२ कोरन्‍थी 9:2 - मध्‍य पुरविया थारू

² कथिलेत तुसब सहायता करैके लेल एकदमसे तयार चिही से हम जानैचियै। हम तोरासबके बारेमे माकेडोनिया परदेसके लोकसबके गर्‌भ कैरके कहलियै कि पौरकेसे तु अखैया परदेसमे भेल लोकसब भेटी दैकेलेल तयार चिही। तुसब उत्‍साहित भेलाके कारन उसब सेहो औरो बेसि उत्‍साहित भेलछै।

२ कोरन्‍थी 9:2 Referans Kwoze

२ कोरन्‍थी 8:10

अइ बिसयमे हम तोरासबके यि सल्‍लाह दैचियौ, एक बरिस पहिने जे काम तुसब सुरु करने मातरे नै, महज उ करैले उतकट इक्‍छा सेहो करने छेल्‍ही, आब ओइके पुरा करनाइ तोरासबके लेल असल हेतौ।

२ कोरन्‍थी 8:8

हम यि आग्‍याके रुपमे नै महज औरोसबके जोससङे तुलना कैरके तोरासबके परेम साँचो चियौ कैहके परमानित करैके लेल हम यि कहलियौ।

२ कोरन्‍थी 8:24

तुसब आपन परेमके परमान ओइसबके दहै आ हमसब कथिले तोरासबके बारेमे गर्‌भ करैचियै से बात मन्‍डलीसब देखे।

हिबरु 10:24

अपनासब एक-दोसरके परेम आ असल कामके लेल कनङके उत्‍साह दैले सक्‍बै ओइ बातमे धियान दैले परतौ।

१ कोरन्‍थी 16:15

भाइसब तोरासबके थाहे छौ, कि स्‍तिफनासके परिबार अखैयामे बिस्‍बास करैबलासबमेसे पहिल्‍का चियै। उसब परमेस्‍वरके जनसबके सेबामे अपनाके अरपन करने छै।

१ थेसलोनिकी 1:7

तकर परिनाम यि भेलै कि तुसब माकेडोनिया आ अखैया परदेसमे भेल सब बिस्‍बासीके लेल एक नमुना बैन गेलचिही।

२ कोरन्‍थी 8:19

अतबे नै, अकरा जम्‍मा करल पैसा पुगाबैबला काममे हमरासबसङे जाइले मन्‍डलीसे छान्‍नेछै। यि काम हमसब परभुके महिमाके लेल आ हमरासबमे लोकसबके मदत करैबला मन छै से देखाइले करनेचियै।

२ कोरन्‍थी 7:4

तोरासबमे हमरा पुरा भरोसा छै। हम तोरासबमे एकदमे गर्‌भ करैचियौ। हम तोरासबसे पुरा रुपमे उत्‍साह पाबने चियौ आ कस्‍टोसबमे हम बहुत आनन्‍दित चियौ।

२ कोरन्‍थी 1:1

हम पावल, परमेस्‍वरके इक्‍छासे खिरिस्‍ट येसुके परेरित हैकेलेल बोल्‍याल आ अपनासबके भाइ तिमोथीसे सेहो, कोरिन्‍थ सहरमे रहल परमेस्‍वरके मन्‍डलीके आ अखैया परदेसके चारुदिसन रहैबला खिरिस्‍टके पबितर जनसबके यि चिठी लिखैचियौ।

परेरित 18:12

जब अखैया इलाकाके गलियोन नामके लोक बडा-हाकिम रहै बखत यहुदीसब एकमत भ्‍याके पावलके बिरोध करैत ओकरा पकैरके बडा-हाकिम लग लज्‍याके कहल्‍कै,

परेरित 24:17

“बहुत बरिस बितलाकेबाद हम आपन जातीके भाइ-भैयारीसबके दान आ परमेस्‍वरके भेटी चरहाबैके लेल यरुसलेम एल छेलियै।

रोमी 15:26

कथिलेत अखैया आ माकेडोनिया परदेसमे भेल मन्‍डलीसब यरुसलेमके गरिब बिस्‍बासीसबके रुपैया-पैसा सहायता करैले इक्‍छा करनेछै।

२ कोरन्‍थी 7:14

तितसके अगा हम तोरासबके बारेमे गर्‌भ करनेछेलियै, ओइमे हमरा कोनो लाज नै भेलै। जनङ हमसब तोरासबके कहल बात सत छेलै, ओहिनङे तितसके अगा हमरासबके करल गर्‌भ सेहो सत ठहरलै।

२ कोरन्‍थी 8:11

आब तुसब आपनसे सुरु करल काम पुरा कर। ओइ समयमे तोरासबके दैके इक्‍छा बहौत छेलौ आ सके जतहेक औकात अनुसार द्‍याके आपन इक्‍छा पुरा कर।