लुका 14:33

तै खातिर तोरासबमेसे जे हमर लेल आपनसङे भेल्‍हा सबचिज नै छोरतै त, हमर चेला बने नै सक्‍तै।”

मतीके लिखल सुसमाचार 26:56

महज पबितर धरमसास्‍तरमे लिखल बात पुरा हेबैएपरतै।” तखने सब चेलासब येसुके छोइरके भाइग गेलै।

मतीके लिखल सुसमाचार 12:32

आ जे मानबके बेटाके बिरोधमे नै निक बोल्‍तै त ओकर पाप छमा हेतै, महज जे पबितर आत्‍माके बिरोधमे नै निक बोल्‍तै त, ओकरा नै अइ युगमे नै आबैबला युगमे छमा हेतै।”

२ कोरन्‍थी 8:23

तितस हमर सङी चियै आ तोरासबके सहायता करैके लेल हमरसङे काम करैछै। ओकरसङे जाइबला भाइसबके खिरिस्‍टके महिमाके लेल मन्‍डलीसब पठाइनेछै।