२ तिमोथी 2:7 - मध्‍य पुरविया थारू

⁷ हम तोरा जे बात कहैचियौ, ओइबातके निकसे बिचार कर, कथिलेत परभु यि सब बात बुझहैके खातिर तोरा सहायता करतौ।

२ तिमोथी 2:7 Referans Kwoze

याकुब 1:5

महज तोरौरके बिचमे ककरो-ककरो बुइधके कमी छौ त उ परमेस्‍वरसे माङे आ परमेस्‍वर तोरासबके उदार चितसे परसस्‍त कैरके देतौ।

१ युहन्‍ना 5:20

अपनासब जानैचियै कि परमेस्‍वरके बेटा आइबगेल छै आ सत परमेस्‍वरके चिन्‍हैले उ अपनासबके समझसक्‍ती देने छै। हमसब ओकर बेटा येसु खिरिस्‍टमे भेलासे सत परमेस्‍वरमे चियै। ओह्‍या सत परमेस्‍वर आ अनन्‍त जिबन चियै।

लुका 24:45

तब येसु ओकरासबके धरमसास्‍तरसब बुझैले समझसक्‍ती खोइल देल्‍कै,

युहन्‍ना 14:26

महज पिता हमर नाममे पठाइबला सल्‍लाहकार पबितर आत्‍मा तोरासबके सब बात सिखाइतौ आ हमर कहल सब बात तोरासबके मन पाइरदेतौ।

याकुब 3:17

महज स्‍वरगसे आबैबला बुइध त सबसे पहिने असल हैछै, तकरबाद उ सान्‍ती दैबला, नम्‌र, बिचारसिल आ दयासे भरल रहैछै आ असल कामसे परकट हैछै। अइमे पक्‍छपात करैबला बात आ छलकपट करैबला बात नै रहैछै।

१ तिमोथी 4:15

हम तोरा कहल यि सब बात एकदमसे पालन कर आ पुरा मन लगाके ओहैमे लागल रह ताकि तोहर करल उन्‍नती सबकोइ देखे।

कलस्‍सी 1:9

तैखातिर हमसब यि बात जहियासे सुन्‍नेचियै तहियेसे तोरासबके खातिर हरदम परथना करैत आइबरहलचियौ। पबितर आत्‍मासे मिलल पुरा आत्‍मिक ग्‍यान आ समझसे परमेस्‍वरके पुरा इक्‍छा जानैले सक कैहके हमरासबके परथना छै।

युहन्‍ना 16:13

महज सतके आत्‍मा जब एतौ तब उ तोरासबके सब बातसब बुझाइतौ। उ आपने दिसनसे बात नै करतौ महज उ जे सुन्‍तौ, ओह्‍या तोरासबके कहतौ तब पाछे हैबला बातसब सोहो कहतौ।

लुका 21:15

कथिलेत हम तोरासबके एहेन सब्‍द आ बुधि देबौ, कि तोहर बिरोधीसब तोरासबके बात सुइनके एकोटाके जबाब दैले नै सक्‍तौ, ओकरौरके मुहमे तला लाइग जेतौ।

हिबरु 13:7

तोरासबके सुरुमे परमेस्‍वरके बचन सिखाइबला अगुवासबके नै बिसर। ओकरासबके जिबनमे एल असल परिनामके बिचार कर आ परमेस्‍वरमे ओकरासबके जखा भरोसा कर।

हिबरु 12:3

पापी लोकसब ओकर बिरोधमे जे बातसब लाबल्‍कै ओइबातसबके केनङके सहल्‍कै से बिचार कर आ तुसब नै थाक आ निरास नै हो।

हिबरु 7:4

उ कतहेक महान लोक छेलै कैहके तुसब आपनेसे बुझैले सकबिही। अपनासबके पुरखा अबराहम सेहो लराइमे जितके आनल चिजसबके दसान्‍स ओकरा देल्‍कै।

हिबरु 3:1

ओहैसे परमेस्‍वरके बोलाबट पाबलहा पबितर जनसब, तुसब आपन धियान येसुमे लगा, जकरा अपनासब परेरित आ परधान पुजारी कैहके सुइकार करैचियै।

फिलिप्‍पी 4:8

अन्‍तमे, भाइ-भैयासब, जे बात सत छै, जे बात असल छै, जे बात नियाय संगत छै, जे बात पबितर छै, जे बात परेम योग्‍य छै, जे बात किरपाके योग्‍य छै, अरथात जे आदरके योग्‍य छै आ परसन्‍साके योग्‍य छै तैमे मन लगा।

१ कोरन्‍थी 12:8

ककरो पबितर आत्‍मासे बुधिके बात बोलैबला, ककरो ओह्‍या पबितर आत्‍मा ग्‍यानके बात बोलैबला बरदान दैछै।

परेरित 7:10

परमेस्‍वर ओकरा सब दुख बिपतसे बचेल्‍कै। मिसरदेसके रजा फारोके अगा ओकरा परमेस्‍वर किरपा करल्‍कै आ असल बिचार देल्‍कै। यि देखके फारो खुसी भेलै आ ओकरा मिसरदेसके बडा-हाकिम आ राजदरबारके मुख लोक बनाइल्‍कै। तबसे ओकर हुकुम परदेसमे चलेलाग्‍लै।

याकुब 3:15

एहेन बुइध स्‍वरगसे नै आबैछै, महज यि त सन्‍सारसे, लोकके आपन चाहनासे आ सैतानसे आबैछै।

लुका 9:44

आब “ध्‍यानसे सुन, हम तोरासबके कथी कहैचियौ, मानबके बेटा लोकसबके हाथमे पकरल जेतौ।”

२ तिमोथी 2:6

जे गिरहत घाम-पसिना चुबाके मेहनत करैछै, उबजल बालीके पहिन्‍का हिस्‍सा ओकरे मिलैके चाही।

२ तिमोथी 2:8

मैरके जिबित भ्‍याल रजा दाउदके बंसके येसु खिरिस्‍टके याद कर। कथिलेत हमर परचार करल सुसमाचार एह्‍या चियै।