२ थेसलोनिकी 2:2 - मध्‍य पुरविया थारू

² अपनासबके परभु आबैबला दिन भेलौ कहतौ त तुसब नै घबरा आ भरममे नै पर। ओइ दिनके बिसयमे कोइ अगमबानीसे, कोइ बोलिसे आ कोइ-कोइ हमरेसब जखा लिखल चिठीसे भरममे पारैले खोज्‍तौ तैयो बिस्‍बास नै करिहे।

२ थेसलोनिकी 2:2 Referans Kwoze

मरकुस 13:7

जब तुसब लराइ-झगरासबके हल्‍ला सुनबिही तब ओइ बखत नै डेरा। कथिलेत पहिने यि घटनासब हेबैये परतै महज अन्‍त तखुन्‍ते नै हेतौ।

२ थेसलोनिकी 3:17

हम पावल आपने हाथसे गोरलगी लिखके पठाइचियौ। हमर सब चिठीके चिन्‍हैबला चेन्‍हा इहे चियौ। हम अहिनङेके लिखैचियै।

लुका 21:9

जब तुसब बरका लराइ, झगरा आ मारकाटके बातसब सुनबिही तैयो तुसब नै घबराइहे, कथिलेत पहिने यि घटनासब हेबैये परतै, महज अन्‍त तुरन्‍ते नै हेतौ।”

१ थेसलोनिकी 4:15

परभुके कहल बचन अनुसारे त तोरासबके कहैचियौ कि परभु फेनसे आबैबला दिनतक अपनासब जिबित भेल्‍हासब कोनोभी हालतमे मरलहा लोकसबसे अगा ओकरा नै भेटबै।

१ कोरन्‍थी 1:8

अपनासबके परभु येसु खिरिस्‍ट आबैबला दिनमे तुसब निरदोस रह कैहके उ तोरासबके आखिरतक बौकार बनाइतौ।

युहन्‍ना 14:1

येसु चेलासबके कहल्‍कै, “तोरासबके मन बेचैन नै हेबे। तुसब परमेस्‍वरमे बिस्‍बास करैचिही आ हमरोमे बिस्‍बास कर।

लुका 21:19

कथिलेत तोरासबके आपन धिरजके कारन जिबन मिल्‍तौ।”

मतीके लिखल सुसमाचार 24:24

कथिलेत झुठा खिरिस्‍ट आ झुठा अगमबक्‍तासब देखा परतौ। सम्‍भब त अचमके कामसब आ चेन्‍हासब देख्‍याके परमेस्‍वरके छानल लोकसबके बहकेतौ।

परकास 19:20

महज उ जानबर आ ओकर अगा अचमके चेन्‍हा देखाइबला झुठा अगमबक्‍ता दुनु पकराउमे परलै। एहैन अचमके कामसे झुठा अगमबक्‍ता ओइ जानबरके छाप लगाइबला आ मुरती पुजा करैबलासबके बहकाइने छेलै। दुनुके जिबिते आइगके धिधरामे फेक देल्‍कै।

१ थेसलोनिकी 3:3

ताकि कोइ दुख भेल बखतमे कोइ हतास नै हो कैहके हमरासबके इक्‍छाछै। सताबट त अपना बिस्‍बासीसबके जिबनमे अबस्‍य आबैछै से बात तोरासबके थाहे छौ।

एफिसी 5:6

कोइ नै बेरथके बात कैरके तोरासबके धोखा दैले पाबे। कथिलेत बेरथके बातसबके कारन परमेस्‍वरके दन्‍ड थेथरमे परैछै।

२ थेसलोनिकी 2:15

तहै खातिर भाइ-भैयासब, आपन बिस्‍बासमे अस्‍थिर भ्‍याके रह, उ चाहे बोलि-बचनसे हेबे, चाहे लिखल चिठीसे हेबे, तुसब जे सिक्‍छा पाबनेचिही ओकरा पकरने रह।

१ थेसलोनिकी 5:2

कथिलेकी परभुके आबैबला दिन त रातमे चोर एल जखा सुटुक्‍क दबर एतै कैहके तोरासबके एकदमसे थाहे छौ।

युहन्‍ना 14:27

“हम सान्‍ती तोरासबके छोइरदैचियौ, हम आपन सान्‍ती तोरासबके दैचियौ। सन्‍सारके देल जखा हम तोरासबके नै देबौ। तोरासबके मन बेचैन नै हेबे आ तुसब नै डरा।

१ कोरन्‍थी 7:26

हम अखुन्‍का दुखके बिचार करैचियै त, जे जहिनङ अबस्‍थामे छै, उ तहिनङे अबस्‍थामे रहतै त निक हेतै।

१ कोरन्‍थी 14:32

अगमबक्‍तासबके आत्‍मा अगमबक्‍तेसबके अधिनमे रहैछै।