२ पतरुस 3:11 - मध्‍य पुरविया थारू

¹¹ यि सब चिज अनङ नास हेबे लागलछै त, तुसब केहेन लोक हैकेचाही? तोरासबके जिबन पबितर आ परमेस्‍वरमे समरपित हेबे परतौ।

२ पतरुस 3:11 Referans Kwoze

१ पतरुस 1:15

तोरासबके बोलाइबला परमेस्‍वर जनङ पबितर छौ तहिनङ तुहुसब सब रहन-सहनमे पबितर हो।

फिलिप्‍पी 1:27

मुख बात यह्‍या चियै कि तोरासबके चाल-चलन खिरिस्‍टके सुसमाचार अनुसार सोहाइबला हेबे। हम चाहे तोरासबके भेट-मुलकात करी, चाहे दुर रही तुसब एकेटा उदेस्‍य ल्‍याके अस्‍थिर चिही आ एकेटा मन भ्‍याके सुसमाचारके बिस्‍बासके लेल मेहनत कैररहल चिही कैहके हम सुनैले पाबी।

१ पतरुस 2:12

परमेस्‍वरमे बिस्‍बास नै करैबला लोकसबके बिचमे तोरासबके चालचलन निक हेबे। उसब तोरासबके खराब काम करैबला कैहके दोख लगाइतौ तैयो तोरासबके असल काम देखे आ परमेस्‍वर नियाय करैले आबैतखिना ओकर महिमा करे।

२ पतरुस 3:12

तुसब परमेस्‍वरके नियाय करैबला दिनके बाट ताकैचिही, उ दिन झटसे आबे कैहके करैबला काम कर। उ दिन सारा अकास आइगसे भस्‍म हेतै आ ओते भेल सबचिज आइगके धाहसे गैलजेतै।

१ तिमोथी 6:11

महज तु परमेस्‍वरके जन भेलाके कारन यि बातसबसे दुरे रहिहे। तु परमेस्‍वरके निक लागैबला धारमिक जिबन जिहे आ बिस्‍बास योग्‍य, परेम, धिरज आ नमरतामे आपन मन लगा।

याकुब 3:13

तोरासबमेसे बुधिमान आ बुझहैबला लोक के छै? उ आपन असल चालचलनसे बुइधके नमरतासे निक काम कैरके देखाबे।

फिलिप्‍पी 3:20

महज हमसब त स्‍वरगके नागरिक चियै। मुक्‍ती दैबला हमरासबके परभु येसु खिरिस्‍ट स्‍वरगसे एतै कैहके हमसब ओकर बाट ताकैचियै।

२ पतरुस 1:3

आपन महिमा आ भलाइसे अपनासबके बोलाइबलाके हमसब जानैके कारन परमेस्‍वरके इस्‍वरीय सक्‍तिसे जिबन आ भक्‍तीके लेल अपनासबके आवसेक परल सब चिज परमेस्‍वर देनेछै।

१ तिमोथी 6:3

यदी कोइ झुठ सिदान्‍त सिखाबैछै आ आपन परभु येसु खिरिस्‍टके देल साँचो सिक्‍छा आ परमेस्‍वरके भक्‍ति हैबला सिक्‍छामे सहमत नै हेतै त,

१ तिमोथी 4:12

जबान भेलाके कारन कोइ नै तोरा निच ठाने। बरु तु बोलि-बचनमे, चाल-चलनमे, परेममे, बिस्‍बास आ पबितरतामे बिस्‍बासीसबके अगा एकटा नमुना बन।

मतीके लिखल सुसमाचार 8:27

यि देखके चेलासब छक्‍क परलै आ कहल्‍कै, “यि केहन लोक छै? अन्‍हर-बिहाइर आ झोहोसबके आग्‍या करैछै त माइन जाइछै।”

याकुब 1:24

उ ऐनामे जाबे तलिक ताकैतरहैछै ताबे तलिक आपन मुह देखैछै, ताकैले छोइर दैछै त हम केहेन छेलियै सोहो तुरन्‍त बिसैर जाइछै।

१ तिमोथी 3:16

परमेस्‍वरके परकट करल सत्‍यके सन्‍देस अचमके चियै आ अकरा कोइ नै इन्‍कार करे सक्‍तै। खिरिस्‍ट मानब बैनके परगट भेलै आ पबितर आत्‍मासे धरमी ठहरल गेलै। स्‍वरगदुतसब ओकरा देखल्‍कै आ जाती-जातीके बिचमे ओकर बारेमे परचार भेलै। सन्‍सारमे लोकसब ओकरा बिस्‍बास करल्‍कै आ उ महिमाके सङे स्‍वरगमे उठ्‍यालगेलै।

१ थेसलोनिकी 1:5

कथिलेकी जे सुसमाचार हमसब सुनेलियै उ सब्‍द मातरे नै महज सक्‍तीके साथ, पबितर आत्‍माके साथ आ पुरे निस्‍चयताके साथ एलै। जखन हमसब तोरासबके सङे रहलियै त केहेन चालचलनके जिबन जिलियै से तोरासबके थाहे छौ।

१ तिमोथी 6:6

बास्‍तबिक्‍ता त यि चियै कि सन्‍तोस कैरके परमेस्‍वरके भक्‍ति करनाइ सबसे बरका धन चियै।

२ पतरुस 1:6

ग्‍यानमे आत्‍मसंयम, आत्‍मसंयममे धिरज, धिरजमे भक्‍ति,

हिबरु 13:5

तुसब आपन जिबनके रुपैया पैसाके मोहसे दुर राख। तोरासबसङे जे छौ ओहैमे सन्‍तोख कर, कथिलेकी परमेस्‍वर कहनेछै, “हम तोरा कोनो हालतमे नै छोरबौ, हम तोरा कोनो हालतमे नै त्‍यागबौ।”

२ कोरन्‍थी 1:12

अइ बातमे हमसब गर्‌भ करैचियै आ हमरासबके बिबेक सेहो साक्‍छी दैछै कि, अइ सन्‍सारमे बिसेस कैरके ओइसबसङे समबन्‍धमे हमसब इमान्‍दार आ परमेस्‍वरमे पबितर जिबन बितेलियै। यि हमसब सन्‍सारके ग्‍यानसे नै महज परमेस्‍वरके अनुगरहसे पाबनेचियै।

रोमी 13:11

अपनासब कतहेक महत्‍व दैबला समयमे एलचियै से बात बुइझके यि सब बातमे धियान दैलेपरतै। आब अपनासबके निनसे जागैके समय एलछै कथिलेत बिस्‍बास करल पहिन्‍का दिनसे बेसी अखुन मुक्‍ती पाबैबला समय नजदिक एलछै।

रोमी 13:12

रात बितगेलै आ दिन नजदिक आइबगेल छै। तैल्‍याके अपनासब अन्‍हारमे करैबला खराब काम छोइरके इजोतमे करैबला असल काम करैले तैयार रह।

२ पतरुस 3:10

महज परभुके नियाय करैबला दिन चोर एल जखा अनचेकेमे एतै। ओइ दिन सब अकास-मन्‍डल बरका अबाज कैरके बिलाजेतै, सुरुज, चान आ तरासब जैरके भस्‍म हेतै। पिरथिबी आ ओइमे भेल सब चिज नास हेतै।