२ तिमोथी 3:5 - मध्‍य पुरविया थारू

⁵ उसब भक्‍ती करैबला रुप धारन त करैछै महज भक्‍तीके भितरी सक्‍तीके सुइकार नै करैछै। एहेन लोकसबसे दुरे रह।

२ तिमोथी 3:5 Referans Kwoze

तितस 1:16

उसब परमेस्‍वरके जानैछै कैहके दाबी करैछै महज ओइसबके बेबहारसे उसब परमेस्‍वरके इन्‍कार करैछै से बात देखाइछै। उसब घिनलागैबला आ अटेरी हैछै आ कोनो असल काम करे लाएकके नै छै।

१ तिमोथी 5:8

यदी कोइ आपन नातेदार आ खास कैरके परिबारके देख-भाल नै करैछै, उसब बिस्‍बाससे पछा हटल लोक चियै आ अबिस्‍बासीयोसे बेसी खराब हैछै।

मतीके लिखल सुसमाचार 7:15

“झुठा अगमबक्‍तासबसे होसियार रह, जे तोरासबके बिचमे भेंराके भेसमे आबैछौ, महज भितरसे उसब भुख्‍याल नरहिया जखा हैछै।

तितस 3:10

मन्‍डलीमे फुट आनैबलाके एक दुइ बेर चेता, यदी उ नै मानैछौ त ओकरसङे कोनो समबन्‍ध नै राख।

२ तिमोथी 2:16

महज तु परमेस्‍वरके अपमान करैबला आ काम नै काजके बातसे दुर रह, कथिलेत एहेन बात लोकसबके परमेस्‍वरसे दुर ल्‍याजाइछै।

२ तिमोथी 2:23

महज मुरुख आ बेकारके तरक-बितरकसे दुरे रह, कथिलेत तोरा थाह छौ कि, एहेन बातसे लराइ-झगरा उतपन हैछै।

१ तिमोथी 6:5

एहेन लोकसबके बिचमे सबदिन झगरा हैछै। ओइसबके मति भरस्‍ट भेल रहैछै। उसब सत बातसबसे दुर भेल रहैछै आ परमेस्‍वरके भक्‍ति करैबला काम धनिक हैकेलेल चियै कैहके बिचार करैछै।

एफिसी 4:14

तब अपनासब चलाक लोकसबके झुठा सिक्‍छाके हबासे जने ल्‍याजेतौ तने जाइबला छोट धिया-पुता जखा नै हो। ओइसबके बन्‍याल जाल झेलसे दोसरके बहकाइछै।

२ थेसलोनिकी 3:6

भाइसब, अपनासबके परभु येसु खिरिस्‍टके नाउमे हमसब तोरासबके यि आग्‍या करैचियौ कि, जे बिस्‍बासी लोकसब हमरासबके देल सिक्‍छा अनुसार नै चलैछै आ कोढिया छै ओकरासबके सङहतसे दुरे रह।

२ थेसलोनिकी 3:14

तोरासबमेसे कोइगोरा हमसब यि चिठीमे लिखल आग्‍या नै मानैछौ त ओकरा डिठीयाइने रह। ओकरसङे सङहत नै राख ताकि उ लाजमे परे।

१ तिमोथी 4:7

तु इस्‍वरहिन आ अरथहिन खिसा-पिहानी सबसे दुर रह। बरु परमेस्‍वरके पसिन परैबला जिबन जियैके कोसिस कर।

१ तिमोथी 4:8

देहके कसरत करनाइ असल चियै, महज आत्‍मिक कसरत करनाइ औरो असल चियै, कथिलेकी अखुन आ आबैयोबला जिबनमे फैदाके लेल परतिग्‍या करने छै।