२ थेसलोनिकी 1:4 - मध्‍य पुरविया थारू

⁴ अहै खातिर सब परकारके सताबट आ कस्‍ट सैहरहल साहस देखके अस्‍थिर आ बिस्‍बासके बारेमे मन्‍डलीके बिचमे हमसब गौरब करैचियै।

२ थेसलोनिकी 1:4 Referans Kwoze

हिबरु 10:36

परमेस्‍वरके इक्‍छा पुरा करनाइ आ ओकर परतिग्‍या करल बात पाबैके लेल तोरासबके अस्‍थिर रहैये परतौ

१ थेसलोनिकी 2:14

यि बात हमरासबके थाहछै भाइ-भैयासब कथिलेकी तोरासबके जे समस्‍या भेलौ उ समस्‍या यहुदियामे रहल परमेस्‍वरके मन्‍डली अरथात खिरिस्‍ट येसुमे बिस्‍बास करैबला लोकसबके भेलै। उसब आपन जाती यहुदीसे जनङ सताबट पाबल्‍कै तहिने तुहुसब आपने जातीके लोकसबसे सताबट पाबनेचिही।

१ थेसलोनिकी 2:19

जब अपनासबके परभु येसु एतै, ओइ बखत ओकर अगा अपनासबके आसा, आनन्‍द आ घमन्‍डके मुकुटमे गर्‌भ करैबला कथी हेतै? कि यि तुहेसब नै चिही त?

१ थेसलोनिकी 1:3

बिस्‍बाससे करल तोरासबके काम, परेमसे करल तोरासबके मेहनत आ आपन परभु येसु खिरिस्‍टके आसामे करल तोहरसबके सहनसिलता हमसब परमेस्‍वर आ पिताके अगा परथनामे हरदम सम्‍झैत रहैचियौ।

२ कोरन्‍थी 7:14

तितसके अगा हम तोरासबके बारेमे गर्‌भ करनेछेलियै, ओइमे हमरा कोनो लाज नै भेलै। जनङ हमसब तोरासबके कहल बात सत छेलै, ओहिनङे तितसके अगा हमरासबके करल गर्‌भ सेहो सत ठहरलै।

परकास 14:12

अकर मतलब परमेस्‍वरके आग्‍यापालन करैबला आ येसुमे बिस्‍बास करैबला परमेस्‍वरके जनसब धिरज करेपरतै।

१ कोरन्‍थी 7:17

चाहे जे हेबे, परभु जकरा जनङके खटाइनेछौ आ जे बरदान देनेछौ, उ तहिनङके जिबन बिताबे। सब मन्‍डलीसबके लेल हमर नियम एह्‍या चियै।

२ पतरुस 1:6

ग्‍यानमे आत्‍मसंयम, आत्‍मसंयममे धिरज, धिरजमे भक्‍ति,

याकुब 5:11

धिरज करैबला लोक आसिस पाबैछै से बात हमसब जानैचियै। अय्‍युब धिरज राखल्‍कै आ परभु ओकरा दया आ किरपा देखाइल्‍कै से बात ओकर जिबनमे अस्‍पस्‍ट देखापरैछै।

हिबरु 6:15

तब अबराहम धिरज कैरके असियेलै आ परमेस्‍वरके परतिग्‍या करल आसिस पाबल्‍कै।

२ थेसलोनिकी 3:5

तोरासबके हिरदय परमेस्‍वरके परेमके बुझैले आ खिरिस्‍टके जखा सहैबला सक्‍ती परभु देबे।

२ कोरन्‍थी 9:4

यदि माकेडोनियाके कोनो लोक हमरसङे तोरासबलग एतौ आ तोरासबके भेटी दैले तयार भेल नै देख्‍तौ त हमसब लाजेसे मैर जेबै आ तुहुसब लाजेसे मरबिही कथिलेत हमसब तोरासबमे एकदम भरोसा राखने चियौ।

२ कोरन्‍थी 9:2

कथिलेत तुसब सहायता करैके लेल एकदमसे तयार चिही से हम जानैचियै। हम तोरासबके बारेमे माकेडोनिया परदेसके लोकसबके गर्‌भ कैरके कहलियै कि पौरकेसे तु अखैया परदेसमे भेल लोकसब भेटी दैकेलेल तयार चिही। तुसब उत्‍साहित भेलाके कारन उसब सेहो औरो बेसि उत्‍साहित भेलछै।

रोमी 12:12

आपन आसामे आनन्‍द कर, दुख-कस्‍टमे धिरज कर आ निरन्‍तर परथना करैतरह।

रोमी 8:25

यदि अपनासब नै देखलहा चिजके आसा करैचियै त, धिरजसे अपनासब ओहै चिजके लेल असियाल रहैचियै।

रोमी 2:7

जे लोकसब निरन्‍तर भलाइके काम कैरके आदर, इज्‍जत आ अनन्‍त जिबनके खोजी करैछै, ओइसबके परमेस्‍वर अनन्‍त जिबन देतै।

२ कोरन्‍थी 7:4

तोरासबमे हमरा पुरा भरोसा छै। हम तोरासबमे एकदमे गर्‌भ करैचियौ। हम तोरासबसे पुरा रुपमे उत्‍साह पाबने चियौ आ कस्‍टोसबमे हम बहुत आनन्‍दित चियौ।

२ कोरन्‍थी 12:10

ओहैसे खिरिस्‍टके खातिर कमजोरीमे, बदनामीमे, कठिनाइमे, सताबटमे, आपत-बिपतमे हम सन्‍तुस्‍ट चियै। कथिलेकी जब हम कमजोर हैचियै, तब हम सक्‍तिसाली हैचियै।

हिबरु 6:12

तुसब कोढिया नै बन, महज एहैन लोक जखा बन, जे बिस्‍बास आ धिरजसे परतिग्‍या करल चिज पाबैछै।