Biblia Todo Logo
Bib sou entènèt

- Piblisite -




२ तिमोथी 3:16 - मध्‍य पुरविया थारू

16 धरमसास्‍तरमे लिखल सब बचन परमेस्‍वरके परेरनासे एलछै। यि सिखाइले, अरती दैले, सुधारैके लेल आ धरमी जिबन जियैले बहौत काम लागतौ।

Gade chapit la Kopi




२ तिमोथी 3:16
43 Referans Kwoze  

पबितर धरमसास्‍तरमे पहिने लिखल बातसब अपनासबके सिक्‍छा दैकेलेल छेलै। धरमसास्‍तरमे भेल बातसे अपनासबके सहैबला सक्‍ति आ हौसला दैछै ताकी अपनासबके आसा बनल रहे।


कथिलेकी परमेस्‍वरके बचन त जिबित आ काम करैबला चियै आ कोनोभी दुइ दिसन धार भेल तलबारसे बेसी चोख रहैछै। जनङ परान आ आत्‍माके भितर पुइगके अकर जोरनी आ हड्‍डी भितरके गुदीसबके भाग-भाग करैतक वार-पार करैछै, तहिनङ परमेस्‍वरके बचन लोकसबके हिरदयके बिचार आ चाहनाके एक-एक कैरके जाँच करैछै।


तब येसु उसबके कहल्‍कै, “तुसब भरममे परलचिही, कथिलेत तुसब नै त पबितर धरमसास्‍तर जानैचिही, नै त परमेस्‍वरके सक्‍तीके?


परमेस्‍वरके बचन सुना। बेलोमे कुबेलोमे सुसमाचार सुनाइले नै छोर। पुरा-पुरी धिरजसे लोकसबके सम्‍झा, चेताबनी दहै आ असल सिक्‍छासे हिम्‍मत बरहा।


उ आपन बिरोधीसबके लरम भ्‍याके सुधारैबला हैकेचाही। भ्‍यासकैछै परमेस्‍वर बिरोधीसबके मन बदैल देतै आ उसब सतके चिन्‍हे सक्‍तै।


तोरासबके सहायता हैबला कामसब सब लोकसबके बिचमे परचार करैले आ तोरासबके घर-घरमे सेहो ज्‍याके सिक्‍छा दैले नै छोरलियौ।


दुस्‍ट काम करैबलासब इजोतके घिरना करैछै आ ओइसबके करल दुस्‍ट कामसब देखलेतै कैहके इजोतमे नै आबैछै।


तब येसु फेनो ओइसबके कहल्‍कै, “अहै खातिर स्‍वरगके राजके बारेमे जानकार भेल्‍हा हरेक धरमगुरु एकटा घरके मालिक जखा चियै, जे आपन बखारीसे लबका आ पुरन्‍का अनमोल चिजसब निकाइल सकैछै।”


अते ओकरा एफिससमे मुक्‍ती दैबला परभु येसुके बारेमे सिक्‍छा मिलल रहै। उ बहौत जोसके साथ येसुके बारेमे असलसे सिखाबैत रहै तैयो ओकर ग्‍यान बप्‍तिस्‍मा दैबला युहन्‍ना तकमे सिमीत छेलै।


तुसब मुरुख लोकसबके सल्‍लाहकार तब परमेस्‍वरके बारेमे किछो नै जानैबलासबके सिक्‍छक चियै कैहके सोचैचिही, कथिलेत बेबस्‍थामे भेल सब बुइध आ सत बात पाबनेचियै कैहके दाबी करैचिही।


परमेस्‍वर अबराहमके कहल्‍कै, “तोरेसे पिरथिबीके सब जातिके लोकसब आसिस पाबतै।” अनङ परमेस्‍वर गैर-यहुदीसबके बिस्‍बाससे धरमी ठहराइतै कैहके पबितर धरमसास्‍तर पहिनेसे असल समाचार सुनाइने छेलै।


तहैलेल पबितर आत्‍मा कहैछै, “यदी आइके तुसब परमेस्‍वरके आबाज सुनबिही त,


सबकोइके भलाइ हेबे कैहके सबलोकके पबितर आत्‍माके बरदान देलगेलछै।


कथिलेत हम परमेस्‍वरके सरा योजना सुनाबैले पछामाथे नै ताकलियौ।


तब पबितर धरमसास्‍तर कहियो नै झुठ हैले सक्‍तै आ जे परमेस्‍वरके बचन पाबल्‍कै, ओकरासबके उ इस्‍वरसब कहल्‍कै।


महज पबितर धरमसास्‍तरमे लिखल बात पुरा हेबैएपरतै।” तखने सब चेलासब येसुके छोइरके भाइग गेलै।


“हौ, भैयारीसब, धरमसास्‍तरके बचन पुरा हैकेचाही, जे बचन येसुके पकराबैके लेल लोकसबके अगुवाइ करैबला यहुदाके बिसयमे दाउदके मुहसे पैहनैये पबितर आत्‍मासे बाजल छेलै।


तब येसु उसबके कहल्‍कै, “कि तुसब पबितर धरमसास्‍तर नै पढनेचिही? ‘जै पथलके घर बनाइबला मिसतिरीसब छाइट देल्‍कै, सेह्‍या जगके मुल खम्‍हा बन्‍लै, यि काम परमेस्‍वर करने छै आ अपनासबके नजरमे आस्‍चरजके बात छै।’


पबितर धरमसास्‍तरमे लिखल बात, “परमेस्‍वर ओकरा धरमी ठहरेल्‍कै” ओकरलेल मातरे नै लिखल गेलै,


बिस्‍बासके मतलब आसा करल बातमे निसचयता आ नै देखल बातमे पक्‍का भरोसा करनाइ चियै।


हरेक तरहसे फाइदे फाइदा छै। सबसे पहिने परमेस्‍वर आपन बचन यहुदीसबके सौप देल्‍कै।


उसब एकदोसरमे बताबती करे लाग्‍लै आ ओतेसे बिदा हैबखत पावल ओइसबके अहिना कहल्‍कै, “पबितर आत्‍मा तोरासबके पुरखासबके कहल बात साँचे छै कथिलेत यसैया अगमबक्‍तासे उ एहेन कहल्‍कै-


जबकि दाउद आपने पबितर आत्‍मासे कहनेछै, ‘परमपरभु हमर परभुके कहल्‍कै, तु हमर दहिना हाथ कता बैठ, जाबेतक हम तोहर दुस्‍मनसबके तोहर टाङके खराम नै बनाइबौ।’


महज यदी हम माङतियै त धरमसास्‍तरमे यीसब हेतै कैहके लिखल बात कनङ पुरा हेतै?


ओहैमे येसु ओइसबके पुछल्‍कै, “ओनङ छै त दाउदके पबितर आत्‍मा कनङके खिरिस्‍टके ‘परभु’ कहैले लगेल्‍कै, कथिलेत दाउद आपनेसे एहेन कहनेछै,


Swiv nou:

Piblisite


Piblisite