२ तिमोथी 1:14 - मध्‍य पुरविया थारू

¹⁴ तोहर जिम्‍मामे देल असल सिक्‍छाके अपनासबके भितरमे बास करैबला पबितर आत्‍माके सक्‍तिसे सुरक्‍छित राख।

२ तिमोथी 1:14 Referans Kwoze

युहन्‍ना 14:17

उ पबितर आत्‍मा चियै जे सब सत्‍यतामे अगुवाइ करैछै। जकरा सन्‍सार गरहन नै करे सकैछै कथिलेत सन्‍सार ओकरा नै देखैछै नै चिन्‍हैछै। महज तुसब ओकरा चिन्‍हैचिही कथिलेत उ तोरासबसङे-सङे रहतौ आ उ तोरासबमे बास करतौ।

रोमी 8:13

यदि तुसब पाप स्‍वभाबके इक्‍छा अनुसार चलबिही त, तुसब मरबिही। महज पबितर आत्‍माके सक्‍तीसे पाप स्‍वभाबके नास करबिही त, तुसब अनन्‍त जिबन पाबबिही।

१ तिमोथी 6:20

हौ तिमोथी, जे जिम्‍मा परमेस्‍वर तोरा देने छौ ओकरा निकसे देखभाल कर। परमेस्‍वरके अपमान हैबला मुरुख बातसबसे आ कतहेक लोक परमेस्‍वरके बिरोध करैबला बातके “ग्‍यान” कैहके मानने छै तै झुठ बातसबसे अलग रह।

२ तिमोथी 1:12

तब अहै खातिर हम दुख उठाइचियै। महज यि बातके खातिर हम लाज नै मानैचियै, कथिलेत हम ककर उपर बिस्‍बास करनेचियै से हम निकसे जानैचियै। हम जे कुछ परमेस्‍वरके सौपने चियै, उ आपन आबैबला दिनतक सुरक्‍छित राख्‍तै कैहके पुरा भरोसा छै।

१ कोरन्‍थी 3:16

तुसब परमेस्‍वरके मन्‍दिर चिही आ परमेस्‍वरके आत्‍मा तोरासबमे बास करैछौ, कि तुसब नै जानैचिही?

रोमी 8:9

यदि साँचोके परमेस्‍वरके आत्‍मा तोरासबमे बास करैछौ त, तुसब पाप स्‍वभाबके अधिनमे नै, महज पबितर आत्‍माके अधिनमे रहैचिही। यदि कोनो लोकमे खिरिस्‍टके आत्‍मा नै छै त, उ खिरिस्‍टके लोक हेबे नै करतै।

१ पतरुस 1:22

आब तुसब सतके माइनके आपन मन सुध कैरलेने चिही तहैलेल एक दोसर कोनो छलकपट नै कैरके भाइ-भैया आ दिदी-बहिन जखा परेम कर। हिरदयसे एक दोसरके परेम कर।

१ थेसलोनिकी 5:19

पबितर आत्‍माके कामके नै रोक।

२ तिमोथी 2:2

बहौतरा साक्‍छीसबके अगा जे बात तु हमर मुहसे सुनने चिही, से बात औरो लोकके सिखाइले सकैबला बिस्‍बास योग्‍य लोकसबके सोइप दहै।

१ तिमोथी 1:11

सत सिदान्‍त यि चियै, जे परमधन्‍य परमेस्‍वरके महिमीत सुसमाचार अनुसार छै जकरा सुनाबैके जिम्‍मा हमरा देलगेल छै।

एफिसी 5:18

अङगुरके मधसे नै मात कथिलेत ओइसे जिबन नास हैछै, महज पबितर आत्‍मासे भरपुर रह।

एफिसी 2:22

तु गैर-यहुदीसब सेहो ओकरमे औरो जनसबसङे उ घर बनैचिही, जते परमेस्‍वरके आत्‍मा बास करैछै।

१ कोरन्‍थी 9:17

यदि यि काम हम आपन इक्‍छासे करैचियै त, हम आपन इनाम पाबतियै। महज परमेस्‍वर हमरा यि कामके जिम्‍मेबारी देलाके कारनसे हम आपन करतब समैझके यि काम पुरा करैचियै।

कलस्‍सी 4:11

युस्‍तस कहाइबला येसु सेहो तोरासबके गोरलगी पठाइनेछौ। परमेस्‍वरके राज बरहाइले हमरसङे काम करैबला यहुदीमे एह्‍या तिन गोरा मातर चियै। बास्‍तममे यि सब हमरा बहौत साहस देनेछै।

गलाती 2:7

महज उसब देखल्‍कै कि, जनङ परमेस्‍वर हमरा गैर-यहुदीसबके बिचमे सुसमाचार सुनाइके लेल जिम्‍मा देनेछेलै, ठिक ओहिनङे यहुदीसबके बिचमे सुसमाचार सुनाइके लेल पतरुसके जिम्‍मा देने रहै।

२ कोरन्‍थी 5:16

अहैलेल आबसे हमसब ककरो लोकके दिरिस्‍टीसे नै देखब। हमसब खिरिस्‍टके एक समय लोकके दिरिस्‍टीसे देखै छेलियै महज आबसे ओकरा हमसब ओनङके नै देख्‍बै।

१ कोरन्‍थी 6:19

तोरासबके देह पबितर आत्‍माके मन्‍दिर चियौ, जे पबितर आत्‍मा तुसब परमेस्‍वरसे पाबनेचिही आ उ तोरासबमे बास करैछौ, से बात तोरासबके थाह नै छौ? तुसब स्‍वयम आपने नै चिही।

रोमी 8:11

यदि येसुके मरलसे जिबित करैबला परमेस्‍वरके पबितर आत्‍मा तोरासबमे बास करैछौ त, येसु खिरिस्‍टके मरलसे जिबित करैबला वह्‍या आत्‍मा तोरासबके नास हैबला देहके सेहो जिबन देतौ।

रोमी 3:2

हरेक तरहसे फाइदे फाइदा छै। सबसे पहिने परमेस्‍वर आपन बचन यहुदीसबके सौप देल्‍कै।

लुका 16:11

तै खातिर तुसब दुनियाके धनमे इमान्‍दार नै हेब्‍ही त, साँचोके धनके जिम्‍मा तोरासबके के देतौ?