२ थेसलोनिकी 3:6 - मध्‍य पुरविया थारू

⁶ भाइसब, अपनासबके परभु येसु खिरिस्‍टके नाउमे हमसब तोरासबके यि आग्‍या करैचियौ कि, जे बिस्‍बासी लोकसब हमरासबके देल सिक्‍छा अनुसार नै चलैछै आ कोढिया छै ओकरासबके सङहतसे दुरे रह।

२ थेसलोनिकी 3:6 Referans Kwoze

२ थेसलोनिकी 3:7

कथिलेकी कनङके हमरासबके देखासिखी करैके चाही से तुसब जान्‍बे करैचिही। हमसब तोरासबसङे रहलियौ त कोढिया भ्‍याके नै रहलियौ।

रोमी 16:17

हे हमर भाइ-भैयासब, हम तोरासबके बिन्‍ती करैचियौ कि, तोरासबके सिख्‍याल सिक्‍छाके बिपरित सिखाइबला लोकसबसे होसियार रह। यि तोरासबके फुट करेतौ आ बिस्‍बाससे बहकेतौ। ओहन लोकसबसे दुरे रह।

१ थेसलोनिकी 5:14

देख हमर भाइ-भैयासब, कोढिया लोकसबके चेताबनी दहै, हरेस खाल लोकसबके साहस दहै, कमजोर लोकसबके मदत कर आ सबगोरासे सैहके रह कहैके हमसब तोरासबके बिन्‍ती करैचियौ।

२ थेसलोनिकी 2:15

तहै खातिर भाइ-भैयासब, आपन बिस्‍बासमे अस्‍थिर भ्‍याके रह, उ चाहे बोलि-बचनसे हेबे, चाहे लिखल चिठीसे हेबे, तुसब जे सिक्‍छा पाबनेचिही ओकरा पकरने रह।

१ थेसलोनिकी 4:1

अन्‍तमे हमर भाइ-भैयासब परमेस्‍वरके मनपरैबला जिबन कनङके जियैछै से हमसब तोरासबके सिखेलियौ ओहिनङके फेनु तुसब जियैचिही। तोरासबके जिबन औरो बहौत असल हेबे कैहके परभु येसुके नाममे हमसब तोरासबके बिन्‍ती करैचियौ।

कलस्‍सी 3:17

तुसब किछो कहबिही तैयो, किछो करबिही तैयो सब बात परभु येसुके नाममे कर तब ओकरेसे परमेस्‍वर पिताके धन्‍यबाद चरहा।

२ तिमोथी 3:5

उसब भक्‍ती करैबला रुप धारन त करैछै महज भक्‍तीके भितरी सक्‍तीके सुइकार नै करैछै। एहेन लोकसबसे दुरे रह।

१ थेसलोनिकी 4:11

हमसब तोरासबके कहने छेलियौ तहै बमौजी सान्‍तीमे जिबन बिताबैके लक्‍छ राख, आपन आपन काममे लागल रह आ आपने हाथसे कमाइले बेसी से बेसी कोसिस कर।

१ कोरन्‍थी 11:2

हम तोरासबके परसन्‍सा करैचियौ, कथिलेत तुसब सब बातसबमे हमरा याद करैचिही आ हम तोरासबके देल सिक्‍छासब पालन करैचिही।

एफिसी 4:17

अहै खातिर हम परभुके देल अधिकारसे तोरासबके जोर द्‍याके कहैचियौ, आबसे तोरासबके चालचलन परमेस्‍वरके नै चिन्‍हैबलासब जखा नै हेबे। कथिलेत ओइसबके सोच-बिचार बेकार छै।

१ कोरन्‍थी 5:4

जब तुसब अपनासबके परभु येसुके नाममे भेला हैचिही त हमर आत्‍मा तोरेसबसङे रहैछौ आ परभु येसुके सक्‍तीयो ओतै रहैछै।

मतीके लिखल सुसमाचार 18:17

यदी उ ओकरोसबके बात नै सुन्‍तौ त, तकर जानकरी मन्‍डलीमे दहै। उ मन्‍डलीयोके बात नै सुन्‍तौ त, ओकरा गैर-यहुदी आ बटी उठाइबलासबके जखा समझ।

२ तिमोथी 4:1

परमेस्‍वर आ खिरिस्‍ट येसुके अगा, जे आपन राज अस्‍थापना करैले एतै आ उ जियल आ मरल सबके नियाय करतै, तै बातके धियानमे राइखके हम तोरा करा आग्‍या दैत कहैचियौ कि

१ तिमोथी 6:5

एहेन लोकसबके बिचमे सबदिन झगरा हैछै। ओइसबके मति भरस्‍ट भेल रहैछै। उसब सत बातसबसे दुर भेल रहैछै आ परमेस्‍वरके भक्‍ति करैबला काम धनिक हैकेलेल चियै कैहके बिचार करैछै।

२ कोरन्‍थी 2:10

जकरा तुसब छमा करबिही, तकरा हम्‍हु छमा करबै। यदि हम ककरो कोनो बिसयमे छमा करनेचियै त तोरेसबके हितके खातिर खिरिस्‍टके उपस्‍थितीमे छमा करनेचियै,

१ तिमोथी 5:21

हम तोरा परमेस्‍वर, खिरिस्‍ट येसु आ चुनलगेल स्‍वरगदुतके अगा करा आग्‍या द्‍याके यि कहैचियौ कि भेदभाव बिना यि नियमसब पालन कर। पक्‍छपात कैरके कोनो काम नै कर।

१ कोरन्‍थी 5:9

हम तोरासबके बेबिचार करैबला लोकसबके सङहत नै कर कैहके चिठीमे लिखने छेलियौ।

२ युहन्‍ना 1:10

यदि कोनो लोक तोरासबलग आइबके एहैन सिक्‍छा नै सिखाइछौ त ओइसबके देहरीयोमे टपैले नै दहै आ गोरलगीयो नै कर।