२ कोरन्‍थी 7:7 - मध्‍य पुरविया थारू

⁷ तितस एलासे मातरे नै, महज तोरासबसे उ जे सान्‍तबना पाबने छेलै, ओकरसे हम्‍हु सान्‍तबना पाबलियै। हमरा भेटैके तुसब एकदम इक्‍छा करनेचिही से उ हमरासबके कहल्‍कै। पहिने करल तोरासबके गल्‍तीसे पछुताबा करनेचिही आ हमर बातके पालन करनेचिही से उ कहल्‍कै। यि सुइनके हम एकदमे खुसी भेलियै।

२ कोरन्‍थी 7:7 Referans Kwoze

यहुदा 1:3

हे पिरिय भाइ-भैयासब, तोरासबके आ अपनासबके भेटल मुक्‍तीके बारेमे हमरा लिखैले बहौत बरका इक्‍छा छेलै, महज आब पबितर जनसबके सबदिनके लेल सोपल बिस्‍बासके रक्‍छा कर कैहके निबेदन करैले तोरासबके लिखैले हम आबसेक बुझलियै।

२ कोरन्‍थी 5:2

हमसब अइ सन्‍सारमे रहैतकाल बेचैन रहैचियै आ अपनासबके स्‍वरगिय देह बस्‍तर लखा लगाइले उतकट इक्‍छा करैचियै।

२ युहन्‍ना 1:4

तोहर धियापुतासबमेसे कतहेक गोरा परमेस्‍वरके देल आग्‍या बमौजी सतके रस्‍तामे चलैत देखके हमरा बहौत खुसी लागल।

याकुब 5:17

एलियो आपने सबके जखा लोक रहै। उ पानी नै परे कैहके भक्‍तिसाथ परथना करल्‍कै त, साढे तिन बरिस तलिक पानी नै परलै।

हिबरु 2:1

अहैलेल हमसब परमेस्‍वरके बारेमे जे सत बात सुनने चियै तहैमे औरो बेसीसे धियान दैलेपरतै, तब मातरे अपनासब सतके रस्‍तासे नै भटकबै।

१ थेसलोनिकी 3:8

कथिलेकी तुसब परभुमे अस्‍थीर चिही कैहके जब हमसब सुनलियै त हमसब नया जिबन पाबल जखा लागल।

१ थेसलोनिकी 3:6

महज तिमोथी भरखरे तोरासब लगसे हमरासबलग एलछै आ तोरासबके बिस्‍बास आ परेमके बारेमे असल खबर आन्‍ने छै। तुसब हरदम हमरासबके परेमसे सम्‍झैचिही आ हमरासबके तोरासबसे भेटकरैके जतेक सुरता लागल छै ओतहेक तोरोसबके भेटैके सुरता करनेचिही से बात उ हमरासबके सुनेल्‍कै।

कलस्‍सी 2:5

कथिलेत हम देहमे तोरासबसे दुर चियौ तैयो आत्‍मामे त तोरेसबसङे चियौ। खिरिस्‍टमे तोरासबके बिस्‍बास एकदम अस्‍थिर भेल देखके हम बहुत खुसी भेलचियौ।

फिलिप्‍पी 1:20

हमर उटकट इक्‍छा आ आसा यि चियै कि हम कहियो लज्‍जित नै हेबै महज हमरमे परसस्‍त साहस हेतै। चाहे हम बाच्‍बै या मरबै सबदिन जखा अखुनो हमर जिबनसे खिरिस्‍ट सम्‍मानित हेबे।

२ कोरन्‍थी 8:16

परमेस्‍वरके धन्‍यबाद हेबे, परमेस्‍वर तोरासबके लेल हमरे जखा इक्‍छा तितसके हिरदयमे राइखदेल्‍कै।

२ कोरन्‍थी 2:9

तुसब हरेक बिसयमे आग्‍याकारी चिही कि नै कैहके जाचैके लेल हम उ चिठी तोरासबके लिखने छेलियौ।

२ कोरन्‍थी 1:14

अखैन तुसब हमरासबके बारेमे पुरा रुपसे नै बुझने चिही महज तुसब पुरा रुपसे बुझबिही कैहके आसा करैचियै। परभु येसु खिरिस्‍ट आबैबला दिनमे तुसब हमरासबके बारेमे गर्‌भ करबिही, जनङ हमसब तोरासबके बारेमे गर्‌भ करैचियै।

रोमी 1:12

हमर बिस्‍बाससे तोरासबके आ तोरासबके बिस्‍बाससे हमरा उत्‍साह मिले कैहके हमर इक्‍छाछै।

परेरित 11:23

बरनाबास ओते एलै आ परमेस्‍वर ओइसबके मन्‍डली उपर करल किरपा देखके खुसी भेलै। तुसब पुरा हिरदयसे परभुके बिस्‍बासमे बरहैत रह कैहके उत्‍साह देल्‍कै।

लुका 22:44

ओकर हिरदय एकदम दुखसे भरल छेलै, तब उ धियानसे परथना करे लाग्‍लै, तै बखत ओकर पसिना लहुके बरका-बरका ठोप जखा भुइयामे चुबै छेलै।

मतीके लिखल सुसमाचार 26:75

तब येसुके कहल बात पतरुसके याद परलै, “मुरगा डाँक दैसे पैहने तु हमरा तिन बेर इन्‍कार करबिही।” तब पतरुस बाहर निकैलके हेकैच-हेकैचके काने लाग्‍लै।

मतीके लिखल सुसमाचार 5:4

धैनके चियै सोक करैबलासब, कथिलेत ओइसबके सान्‍ती मिल्‍तै।

१ कोरन्‍थी 5:2

तैयो तुसब घमन्‍ड करैचिही! तोरासबके त बरु सोक करे परतियौ आ एहेन काम करैबलाके तोरासबके बिचसे निकालैले परतियौ।

२ कोरन्‍थी 1:4

परमेस्‍वरसे पाबलहा सान्‍तबनासे हमसब दुखमे परलहासबके सेहो सान्‍तबना दैले सकि कैहके उ अपनासबके सब दुखमे सान्‍तबना दैछै।

२ कोरन्‍थी 7:6

महज निरास भेलसबके सान्‍तबना दैबला परमेस्‍वर तितस एलासे हमरासबके सान्‍तबना देल्‍कै।

२ कोरन्‍थी 7:8

हम आपन चिठीसे तोरासबके दुखित करलियौ तैयो हमरा पछतावा नै छै। सुरुमे हमरा पछतावा त भेलै महज अखैन हमर चिठीसे तोरासबके कुछ समयके लेल मातरे दुखित बनाइल्‍कौ कैहके हमरा लागैये।