२ तिमोथी 1:8 - मध्‍य पुरविया थारू

⁸ तै खातिर आपनौरके परभुके गबाही दैले लाज नै मान आ हम ओकरलेल जहलमे परलियै से बात सोइचके लाज नै मान। महज परमेस्‍वरके सक्‍तीमे सुसमाचार सुनाइबला कामके लेल दुख भोगैले तु हमरसङे सामेल हो।

२ तिमोथी 1:8 Referans Kwoze

रोमी 1:16

हमरा यि सुसमाचार सुनाइले लाज नै लागैछै, कथिलेकी बिस्‍बास करैबला सबलोकके मुक्‍ती दैकेलेल यि सुसमाचार परमेस्‍वरके सक्‍ती चियै, जे पहिने यहुदीसबके लेल आ बादमे गैर-यहुदीयोसबके लेल चियै।

मरकुस 8:38

अइ पापी आ दुस्‍ट पुस्‍तामे जे हमर आ हमर बचनसे लाज मान्‍तै त मानबके बेटा आपन पिताके महिमामे पबितर स्‍वरगदुतसबसङे आबैतखिना ओकरसे लाज मान्‍तै।”

२ तिमोथी 4:5

महज तु हर परिस्‍थितीमे सचेत रह, दुख उठा, सुसमाचार सुनाइबला काममे लागल रह आ आपन सेबाके काम-काज पुरा कर।

परकास 12:11

थुमाके लहुसे, ओकरासबके घोसना करल सत बचनसे आ जान तलिक दैले उसब तैयार भेलाके कारन अपनासबके भाइ-भैयासब ओकरा जितनेछै।

२ तिमोथी 2:9

ओह्‍या सुसमाचार जकर खातिर हम दुख काटैचियै आ अपराधी जखा झिझिरसे बान्‍हल चियै। महज परमेस्‍वरके बचनके बान्‍हे नै सक्‍तै।

२ तिमोथी 1:12

तब अहै खातिर हम दुख उठाइचियै। महज यि बातके खातिर हम लाज नै मानैचियै, कथिलेत हम ककर उपर बिस्‍बास करनेचियै से हम निकसे जानैचियै। हम जे कुछ परमेस्‍वरके सौपने चियै, उ आपन आबैबला दिनतक सुरक्‍छित राख्‍तै कैहके पुरा भरोसा छै।

एफिसी 3:1

तैखातिर हम पावल, तु गैर-यहुदीसबके खातिर खिरिस्‍ट येसुके सुसमाचार सुनाइबला काम करैबखत जहलमे परलचियै।

फिलिप्‍पी 3:10

हम खिरिस्‍टके औरो निकसे चिन्‍हैले आ ओकरा जियाइबला सक्‍तीके अनुभव करैले चाहैचियै। ओकर जखा दुख सहैले आ मरैयोले इक्‍छा करैचियै,

लुका 9:26

महज जे हमरसे आ हमर बचनसे लाज मान्‍तै त मानबके बेटा आपन महिमामे आ परमेस्‍वर पिताके आ पबितर दुतगनके महिमामे आबैखिना ओकरसे लाज मान्‍तै।

२ तिमोथी 1:16

परभु ओनेसिफरसके घरानाके किरपा राखे, कथिलेत उ हमरा जतेक बेर भेटै ततेक बेर हौसला बरहाइत रहै। हमर हाथमे जंनजिर बान्‍हल छेलै तैयो उ लाज नै मानल्‍कै।

एफिसी 4:1

ओहैसे हम परभुके सेबा करैबला कैदी, तोरासबके बिन्‍ती करैचियौ, कि जे बोलाबटमे परमेस्‍वर तोरासबके बोलाइनेछौ तै अनुसारके जिबन बिता।

परकास 1:9

हम युहन्‍ना, खिरिस्‍टमे तोरासबके भैया चियौ। येसुमे बिस्‍बास करलाके कारन हम तोरासबसङे धिरज होके सहने चियै, जे दुख ओकर राजमे हैबलासबमे सेहो आबैछै। परमेस्‍वरके बचन आ येसु खिरिस्‍टके करल सतके बारेमे परचार करलाके कारन हमरा पत्‍मोस टपुमे कैद कैरके राखने छेलै।

यहुदा 1:24

तोरासबके पापमे परैसे बचाइले सकैबला आ आनन्‍दसाथ आपन महिमाके अगा तोरासबके निरदोस ठहराइले सकैबला परमेस्‍वरके परसन्‍सा हेबे।

१ पतरुस 1:5

तुसब बिस्‍बास करलाके कारन परमेस्‍वरके सक्‍तिसे सुरक्‍छित रहलचिही। उ मुक्‍ती तोरासबके खातिर तैयार करनेछौ जे अन्‍तिम समयमे परगट हेतौ।

२ तिमोथी 2:3

येसु खिरिस्‍टके असल सिपाही जखा हमरासबकेसङे दुख भोग।

१ थेसलोनिकी 3:4

कथिलेकी तोरासबसङे रहै बखत अपनासब सताबट पैबे कैहके बेर-बेर कहने छेलियौ। हमर कहल बात हाथ लाग्‍बे कैलौ, से बात थाहे छौ।

फिलिप्‍पी 1:7

तोरासबके हम आपन हिरदयमे राखनेचियौ। तोरासबके बारेमे अनङ करनाइ हमरा ठिक लाग्‍लै कथिलेकी हम जहलमे रहैबेर आ बाहरमे रहैबेर सुसमाचार परचार आ अकरा जोगाइबला काममे परमेस्‍वरके देल अनुगरहमे तुसब हमरसङे सहभागी भेलचिही।

एफिसी 3:13

अहै खातिर हम तोरासबके बिन्‍ती करैचियौ कि, हम तोरासबके खातिर जे कस्‍ट भोग्‍नेचियै उ देखके हार नै मान। यि त तोरासबके खातिर गौरबके बात चियौ।

रोमी 16:25

आब अपनासबके परमेस्‍वरके आदर आ सम्‍मान हेबे। हमर करल खिरिस्‍टके सुसमाचार परचारसे उ तोरासबके बिस्‍बासमे बलगर बनाइले सकलछै। येसु खिरिस्‍टके बारेमे हमर करल परचार, जे जुगो-जुगसे घोसाइरके राखल छेलै, आब परकट भेलछै।

१ युहन्‍ना 4:14

हमसब यि देख्‍ने चियै आ साक्‍छी दैचियै कि, परमेस्‍वर पिता सन्‍सारके मुक्‍ती दैबला हैकेलेल आपन बेटाके पठाइने छै।

२ तिमोथी 4:17

तैयो परभु हमरसङे रैहके हमरा सक्‍ती देल्‍कै। तहैले हम गैर-यहुदी लोकसबके परमेस्‍वरके सुसमाचार निकसे सुनाबे सकलियै। अहिनङे परभु हमरा सिंहके मुहसे बचेल्‍कै।

फिलिप्‍पी 4:13

खिरिस्‍टके देल सक्‍तीसे हम सबचिज करैले सकैचियै।

रोमी 9:33

खिरिस्‍टके बारेमे परमेस्‍वरके कहल बात पबितर धरमसास्‍तरमे अनङ लिखल छै, “देख, हम सियोनमे एकटा ठेस लागैबला पथल राखने चियै आ जैमे बहुतो लोक ठेसके खैसपरतै, महज ओकरमे बिस्‍बास करैबलासब लाजमे नै परतै।”

परेरित 5:41

तब येसुके नाममे अपमान सहैके योग्‍य चियै कैहके खुसी मनाइत उसब महासभामे गमलिएलके बात मानैत निकैलके गेलै।

परकास 19:10

तब हम ओकरा आराधना करैले ठेङहुनिया देलियै महज उ हमरा कहल्‍कै, “तु एहेन नै कर। हम त तोहर आ तोहर भाइ-भैयासबसङे येसुके गबाही दैबला परमेस्‍वरके सेबक मातरे चियै। परमेस्‍वरके मातरे आराधना कर। कथिलेत जे कोइ परभु येसु खिरिस्‍टके गबाही दैछै ओकरा परमेस्‍वरसे अगमबक्‍तासबके हौसला दैछै।”

परकास 1:2

युहन्‍ना आपनसे देखल सब बात लिख्‍नेछै। उ परमेस्‍वरके बचन आ येसु खिरिस्‍टके देख्‍याल सत बातके गबाही अइ किताबमे लिखनेछै।

१ कोरन्‍थी 1:6

अहिनङ खिरिस्‍टके बारेमे हमरासबके कहल बात सत चियै कैहके अहैसे परमेस्‍वर तोरासबमे परमानित करल्‍कौ।

युहन्‍ना 19:35

जे कोइ यि घटना देखल्‍कै से कोइ ओकर गबाही देनेछै आ ओकर गबाही सत छै। उ जानैछै कि उ सत बोलैछै ताकि तुसब बिस्‍बास कर।

कलस्‍सी 1:24

अखुन हम तोरासबके खातिर दुखो भोइगके खुसी चियौ कथिलेत खिरिस्‍टके देह अरथात मन्‍डलीके खातिर बाकी रहल दुख-कस्‍टसब हम आपन देहमे भोइगके पुरा करैचियौ।

एफिसी 4:17

अहै खातिर हम परभुके देल अधिकारसे तोरासबके जोर द्‍याके कहैचियौ, आबसे तोरासबके चालचलन परमेस्‍वरके नै चिन्‍हैबलासब जखा नै हेबे। कथिलेत ओइसबके सोच-बिचार बेकार छै।

२ कोरन्‍थी 6:7

सत खबर परचार कैरके परमेस्‍वरके सक्‍तीसे हमसब काम करैचियै। लराइ करैबला हाथ-हथियार देहना हाथमे आ आपनके रक्‍छा करैबला हाथ-हथियार बमा हाथमे बोकैचियै। उ एकेटा हाथ-हथियार धारमिकता चियै।

रोमी 8:36

पबितर धरमसास्‍तरमे एहेन लिखलछै, “अहाँके लेल त हमसब हरेक दिन मरैचियै। हमसब काटैके लेल तयार करल भेंरासब जखा चियै।”

युहन्‍ना 15:27

तुहुसब हमर बारेमे गबाही देब्‍ही, कथिलेकी तुसब सुरुवेसे हमरसङे चिही।”

१ तिमोथी 2:6

उ सबलोकके छुटकाराके मोल तिरैके लेल अपने-आप बलिदान भेलै। अइ बातके साक्‍छी परमेस्‍वर ठिक समयमे देल्‍कै।

कलस्‍सी 1:11

परमेस्‍वरके महिमीत सक्‍ती तोरासबके बलगर बनाबे कैहके हमरासबके परथना छै, तब मातरे तुसब अस्‍थिर भ्‍याके सब चिज आनन्‍दसे सहन करैले सकबिही।

२ तिमोथी 1:10

जे अनुगरह आब हमरासबके मुक्‍तीदाता येसु खिरिस्‍ट एलासे परकट भेल छै। परभु येसु मिरतुके नास कैरके सुसमाचारमे अजर-अमर जिबन परकट करने छै।

२ तिमोथी 2:8

मैरके जिबित भ्‍याल रजा दाउदके बंसके येसु खिरिस्‍टके याद कर। कथिलेत हमर परचार करल सुसमाचार एह्‍या चियै।