२ कोरन्‍थी 8:9 - मध्‍य पुरविया थारू

⁹ कथिलेकी अपनासबके परभु येसु खिरिस्‍टके अनुगरह तोरासबके थाहे छौ, उ धनिक छेलै तयौ तोरासबके लेल उ गरिब भेलै ताकि ओकर गरिबीसे तुसब धनिक बनैले सक।

२ कोरन्‍थी 8:9 Referans Kwoze

रोमी 8:32

परमेस्‍वर आपने निज बेटाके बचाके नै राखल्‍कै, महज ओकरा अपनेसबके लेल देल्‍कै त, कि उ अपनासबके जम्‍मे चिज ओकरसङे नै देतै से?

मतीके लिखल सुसमाचार 20:28

तैहनङे मानबोके बेटा दोसरसे सेबा लैले नै, महज सेबा करैले आ बहौत लोकसबके पापसे छुटकारा दैके खातिर आपन परान दैले एलछै।”

रोमी 5:8

महज अपनासब पापी भेल बखत खिरिस्‍टके अपनासबके लेल बलिदान द्‍याके परमेस्‍वर अपनासबके लेल महान परेम देखेल्‍कै।

२ कोरन्‍थी 6:10

सोकमे रहितोपरभी हरसमय आनन्‍दमे रहैचियै। गरिब रहितोपरभी बहुतोके आत्‍मिकी रुपमे धनिक बनाबैचियै। कुछो नै रहितोपरभी हमरासबसङे सब चिज छै।

एफिसी 2:7

यि काम परमेस्‍वर अपनासबके येसु खिरिस्‍टमे करल असिम अनुगरह कतेक महान छै कैहके आबैबला सब दिनमे देखाइके लेल करल्‍कै।

युहन्‍ना 1:14

तब बचन लोक बैनके अपनासबके बिचमे बास करल्‍कै आ अपनासब ओकर महिमा देखलियै, जे महिमा परमेस्‍वरसे आबैबला एक मातरे बेटामे छेलै। उ आपनौरके पुरा रुपसे अनुगरह करैछै आ सत बात मातरे बोलैछै।

याकुब 2:5

हे हमर पिरिय भाइ-भैयासब, सुन। कि परमेस्‍वर सन्‍सारके गरिबसबके बिस्‍बासमे धनिक बनाके ओइ राजके हकदार हैकेलेल नै चुन्‍ने छै? ओह्‍या राज ओकरा परेम करैबलासबके उ दैले परतिग्‍या करनेचियै नै?

एफिसी 3:8

खिरिस्‍टके पबितर जनसबमेसे हम सबसे तुच्‍छ चियै तैयो खिरिस्‍टके महान सम्‍पतीके सुसमाचार गैर-यहुदीसबके सुनाइबला बरदान परमेस्‍वर हमरा देल्‍कै।

१ तिमोथी 6:18

आन लोकके भलाइ करैले, असल काममे धनिक हैले, खाचोमे परलहा लोकसबके सहायता करैले आ आपनसङे भेल चिज औरोसबके दैले ओइसबके कह।

२ कोरन्‍थी 13:14

परभु येसु खिरिस्‍टके अनुगहर, परमेस्‍वर पिताके परेम आ पबितर आत्‍माके संगति तोरासबके सङे हैतरहे।

लुका 16:11

तै खातिर तुसब दुनियाके धनमे इमान्‍दार नै हेब्‍ही त, साँचोके धनके जिम्‍मा तोरासबके के देतौ?

हिबरु 1:2

महज यि अन्‍तके दिनसबमे उ आपन बेटा दुवारा अपनासबसङे बोलैछै। उ आपन बेटाके सब चिजके उतराधिकार हैकेलेल नियुक्‍त करल्‍कै आ ओकरे दुवारा सब चिजके सिरिस्‍टी करल्‍कै।

लुका 9:58

तब येसु ओकरा जबाफ देल्‍कै, “नरहियाके सोइन्‍ह छै आ अकासके चिरै चुरगुनके खोता छै, महज मानबके बेटाके लेल मुरोटा राखैले ठाम नै छै।”

परकास 3:18

अहैलेल हम तोरा यि सल्‍लाह दैचियौ कि, धनिक हैकेलेल आइगसे खारल निखुर सोना हमरसे किन। आपन नाङट आङके लाज झापैके लेल उजर बस्‍तर हमरसे किनके लगा आ आँखसे देखे सकैबला हैकेलेल हमरे मलहम किनके लगा।

एफिसी 3:19

ग्‍यान आ बुइधसे बुझैले नै सकैबला खिरिस्‍टके परेमके बुझैले सक आ तुसब परमेस्‍वरके सारा सक्‍तीसे भरपुर हैले सक कैहके हम परथना करैचियौ।

१ कोरन्‍थी 1:4

हम तोरासबके लेल सबदिन परमेस्‍वरके धन्‍यबाद दैचियै कथिलेकी खिरिस्‍ट येसुमे तुसब परमेस्‍वरसे अनुगरह पाबनेचिही।

लुका 2:7

उ आपन जेठका बेटाके जलम देल्‍कै तब ओकरा गुदरीमे लपेटके गोहालिके नाइदमे सुतेल्‍कै कथिलेत ओकरासबके धरमसलामे ठहरैले कतौ ठाम नै मिल्‍लै।

युहन्‍ना 16:15

जे किछ पिताके चियै, से सब हमर चियै। अहै खातिर हम कहैचियौ, जे हमर चियै से हमरसे ल्‍याके सतके आत्‍मा तोरासबके कैहदेतौ।”

युहन्‍ना 1:17

कथिलेत बेबस्‍था मोसासे एलै, महज अनुगरह आ सत्‍यता येसु खिरिस्‍टसे एलै।

युहन्‍ना 1:10

उ सन्‍सारमे छेलै, सन्‍सार ओकरेसे बन्‍लै, तैयो सन्‍सार ओकरा नै चिन्‍हल्‍कै।

मतीके लिखल सुसमाचार 8:20

तब येसु ओकरा कहल्‍कै, “देख, नरहियाके सोहैन छै आ चिरै-चुरगुनसबके खोता छै महज मानबके बेटाके त मुर राखैके ठामोतक नै छै।”

परकास 21:7

जे कोइ जित्‍तै, उ यि सब अधिकार पाबतै। तब हम ओकर परमेस्‍वर हेबै आ उ हमर बेटा हेतै।

१ कोरन्‍थी 15:47

पहिल्‍का लोक आदम पिरथिबीके माटीसे बन्‍याल छेलै, महज दोसर लोक खिरिस्‍ट स्‍वरगसे एलै।

रोमी 11:12

इजराएलीसब पाप करलाके चल्‍ते सन्‍सारके लोकसब आसिस पाबल्‍कै। उसब मुक्‍तीके इन्‍कार करलाके चल्‍ते गैर-यहुदीसब मुक्‍ती पाबल्‍कै त सब इजराएलीसब पस्‍चाताप कैरके परमेस्‍वरमे बिस्‍बास करतै त औरो बेसिसे आसिस पाबतै।

युहन्‍ना 17:19

हम ओइसबके खातिर आपनेके पबितर करैचियै, ताकि उसब सेहो सत्‍यतामे पबितर हेबे।

युहन्‍ना 12:30

येसु ओइसबके कहल्‍कै, “यि अबाज हमर लेल नै महज तोरेसबके लेल एलौ।

मरकुस 6:3

कि यि ओह्‍या काठ मिसतिरी नै चियै से? कि यि मरियमके बेटा आ याकुब, योसेफ, यहुदा आ सिमोन के भैया नै चियै से? कि अकर बहिनसब अपनासबके सङे नै छै से?” तब उसब पिताइलै आ ओकरा बिस्‍बासे नै करल्‍कै।

मतीके लिखल सुसमाचार 17:27

महज उसब अपनासबसे नै खिस्‍याबे कैहके, तालमे जो आ बन्‍सी फेक। तब पहिन्‍का परल माछके मुहमे एकटा चानीके डलर पेब्‍ही। उ डलर ल्‍याके अपना दुनु गोरेके बटी ओइसबके तिरदहै।”

कलस्‍सी 1:24

अखुन हम तोरासबके खातिर दुखो भोइगके खुसी चियौ कथिलेत खिरिस्‍टके देह अरथात मन्‍डलीके खातिर बाकी रहल दुख-कस्‍टसब हम आपन देहमे भोइगके पुरा करैचियौ।

लुका 8:3

तब रजा हेरोदके मुन्‍सी खुजासके घरबाली योअन्‍ना, सुसन्‍ना आ औरो बहौतरा जनिसब आपन धन-सम्‍पतिसे येसु आ ओकर चेलासबके सेबा करैछेलै।

रोमी 15:3

कथिलेत खिरिस्‍ट सेहो अपना खुस करैबला काम नै करल्‍कै। जनङ पबितर धरमसास्‍तरमे लिखल छै, “अहाँके निन्‍दा करैबलासबके निन्‍दा हमरमे परलछै।”

परकास 2:9

हमरा तोहर कस्‍ट आ तोहर गरिबी थाहछै। महज बास्‍तममे तु धनिक चिही। हम ओकरासबके चिन्‍हैचियै, जे आपनके यहुदी त चियै कहैछै, महज बास्‍तममे नै चियै। उसब तोहर बिरोध करल निन्‍दा हम जानैचियै। उसब त सैतानके लोकसब चियै।