२ पतरुस 3:14 - मध्‍य पुरविया थारू

¹⁴ ओहैसे, हे हमर पिरिय सङिसब, ओइ दिनके आसमे रहैतकाल परमेस्‍वरके नजरमे सुध, निरदोस आ सान्‍तीमे रैहके जिबन जियैले कोसिस कर।

२ पतरुस 3:14 Referans Kwoze

१ थेसलोनिकी 5:23

अपनासबके सान्‍ती दैबला परमेस्‍वर आपनेसे हरतरहसे तोरासबके पबितर राखे आ अपनासबके परभु येसु खिरिस्‍ट नै आबैतक तोरासबके आत्‍मा, परान, देह निरदोस रहे से हमर आसा चियै।

१ थेसलोनिकी 3:13

ओकर परेमसे तोरासबके मन नै डगमगाबे ताकि जब अपनासबके परभु येसु जहिया आपन पबितर जन सङे एतै तै बखत आपन परमेस्‍वर आ पिताके सामने तुसब पबितर आ निरदोस पाबे से हमरासबके परथना चियै।

फिलिप्‍पी 1:10

ताकि तोरासबमे असल कथी चियै उ छुटयाबैले सक आ खिरिस्‍ट आबैबला दिनमे तुसब सुध आ निरदोस हैले सक।

१ कोरन्‍थी 15:58

तैखातिर हे हमर पिरिय भाइ-भैयासब, बिस्‍बासमे बलगर आ अस्‍थिर रह। तुसब परभुके काममे बरहैत जो, कथिलेत तुसब जानैचिही कि परभुमे तोरासबके मेहनत बेरथ नै हेतौ।

१ युहन्‍ना 3:3

खिरिस्‍टमे एहेन आस करैबला, उ आपनोके खिरिस्‍टे जखा पबितर कैरके राखैछै।

१ कोरन्‍थी 1:8

अपनासबके परभु येसु खिरिस्‍ट आबैबला दिनमे तुसब निरदोस रह कैहके उ तोरासबके आखिरतक बौकार बनाइतौ।

फिलिप्‍पी 2:15

अहिनङ तुसब पापी आ दुस्‍ट पुस्‍ताके बिचमे दाग नै भेल परमेस्‍वरके बेटा-बेटी जखा निरदोस आ सुध हेब्‍ही। जनङ तरासब अकासमे चमचम चम्‍कैछै, तहिनङे तुहुसब यि सन्‍सारमे ओइसबके बिचमे चम्‍कैले परतौ।

हिबरु 9:28

ओहिनङे बहुतो लोकके पाप छमाके लेल खिरिस्‍ट एकेबेर बली भेलै। उ दोसर बेर एतै त, ओइ बखत पाप छमाके लेल नै एतै, महज ओकरासबके मुक्‍तीके लेल एतै जेसब ओकर बाट ताकैत असियाल रहतै।

लुका 12:43

उ मुखिया धैनके हेतै, जब ओकर मालिक एतै तब ओकरा ओहिनङ काम करैत देखतै।

लुका 2:29

“हे परमपरभु, अहाँ आपन बचन अनुसार आब आपन सेबकके सान्‍तीसाथ सन्‍सारसे छुट्‍टी दियौ।

याकुब 1:27

परमेस्‍वर पिताके मनपरैबला साँचोके धरम-करम एह्‍या चियै दुखमे परल बिधुवा आ टुगर-टापरसबके देखभाल करनाइ आ सन्‍सारके अधलाह बातसे अलग रहनाइ चियै।

फिलिप्‍पी 3:20

महज हमसब त स्‍वरगके नागरिक चियै। मुक्‍ती दैबला हमरासबके परभु येसु खिरिस्‍ट स्‍वरगसे एतै कैहके हमसब ओकर बाट ताकैचियै।

मतीके लिखल सुसमाचार 24:26

यदी लोकसब तोरासबके ‘देख, उ सुनसान जगहमे छौ’ कैहके कहतौ त ओते नै जाइहे आ ‘देख, उ घर भितर छौ’ कैहके कहतौ त बिस्‍बास नै करिहे।

१ तिमोथी 6:14

आपनसबके परभु येसु खिरिस्‍ट नै आबैतक सुध मनसे ओकर आग्‍यापालन कर ताकि तोरा कोइयो नै दोस लगाबे।

१ पतरुस 1:7

नास हैबला सोनाके आइगमे खाइरके सुध करल जखा तोरासबके बिस्‍बास ओहौसे मुल्‍यबान छौ। अहै खातिर तोरासबके बिस्‍बास सच ठहरे आ येसु खिरिस्‍ट परगट हैबला दिनमे परसन्‍सा, महिमा आ आदरके योग्‍य बने।

२ पतरुस 3:1

हे हमर पिरियसब, यि तोरासबके लेल लिखल दोसर चिठी चियौ। यि दुनु चिठीमे कतहेक बात सम्‍झना कराके तोरासबके ठिकसे बिचार करैके लेल उत्‍साहित करैले कोसिस करनेचियौ।

२ पतरुस 3:16

पावल सब चिठीसबमे अहिनङे बातसब लिख्‍नेछै। ओकर लिखल चिठीसबमे कोनो-कोनो बातसब बुझैले कठिनाइ हैछै। बात नै जानैबला लोक आ चनचल लोकसब ओकरा उल्‍टा पुल्‍टा अरथ लगाबैछै। उसब पबितर धरमसास्‍तरके सेहो ओहिने अरथ लगाबैछै। ओहिनाइते उसब आपनेके नासमे पुगाबैछै।

मतीके लिखल सुसमाचार 25:7

कुमाइर कनियासब हबर-दबर उठलै आ आपन-आपन चिरखाके ठिकठाक करल्‍कै।