२ कोरन्‍थी 7:8 - मध्‍य पुरविया थारू

⁸ हम आपन चिठीसे तोरासबके दुखित करलियौ तैयो हमरा पछतावा नै छै। सुरुमे हमरा पछतावा त भेलै महज अखैन हमर चिठीसे तोरासबके कुछ समयके लेल मातरे दुखित बनाइल्‍कौ कैहके हमरा लागैये।

२ कोरन्‍थी 7:8 Referans Kwoze

परकास 3:19

जकरा हम परेम करैचियै, तकरा डाटै चियै आ सजाय द्‍याके सुधारैचियै। साच्‍चेके पाप करैले छोर आ हमरलग या।

२ कोरन्‍थी 7:11

परमेस्‍वरसे एल दुखसे तोरासबमे केहेन उत्‍साह जगाइल्‍कौ, ओइके याद कर। आपनेके निरदोस साबित कराइके लेल केहेन उत्‍सुकता छौ। केहेन डाह, केहेन डर, केहेन पियास, केहेन जोस, नियाय हैकेलेल केहेन चाह छौ! सब बातमे तुसब आपनेके निरदोस साबित करनेचिही।

२ कोरन्‍थी 7:6

महज निरास भेलसबके सान्‍तबना दैबला परमेस्‍वर तितस एलासे हमरासबके सान्‍तबना देल्‍कै।

युहन्‍ना 21:17

येसु फेनसे तेसर बेर पतरुसके पुछल्‍कै, “ऐ युहन्‍नाके बेटा सिमोन, कि तु हमरा परेम करैचिही?” सिमोन पतरुसके मनमे चोट लाग्‍लै कथिलेकी येसु तिनचोटी “कि तु हमरा परेम करैचिही?” कैहके पुछल्‍कै। सिमोन ओकरा कहल्‍कै, “परभु, अहाँ त सब जान्‍बे करैचियै। अहाँ जानैचियै कि हम अहाँसे परेम करैचियै।” येसु ओकरा कहल्‍कै, “हमर भेंरासबके चरा।”

युहन्‍ना 16:6

हमर एह्‍या बात बतेलाके कारनसे तोरासबके मन दुखसे भरल छौ।

२ कोरन्‍थी 7:7

तितस एलासे मातरे नै, महज तोरासबसे उ जे सान्‍तबना पाबने छेलै, ओकरसे हम्‍हु सान्‍तबना पाबलियै। हमरा भेटैके तुसब एकदम इक्‍छा करनेचिही से उ हमरासबके कहल्‍कै। पहिने करल तोरासबके गल्‍तीसे पछुताबा करनेचिही आ हमर बातके पालन करनेचिही से उ कहल्‍कै। यि सुइनके हम एकदमे खुसी भेलियै।

२ कोरन्‍थी 7:9

ओइ चिठीसे तोरासबके दुखित करल्‍कौ कैहके हम खुस नै चियै महज उ दुखसे तोरासबके पस्‍चाताप दिसन आ जिबन परिबरतन दिसन ल्‍याके गेलै कैहके हम खुस चियै। तुसब परमेस्‍वरके इक्‍छा सुइकार करलाके कारन दुख भेलौ, हमरासबके कारनसे तोरासबके कोनो हानी नै भेलौ।

२ कोरन्‍थी 7:12

हम उ चिठी अनियाय करैबला लोकके लेल नै लिखने चियै, नै त अनियायमे परल लोकके लेल महज अइ हेतुसे कि परमेस्‍वरके नजरमे हमरासबके परती तोरासबके वास्‍ता केहेन छौ, से तोरासबके थाह हेबे।