२ तिमोथी 3:3 - मध्‍य पुरविया थारू

³ ओइसबमे मया-दया नै रहैछै आ छमा नै करैछै। उसब दोसरके बारेमे चुगली लगाइबला आ राँड़ हैछै आ निक बातके मन नै पराइछै।

२ तिमोथी 3:3 Referans Kwoze

यहुदा 1:18

उसब कहने रहै, “अन्‍तिम बखतमे मजाक करैबलासब एतौ। उसब परमेस्‍वरके बात नै माइनके आपने इक्‍छासबमे लागल रहतौ।”

रोमी 1:31

उसब मुरुख भेलछै आ करबै कैहके कहल बात पुरा नै करैछै। उसब दोसरके परेम आ दया नै करैछै।

मतीके लिखल सुसमाचार 10:21

“एक भाइ दोसर भाइके, बाबु आपन धियापुताके आ धियापुता आपन माँ-बाबुके बिरोधमे उठतौ आ एक-दोसरके मारे लगाइतौ।

२ पतरुस 2:14

ओइसबके आँख बेबिचारसे भरल रहैछै आ कतबो पाप करैछै तैयो नै मन भरैछै। उसब चनचल मन भेल्‍हासबके फुस्‍यालैछै। ओकरसबके मन लोभसे भरल रहैछै। ओहैसे परमेस्‍वरके सराप ओइसबके उपरमे परलछै।

१ तिमोथी 3:11

तहिनङ कैरके ओकरासबके घरबालीसब सेहो आदर पाबैबाली हैके चही। उसब दोसरके बदनाम नै करैबली, आपनके बसमे राखैबाली आ सब बातसबमे बिस्‍बास योग्‍य हैलेपरतै।

मतीके लिखल सुसमाचार 4:1

तकरबाद सैतानसे जाँचल ज्‍या कैहके पबितर आत्‍मा येसुके उजार जगहमे ल्‍यागेलै।

परकास 17:6

तब हम उ जनीके परमेस्‍वरके पबितर जनसब आ येसु खिरिस्‍टके साक्‍छी दैबलासबके लहु पिके मातल देखके हम एकदम छक परलियै।

परकास 16:6

कथिलेत उसब अहाँके पबितर जनसब आ अगमबक्‍तासबके लहु बहेनेछै तब ओकरासबके अहाँ लहुवे पियैले देलियै। ओइसबके अनङ सजाय पाबनाइ उचित छै।”

परकास 13:17

यि चेन्‍हा ओइ जानबरके नाम या ओकर सङख्‍या छेलै। तब जतहेक लोकके उ चेन्‍हा नै छेलै, उसब किन-बेच करैले नै पाबैछेलै।

परकास 13:15

पहिन्‍का जानबरके मुरती बोले आ उ मुरतिके पुजा नै करैबला लोकसबके माइरदेबे कैहके ओइ जानबरके मुरतिमे साँस फुइकदैके अधिकार अजेगर दोसर जानबरके देल्‍कै।

यहुदा 1:16

एहेन लोकसब सन्‍तोखिया नै हैछै, हरदम दोसरके गल्‍ती निकालैछै आ अपना सेहो नै निक इक्‍छासबमे चलैछै, अपनेके बरका सम्‍झैछै आ आपन काम बनाइले दोसरके चापलुसी करैछै।

२ पतरुस 3:3

सबसे पहिने तोरासबके यि बुझैले परतौ कि, अन्‍तके दिनमे अधलाह लोक आपन स्‍वारथ चाहना बाहेक औरो किछो नै सोच्‍तै। उसब तोरासबके खिसी करैत कहतौ,

याकुब 2:6

महज तुसब त गरिबसबके अपमान करनेचिही। कि धनिक लोकसब तोरासबके अत्‍याचार नै करैछौ? कि उसब तोरासबके अदालतके अगा घिस्‍याइत नै लजाइछौ से?

तितस 2:3

तहिनङे, बुढ जनिसबके परमेस्‍वरके आदर हैबला असल चालचलनके जिबन जियैके लेल सिखा। उसब बिना कारन ककरो निन्‍दा नै करे आ निसाबला चिजके बसमे नै परे बरु जे चिज असल छै उ औरो दोसर गोराके सिखाबे।

तितस 1:8

महज उ लोक मेजवानके स्‍वागत-सत्‍कार करैबला, भलाइके काममे मन लगाइबला, ग्‍यानी, इमान्‍दार, पबितर आ आपनके बसमे राखैबला हैकेचाही।

१ थेसलोनिकी 4:8

अहैलेल यि सिक्‍छाके इन्‍कार करैबला लोकके नै, महज परमेस्‍वरके इन्‍कार करैछै, जे परमेस्‍वर आपन पबितर आत्‍मा तोरासबके देने छौ।

१ कोरन्‍थी 7:9

महज उसब आपन मनके बसमे राखैले नै सकैछै त उसब बियाह करे। कथिलेत मनके बसमे नै राखैले सक्‍लासे त बरु बियाह करनाइ असल चियै।

१ कोरन्‍थी 7:5

घरबला आ घरबाली एक-दोसरके सारिरीक समबन्‍धसे इन्‍कार नै कर। इन्‍कारो करबिही त परथनामे समय बिताबैके लेल एक-आपसमे सल्‍लाह कैरके कुछ समयके लेल अलग रह। तब फेर एकसाथ रह, नै त तुसब आपन मन थामैले नै सक्‍लाके कारनसे सैतान तोरासबके परिक्‍छामे पारतौ।

युहन्‍ना 6:70

येसु ओकरासबके कहल्‍कै, “कि हम तोरा बारहो गोराके नै छान्‍ने चियौ से? महज तैयो तोरासबमेसे एक गोराके सैतान चलाइनेछौ।”

लुका 16:14

यि बात सुइनके धनके लोभी फरिसीसब येसुके मजाक उराइल्‍कै।

लुका 10:16

“जे तोरासबके बातसब मान्‍तौ, उ हमरो बातसब मान्‍तै आ जे तोरासबके इन्‍कार करतौ, उ हमरो इन्‍कार करतै आ जे हमरा इन्‍कार करतै, उ हमरा पठाइबलाके इन्‍कार करतै।”

२ पतरुस 2:19

ओइसबके स्‍वतन्‍तर कराबैके परतिग्‍या करैछै महज उसब आपने भरस्‍टताके दास चियै, कथिलेकी लोक जे चिजके बसमे पैर जाइछै, उसब ओहै चिजके दास बैन जाइछै।

रोमी 1:29

उसब सब तरहके खराबी आ दुस्‍टतासे भरलछै। उसब लोभ, घिरना, दोसरके डाह, हतिया, झगरा-झाटी आ छल करैछै, झुठ बोलैछै आ चुगली लगाइछै।