२ पतरुस 3:18 - मध्‍य पुरविया थारू

¹⁸ महज अपनासबके परभु आ मुक्‍ती दैबला येसु खिरिस्‍टके अनुगरह आ ग्‍यानमे बरहैत जो। ओकर महिमा अखैन आ सबदिन हेबे। आमेन।

२ पतरुस 3:18 Referans Kwoze

कलस्‍सी 1:10

तब तुसब परभुके मनपरैबला जिबन बिताके ओकरा खुसी करैले सकबिही। सब असल काममे तुसब फल फराइत परमेस्‍वरके ग्‍यानमे बैढते जेब्‍ही।

एफिसी 4:15

बरु परेमसे सत बाइजके सब बातमे अपनासब खिरिस्‍टे जखा हेब्‍ही, कथिलेत वह्‍या अपनासबके सिर चियौ।

१ पतरुस 2:2

भरखरे जलमल बच्‍चासब दुधके चाहना करल जखा तुहुसब सुध आत्‍मिक बचनके लेल पियासल रह। वेहन करैत जेब्‍ही त तुसब मुक्‍तीमे बरहैत जेब्‍ही।

फिलिप्‍पी 3:8

साँचोके कहबै त, खिरिस्‍ट येसु हमर परभुके चिन्‍हैले पाबैबला अनमोल बातके तुलनामे औरो सब बातके हम बेकार सम्‍झैचियै। खिरिस्‍टके पाबैले सकी कैहके ओकरलेल हम सबबातके नोक्‍सानी भोगने चियै आ सब चिजके मैला सम्‍झैचियै,

एफिसी 1:17

हम अपनासबके परभु येसु खिरिस्‍टके महिमाके पिता, परमेस्‍वरके यि परथना करैचियै कि उ तोरासबके बुइध आ परकासके आत्‍मा देबे ताकी तुसब ओकरा असलसे चिन्‍हैले सके।

कलस्‍सी 3:10

आब त तुसब लया स्‍वभाब धारन करनेचिही। तुसब परमेस्‍वरके पुरा ग्‍यान पाबैले सक कैहके सिरिस्‍टीकरता आपन स्‍वरुपमे तोरासबके लया बन्‍यारहलछौ।

२ पतरुस 1:3

आपन महिमा आ भलाइसे अपनासबके बोलाइबलाके हमसब जानैके कारन परमेस्‍वरके इस्‍वरीय सक्‍तिसे जिबन आ भक्‍तीके लेल अपनासबके आवसेक परल सब चिज परमेस्‍वर देनेछै।

२ कोरन्‍थी 4:6

“अन्‍हारमे इजोत चम्‍के” कहैबला परमेस्‍वरे हमरासबके हिरदयमे इजोत चमकाइनेछै। अहैलेल परमेस्‍वरके महिमा महान चियै कैहके हमसब जानैचियै। साँचोके उ महिमामय ग्‍यानके इजोत खिरिस्‍टके चेहरामेछै।

२ तिमोथी 4:18

हँ, परभु हमरा सब परकारके खराबिसबसे बचेतै। उ हमरा बच्‍याके आपन स्‍वरगिय राजमे ल्‍याजेतै। ओकर गुनगान जुगो-जुग तलिक हैतरहे। आमेन।

युहन्‍ना 17:3

अनन्‍त जिबन एह्‍या चियै कि, उसब अहाँ एक मातरे सत परमेस्‍वरके आ अहाँके पठाएल येसु खिरिस्‍ट चियै से जाने।

२ थेसलोनिकी 1:3

भाइ-भैयासब, तोरासबके खातिर हरदम परमेस्‍वरके धन्‍यबाद देनाइ जरुरी छै। यि फेर योग्‍यकेभी चियै, कथिलेत तोरासबके बिस्‍बास परसस्‍त बरहैत ज्‍यारहलछौ आ तोरासबके परेम एक-दोसरमे बैढरहल छौ।

रोमी 11:36

कथिलेत सब चिज ओकरे सिरिस्‍टी चियै आ ओकरेसे बनलछै आ ओकरे लेल बन्‍याल छै। ओकर महिमा सबदिन हैतरहे! आमेन।

परकास 1:6

उ अपनासबके राज अरथात आपन परमेस्‍वर आ पिताके सेबा करैके लेल पुजारी बनाइनेछै। येसु खिरिस्‍टके महिमा आ सक्‍ती सबदिन रहे। आमेन!

यहुदा 1:25

अपनासबके परभु येसु खिरिस्‍ट दुवारा, अपनासबके मुक्‍ती दैबला एक मातरे परमेस्‍वरके सब आदर, महिमा, सक्‍ती आ अधिकार जुगो-जुग तलिक हैतरहे। आमेन।

२ पतरुस 1:11

तब अपनासबके परभु आ मुक्‍ती दैबला येसु खिरिस्‍टके अनन्‍त राजमे तोरासबके धुम-धामसे स्‍वागत हेतौ।

२ पतरुस 2:20

महज उसब अपनासबके परभु आ मुक्‍तीदाता येसु खिरिस्‍टके चिन्‍हके सन्‍सारके घिनलागैबला बातसबसे छुटकरा पाबलाके बाद फेनसे पापमे परैछै त ओकरासबके दसा पहिनेसे औरो बेसी खराब हैछै।

२ पतरुस 1:8

यदि तोरासबमे यि गुनसब परसस्‍त कैरके बरहैत जेतौ त, अपनासबके परभु येसु खिरिस्‍टके ग्‍यानमे तुसब बहौत काम लागैबला आ फल फराइबला हेब्‍ही।

मतीके लिखल सुसमाचार 28:20

हम तोरासबके आग्‍या करल सब बात मानैले ओकरासबके सिखा। देख, हम युगके अन्‍ततक सबदिन तोरासबके सङे चियौ।”

मतीके लिखल सुसमाचार 6:13

हमरासबके पापमे फसाइबला बातसबसे दुर राखु आ दुस्‍टसे बचाबु। [कथिलेत राज, पराकरम आ महिमा जुगो-जुग तक अहैके चियै, आमेन।’]

युहन्‍ना 5:23

ताकि सबकोइ बेटाके आदर करे, जनङ उसब पिताके आदर करैछै। जे कोइ बेटाके आदर नै करैछै, उ लोक बेटाके पठाइबला पितोके आदर नै करैछै।

२ पतरुस 1:2

परमेस्‍वर आ अपनासबके परभु येसु खिरिस्‍टके ग्‍यानमे तुसब बरहैत जाइके कारन तोरासबके परसस्‍त रुपमे अनुगरह आ सान्‍ती मिले।