२ तिमोथी 1:1 - मध्‍य पुरविया थारू

¹ हम पावल, परमेस्‍वरके इक्‍छासे येसु खिरिस्‍टमे चुनल परेरित चियै। येसु खिरिस्‍टमे भेल अनन्‍त जिबनके परतिग्‍या सुनाइके लेल परमेस्‍वर हमरा पठाइने छै।

२ तिमोथी 1:1 Referans Kwoze

हिबरु 9:15

ओहै कारनसे परमेस्‍वरके परतिग्‍या करल सबदिन रहैबला अनन्‍त उतराधिकारी पाबे कैहके उ बोलेल्‍हासबके लेल खिरिस्‍ट लया करारके मिलाप कराबैबला चियै, कथिलेत पहिन्‍का करारके समयमे लोकसबके करल पापसे छुटकरा दैले उ मरलै।

युहन्‍ना 17:3

अनन्‍त जिबन एह्‍या चियै कि, उसब अहाँ एक मातरे सत परमेस्‍वरके आ अहाँके पठाएल येसु खिरिस्‍ट चियै से जाने।

२ कोरन्‍थी 1:1

हम पावल, परमेस्‍वरके इक्‍छासे खिरिस्‍ट येसुके परेरित हैकेलेल बोल्‍याल आ अपनासबके भाइ तिमोथीसे सेहो, कोरिन्‍थ सहरमे रहल परमेस्‍वरके मन्‍डलीके आ अखैया परदेसके चारुदिसन रहैबला खिरिस्‍टके पबितर जनसबके यि चिठी लिखैचियौ।

युहन्‍ना 10:28

हम ओकरासबके अनन्‍त जिबन दैचियै, उसब कहियो नै नास हेतै आ कोइ नै ओकरासबके हमर हाथसे छिनके लजाबे सक्‍तै।

तितस 1:2

उ बिस्‍बास आ ग्‍यान अनन्‍त जिबन पाबैके आसमे अरल छै, यि जिबन कहियो झुठ नै बोलैबला परमेस्‍वर सन्‍सार सिरिस्‍टी हैसे पहिने अपनासबके दैले परतिग्‍या करने छेलै।

एफिसी 3:6

उ रहसके बात एह्‍या चियै कि, गैर-यहुदीयोसब सुसमाचारसे परमेस्‍वरके आसिस पाबैले सक्‍तै। उसब एक देहके अङसब आ खिरिस्‍ट येसुमे परमेस्‍वरके करल परतिग्‍याके साझेदार भेल छै।

युहन्‍ना 6:40

कथिलेत हमर पिताके इक्‍छा यि चियै, कि बेटाके ताकैबला आ ओकरा बिस्‍बास करैबला सबकोइ अनन्‍त जिबन पाबे। हम ओकरा अन्‍तके दिनमे मरलसे जिबित करबै।”

१ युहन्‍ना 2:25

उ अपनासबके एकटा परतिग्‍या करने छै, उ परतिग्‍या अनन्‍त जिबन चियै।

१ तिमोथी 6:19

एहेन कैरके उसब आपन लेल साँचोके धनसम्‍पती जम्‍मा करेसक्‍तै, जे धन आबैबला दिनके लेल ठोस जगके रुपमे काम लाग्‍तै। ताकि उसब उ जिबन पाबे जे जिबन सत जिबन चियै।

२ कोरन्‍थी 1:20

कथिलेकी परमेस्‍वरके सब परतिग्‍या येसु खिरिस्‍टमे “हँ” कैहके पुरा हैछै, अहैलेल ओकरसे परमेस्‍वरके महिमाके लेल हमसब “आमेन” कहैचियै।

१ कोरन्‍थी 1:1

हम पावल, परमेस्‍वरके इक्‍छासे खिरिस्‍ट येसुके परेरित हैकेलेल बोल्‍याल गेल चियै। हमरसङे अपनासबके भाइ सोस्‍थेनेसके तरफसे सेहो यि चिठी लिखैचियौ।

रोमी 6:23

कथिलेत पाप करैबलाके बैन मिरतु चियै, महज फोक्‍टेमे देल परमेस्‍वरके बरदान त अनन्‍त जिबन चियै जे अपनासबके परभु येसु खिरिस्‍टमे देनेछै।

रोमी 5:21

पहिने पापके सक्‍ती सब लोकसबके पाप करैले लगेल्‍कै आ मरलै। आब परमेस्‍वरके दयासे हमसब ओकर अगा धरमी ठहरैचियै आ अपनासबके परभु येसु खिरिस्‍ट दुवारा अनन्‍त जिबन पाबैछै।

रोमी 1:1

हम पावल, येसु खिरिस्‍टके दास, यि चिठी लिखैचियौ। परमेस्‍वर हमरा परेरित हैले बोलाइल्‍कै आ ओकर सुसमाचार परचार करैले अलग करने छै।

युहन्‍ना 6:54

जे हमर देह खेतै आ लहु पितै ओकरसङे अनन्‍त जिबन रहतै आ अन्‍तके दिनमे हम ओकरा जियाइबै।

युहन्‍ना 5:24

“हम साँचोके तोरासबके कहैचियौ, जे हमर बचन सुनैछै आ हमरा पठाइबलाके उपर बिस्‍बास करैछै, ओकरसङे अनन्‍त जिबन छै। उ नियाइमे नै परतै, महज मिरतुसे पार भ्‍याके उ जिबनमे परबेस करने छै।

गलाती 3:26

कथिलेत बिस्‍बाससे येसु खिरिस्‍टमे तुसब परमेस्‍वरके सन्‍तान भेलचिही।

गलाती 3:28

आबसे नै त यहुदी, नै त गैर-यहुदी, नै दास, नै स्‍वतन्‍तर, नै पुरुख, नै जनी छै, कथिलेत तुसब खिरिस्‍ट येसुमे सबकोइ एक चियै।

२ तिमोथी 1:9

परमेस्‍वरे हमरौरके बचेल्‍कै आ आपन पबितर बोलाबटसे बोलाइल्‍कै। हमरौरके काम देखके नै, महज उ आपन इक्‍छा आ अनुगरहसे करने छै, जे उ खिरिस्‍ट येसुमे जुगो-जुग पहिनेसे हमरासबके देने छेलै।

२ तिमोथी 1:10

जे अनुगरह आब हमरासबके मुक्‍तीदाता येसु खिरिस्‍ट एलासे परकट भेल छै। परभु येसु मिरतुके नास कैरके सुसमाचारमे अजर-अमर जिबन परकट करने छै।

२ तिमोथी 1:13

खिरिस्‍ट येसुमे भेल बिस्‍बास आ परेममे अस्‍थिर रैहके हमरसे सिखल्‍हा असल सिक्‍छाके तु नमुना बैनके लोकसबके सिखा।

२ तिमोथी 2:1

हमर दुलरुवा बेटा तिमोथी, येसु खिरिस्‍टके अनुगरहसे बलगर हैत जो।

२ तिमोथी 2:3

येसु खिरिस्‍टके असल सिपाही जखा हमरासबकेसङे दुख भोग।

२ तिमोथी 2:10

तहैले परमेस्‍वरके चुनलहा लोकसबके खातिर हम सबचिज सहैचियै, ताकि ओहोसब येसु खिरिस्‍टके मुक्‍ती पाबे आ अनन्‍त महिमामे सहभागी हैलेसके।

२ तिमोथी 3:15

तु छोटेसे पबितर धरमसास्‍तरमे लिखल बचनसे परिचीत चिही। ओहै बातसबसे खिरिस्‍ट येसुमे बिस्‍बास कैरके मुक्‍ती पाबैले ग्‍यान दैछौ।

तितस 1:4

तितस, हमे तोरा यि चिठी लिखैचियौ। साँचोके तु हमर आपने बेटा जखा चिही कथिलेकी तोहर आ हमर बिस्‍बास एके चियौ। परमेस्‍वर पिता आ अपनासबके मुक्‍तीदैबला येसु खिरिस्‍ट तोरा अनुगरह आ सान्‍ती देबे।