२ तिमोथी 2:23 - मध्‍य पुरविया थारू

²³ महज मुरुख आ बेकारके तरक-बितरकसे दुरे रह, कथिलेत तोरा थाह छौ कि, एहेन बातसे लराइ-झगरा उतपन हैछै।

२ तिमोथी 2:23 Referans Kwoze

२ तिमोथी 2:14

तिमोथी, यि बात तु ओइसबके बात-बातमे झगरा नै कर कैहके परमेस्‍वरके सामनेमे सम्‍झा। झगरासे ककरो भलाइ नै हैछै, बरु सुनैबला लोकसबके बिगारैछै।

तितस 3:9

महज बेरथके बात, बंसाबली, फुट लाबैबला आ धरम-नियमके झगरासबसे दुरे रह। कथिलेत यि काम नै लागैबला आ बेरथके बात चियै।

२ तिमोथी 2:16

महज तु परमेस्‍वरके अपमान करैबला आ काम नै काजके बातसे दुर रह, कथिलेत एहेन बात लोकसबके परमेस्‍वरसे दुर ल्‍याजाइछै।

१ तिमोथी 4:7

तु इस्‍वरहिन आ अरथहिन खिसा-पिहानी सबसे दुर रह। बरु परमेस्‍वरके पसिन परैबला जिबन जियैके कोसिस कर।

१ तिमोथी 1:4

ओइसबके बनोतरी बात-कथा सबमे आ नै सकैबला बंसाबलीसबमे नै ओझराल रह कैहके आग्‍या दहै। कथिलेत एहेन बातसबसे बाद-बिबाद मातरे हैछै आ परमेस्‍वरमे बिस्‍बासके जिबन बिताइबलासबके कोनो फैदा नै करैछै।

याकुब 4:1

तोरासबके बिचमे लराइ आ झगरासब कोन बातसे आनैछौ? कि यि सब तोहर देहके भोगबिलासके अभिलासासे नै आबैछौ, जे तोरासबके भितरमे सङघर्‌स करैत रहैछौ?