२ पतरुस 3:7 - मध्‍य पुरविया थारू

⁷ महज ओह्‍या बचनसे नियाय हैबला दिनतकके लेल अकास आ पिरथिबीके आइगसे नास करैके लेल बचाके राखनेछै। अकरा वहे दिनके लेल राखनेछै जहिया अधरमी लोकसबके नियाय हेतै आ ओकरासबके नास करलजेतै।

२ पतरुस 3:7 Referans Kwoze

२ पतरुस 3:10

महज परभुके नियाय करैबला दिन चोर एल जखा अनचेकेमे एतै। ओइ दिन सब अकास-मन्‍डल बरका अबाज कैरके बिलाजेतै, सुरुज, चान आ तरासब जैरके भस्‍म हेतै। पिरथिबी आ ओइमे भेल सब चिज नास हेतै।

२ पतरुस 3:12

तुसब परमेस्‍वरके नियाय करैबला दिनके बाट ताकैचिही, उ दिन झटसे आबे कैहके करैबला काम कर। उ दिन सारा अकास आइगसे भस्‍म हेतै आ ओते भेल सबचिज आइगके धाहसे गैलजेतै।

परकास 21:1

तकरबाद हम लया अकास आ लया पिरथिबी देखलियै, कथिलेत पहिन्‍का अकास आ पिरथिबी बितगेलै आ ओते कोनो समुन्‍दरो नै छेलै।

मतीके लिखल सुसमाचार 24:35

स्‍वरग आ पिरथिबी बित जेतै, महज हमर बचन रहबे करतै।

२ पतरुस 2:9

ओहिनङ परभु धरमी लोकसबके संकटसे बचाबैले आ अधरमी लोकसबके दन्‍ड दैले नियायके दिन तलिक राखैले जानैछै।

मतीके लिखल सुसमाचार 25:41

“तकरबाद उ आपन बमा कता भेल्‍हासबके कहतै, हे परमेस्‍वरसे सराप पाबलाहा लोकसब। हमरसे दुर चैल जो! सैतान आ ओकर दुतसबके लेल तैयार करल कहियो नै मुझाइबला आइगमे चैल जो।

परकास 20:11

तकरबाद हम एकटा बरका उजर सिंहासन आ ओइमे बैठैबलाके देखलियै। पिरथिबी आ अकास ओकर सामनेसे भाग्‍लै आ उसब फेनसे कहियो नै देखा परलै।

मतीके लिखल सुसमाचार 12:36

हम तोरासबके कहैचियौ, जे लोक बिना कामके बोल्‍तै, नियाइके दिनमे तकरासे एक-एक कैरके लेखा देबेपरतै।

यहुदा 1:7

तहिनङे सदोम, गमोरा आ ओकर कातकरौतके सहरके लोकसब एक एक कैरके दोसर घिनौना बेबिचारके काम करे लाग्‍लै। उसब आइगमे नास भ्‍याके कहियो नै बुताइबला आइगके दन्‍ड पाबैबलासबके लेल उदाहरन बन्‍लै।

१ तिमोथी 6:9

महज धनिक हैले चाहैबला परिक्‍छामे परैछै। उ बेरथ आ खराब इक्‍छासबमे फैस जाइछै। ओहे खराब इक्‍छा ओकरा दुख आ बिनासमे लजाइछै।

फिलिप्‍पी 1:28

तुसब बिरोध करैबलासबसे नै डरा। यि ओइसबके बिनास हेतै कैहके एकटा चेन्‍हा चियै महज तोरासबके उधार हेतौ जे उधार परमेस्‍वरसे आबैछौ।

१ युहन्‍ना 4:17

अहिनङे अपनासबके परेम सिध हैतजेतै आ नियाइके दिनमे अपनासबके डराबे नै परतै, कथिलेकी खिरिस्‍ट जहैनछै, तहिनङे अपनोसब यि सन्‍सारमे चियै।

२ थेसलोनिकी 2:3

महज तोरासबके कोइयो नै कोनो परकारसे धोखा देबे। कथिलेत परमेस्‍वरके बिरोधमे बहौत बरका बिरोध नै हेबे तलिक आ नास हैबला बेबस्‍था भङ करैबला लोक नै आबैतलिक परभुके दिन नै एतै।

रोमी 2:5

महज तु जिद्‍द कैरके पस्‍चाताप करैले नै चाहलिही। ओहैसे तु परमेस्‍वरके नियाय हैबला दिनमे बरका दन्‍डके लेल करोध समैटके राखनेचिही, जै दिनमे परमेस्‍वर ठिकसे नियाय करतै।

मरकुस 6:11

यदी कोनो ठाममे मान-दान नै हेतौ आ लोकसब तोरौरके बचन सुनैले इन्‍कार करतौ त ओइ ठामसे निकलैत खिना ओकरासबके बिरोधमे गबाहीके खातिर आपन टाङके गरदा झाइरदैहिये।”

मतीके लिखल सुसमाचार 11:24

महज हम तोरासबके कहैचियौ, नियायके दिनमे सदोमसे बेसी दसा तोरासबके हेतौ।”

मतीके लिखल सुसमाचार 11:22

महज हम तोरासबके कहैचियौ, नियाइके दिनमे टुरोस आ सिदोनके लोकसबके दुखसे बेसी तोरासबके दुख बेसी हेतौ।

मतीके लिखल सुसमाचार 10:15

साँचोके, हम तोरासबके कहैचियौ, नियाइके दिनमे ओइ सहरके दसासे बरु सदोम आ गमोराके दुख सहे जोकरके हेतै।

परकास 17:11

उ जानबर, जे पहिने जिबित छेलै महज अखुन मरलछै, उ आठम रजा चियै। सातममेसे एक चियै महज ओकर नास हेतै।

परकास 17:8

तु जे जानबर देखलिही उ एक समयमे जिबित छेलै महज अखुन मरल छै। उ गैहर खाइदसे बाहर निकैलके एतै आ नासमे जेतै। सन्‍सारके सिरिस्‍टी हैसे पहिने जकर नाम जिबनके किताबमे लिखल नै छै, उसब उ जानबरके देखके छक परतै, कथिलेत एक समयमे उ जिबित छेलै अखुन मरल छै। महज उ पाछे फेरसे जिबित हेतै।

युहन्‍ना 12:48

जे हमरा आ हमर बचनके इन्‍कार करैछै तकरा नियाय करैबला एकगोरा छै। हमर बोलल बचनेसे अन्‍तके दिनमे ओइसबके उ नियाय कैरदेतै।

१ कोरन्‍थी 3:13

महज नियाइके दिनमे परमेस्‍वर सबकोइके काम परकट करतै आ उसबके करल काम केहेन छै कैहके आइगसे जाँचल जेतै।

हिबरु 12:29

कथिलेकी अपनासबके परमेस्‍वर त भसम करैबला आइग चियै।