२ कोरन्‍थी 7:15 - मध्‍य पुरविया थारू

¹⁵ तोरासबके आग्‍याकारिताके जिबन, डर आ आदरकेसाथ ओकरा स्‍वागत करलिही। यि सब बात याद कैरके तितस तोरासबके औरो बेसि परेम करैछौ।

२ कोरन्‍थी 7:15 Referans Kwoze

फिलिप्‍पी 2:12

अहैलेल हमर पिरिय भाइ-भैयासब, जनङ तोरासब सबदिन आग्‍यापालन करैत एलचिही, हमर उपस्‍थितीमे मातरे करल जखा नै, महज आब औरो बेसिसे हमर अनुपस्‍थितीमे आदर आ डर मानैत तुसब आपन मुक्‍तीके काम पुरा करैके लेल एकदमसे मेहनत कर।

२ कोरन्‍थी 2:9

तुसब हरेक बिसयमे आग्‍याकारी चिही कि नै कैहके जाचैके लेल हम उ चिठी तोरासबके लिखने छेलियौ।

१ युहन्‍ना 3:17

जे लोकसङे सन्‍सारके धन-सम्‍पैत छै, महज आपन भाइके घटि-कमीमे देखभाल करैले मन कठोर करैछै त वेहन लोक परमेस्‍वरके कनङ परेम करे सक्‍तै?

२ थेसलोनिकी 3:14

तोरासबमेसे कोइगोरा हमसब यि चिठीमे लिखल आग्‍या नै मानैछौ त ओकरा डिठीयाइने रह। ओकरसङे सङहत नै राख ताकि उ लाजमे परे।

कलस्‍सी 3:12

तुसब परमेस्‍वरके छानल पिरिय पबितर लोकसब चिही। अहै कारन मया, दया, नरमता, कोमलता आ सहनसिलताके धारन कर।

फिलिप्‍पी 1:8

खिरिस्‍ट येसुवे जखा हम्‍हु तोरासबके परेम करलासे तोरासबके भेटैके एकदम इक्‍छा करनेचियै से परमेस्‍वर जानैछै।

२ कोरन्‍थी 6:12

हमरासबके परेम तोरासब परती कम नै भेलछौ, बरु तोरासबके परेम हमरासब परती कम भेलछौ

परेरित 16:29

यि बात सुनैत मातर हाकिम इजोत मङ्‍याके दौरते भितर एलै आ डरसे थर-थर कापैत पावल आ सिलासके अगा ठेङहुनिया द्‍याके बैठलै।

एफिसी 6:5

हे नोकर-चाकरसब, जनङ खिरिस्‍टके सेबा करैचिही तैहनङे इमान्‍दारी साथ तुसब यि सन्‍सारके मालिकसबके आदर कर आ डर राइखके ओकरासबके कहलहा बात मान।

युहन्‍ना 16:21

जब एकटा जनी बच्‍चाके जलम दैतखिना दरदसे छटपटाइत रहैछै, कथिलेत ओकर समय आइबगेल रहैछै महज बच्‍चाके जलम दैत मातर ओकरा ओइ दरदके याद नै आबैछै कथिलेत सन्‍सारमे एकटा बच्‍चाके जलम भेलै, तै बातमे उ खुसी हैछै।

१ कोरन्‍थी 2:3

हम तोरासबके लग जखुन एलियौ तखुन कमजोर भ्‍याके, एकदम डर्‌याल आ थरथर कापैत एल छेलियौ।