२ कोरन्‍थी 6:10 - मध्‍य पुरविया थारू

¹⁰ सोकमे रहितोपरभी हरसमय आनन्‍दमे रहैचियै। गरिब रहितोपरभी बहुतोके आत्‍मिकी रुपमे धनिक बनाबैचियै। कुछो नै रहितोपरभी हमरासबसङे सब चिज छै।

२ कोरन्‍थी 6:10 Referans Kwoze

युहन्‍ना 16:22

अहिनङे अखुन तुसब सोक करबिही, महज हम फेनो तोरासबके भेटैले एबौ त तोरासबके हिरदय खुसीसे भरतौ। तब कोइ नै तोरासबके खुसी तोरासबसे छिन्‍तौ।

२ कोरन्‍थी 8:9

कथिलेकी अपनासबके परभु येसु खिरिस्‍टके अनुगरह तोरासबके थाहे छौ, उ धनिक छेलै तयौ तोरासबके लेल उ गरिब भेलै ताकि ओकर गरिबीसे तुसब धनिक बनैले सक।

परकास 2:9

हमरा तोहर कस्‍ट आ तोहर गरिबी थाहछै। महज बास्‍तममे तु धनिक चिही। हम ओकरासबके चिन्‍हैचियै, जे आपनके यहुदी त चियै कहैछै, महज बास्‍तममे नै चियै। उसब तोहर बिरोध करल निन्‍दा हम जानैचियै। उसब त सैतानके लोकसब चियै।

याकुब 2:5

हे हमर पिरिय भाइ-भैयासब, सुन। कि परमेस्‍वर सन्‍सारके गरिबसबके बिस्‍बासमे धनिक बनाके ओइ राजके हकदार हैकेलेल नै चुन्‍ने छै? ओह्‍या राज ओकरा परेम करैबलासबके उ दैले परतिग्‍या करनेचियै नै?

हिबरु 10:34

तुसब जहलमे परलहा लोकसबके दया देखाइलिही, आपन सम्‍पती लुटलगेलै तैयो खुसिसाथ सहन करलिही, कथिलेकी तुसब जानैछेल्‍ही, कि औरो उतम आ सबदिन रहैबला सम्‍पती आपनेसङे छै।

१ तिमोथी 4:8

देहके कसरत करनाइ असल चियै, महज आत्‍मिक कसरत करनाइ औरो असल चियै, कथिलेकी अखुन आ आबैयोबला जिबनमे फैदाके लेल परतिग्‍या करने छै।

फिलिप्‍पी 4:4

परभुमे सबदिन आनन्‍द कर। हम फेनसे कहैचियौ, आनन्‍द कर।

१ थेसलोनिकी 1:6

तुसब हमरासबके आ परभुके देखासेखी करलिही, कथिलेकी सताबटमे सेहो तुसब पबितर आत्‍मासे देल सुसमाचार खुसिसे गरहन करलिही।

कलस्‍सी 3:16

खिरिस्‍टके बचनसे तोरासबके हिरदय परसस्‍त कैरके भरल रहे। आपन पुरे ग्‍यान-बुइधसे एक दोसरके सिखा आ सल्‍लाह दैबला काम कर। परमेस्‍वरके हिरदयसे धन्‍यबाद दैत भजन, इस्‍तुति-परसन्‍सा आ आत्‍मिक गितसब गाब।

फिलिप्‍पी 2:17

यदि तोरासबके बिस्‍बाससाथ करल सेबाके कामके खातिर हमरा लहु बहाबैले परतै तैयो हम खुसिसे बहेबौ आ तोरेसबसङे आनन्‍द मनाइबौ।

रोमी 11:12

इजराएलीसब पाप करलाके चल्‍ते सन्‍सारके लोकसब आसिस पाबल्‍कै। उसब मुक्‍तीके इन्‍कार करलाके चल्‍ते गैर-यहुदीसब मुक्‍ती पाबल्‍कै त सब इजराएलीसब पस्‍चाताप कैरके परमेस्‍वरमे बिस्‍बास करतै त औरो बेसिसे आसिस पाबतै।

१ पतरुस 4:13

बरु खिरिस्‍टके दुख-कस्‍टमे सहभागी हैले पाबलियै कैहके आनन्‍द मना। जब उ आपन महिमाके सङे फेनसे एतै, तै बखत तुसब औरो आनन्‍द मनाइले सके।

२ कोरन्‍थी 4:7

यि महान सक्‍ती हमरासबके नै महज परमेस्‍वरके चियै कैहके परस्‍ट करैके लेल यि धन माटीके बरतनमे अरथात अपनासबमे छै।

२ कोरन्‍थी 2:4

तोरासबके चित दुखाइके लेल नै महज तोरासबके खातिर हमर गहिर परेम जान कैहके बहौत दुख-कस्‍टसे लोर बहाबैत तोरासबके उ चिठी लिखने छेलियौ।

रोमी 15:13

तुसब आसा दैबला परमेस्‍वरमे बिस्‍बास करनेचिही। ओह्‍या तोरासबके आनन्‍द आ सान्‍तीसे भैरदेबे। तहिनङे पबितर आत्‍माके सक्‍तिसे तोरासबके आसा बैढते जाय।

रोमी 12:15

आनन्‍द करैबलासबसङे आनन्‍द कर आ कानैबलासबसङे कान।

परेरित 5:41

तब येसुके नाममे अपमान सहैके योग्‍य चियै कैहके खुसी मनाइत उसब महासभामे गमलिएलके बात मानैत निकैलके गेलै।

लुका 6:21

धैन तोरासबके, अखन भुख लागलसब कथिलेत तुसब अघाइबिही! धैन तुसब, अखन कानैबलासब कथिलेत तुसब हाँसविही!

मतीके लिखल सुसमाचार 5:4

धैनके चियै सोक करैबलासब, कथिलेत ओइसबके सान्‍ती मिल्‍तै।

१ तिमोथी 6:18

आन लोकके भलाइ करैले, असल काममे धनिक हैले, खाचोमे परलहा लोकसबके सहायता करैले आ आपनसङे भेल चिज औरोसबके दैले ओइसबके कह।

१ थेसलोनिकी 5:16

सबदिन आनन्‍दित रह।

परेरित 3:6

तब पतरुस कहल्‍कै, “सोना चानी त हमरसङे नै छै, महज जे हमरसङे छै, ओह्‍या हम तोरा देबौ। नासरतके येसु खिरिस्‍टके नाममे उइठके चल!”

कलस्‍सी 1:24

अखुन हम तोरासबके खातिर दुखो भोइगके खुसी चियौ कथिलेत खिरिस्‍टके देह अरथात मन्‍डलीके खातिर बाकी रहल दुख-कस्‍टसब हम आपन देहमे भोइगके पुरा करैचियौ।

एफिसी 3:16

ओकर महान सम्‍पैत आ आत्‍मासे तोरासबके सक्‍ती मिले। उ सक्‍ती तोरासबके आत्‍म बल बरहैत जाए कैहके हम परमेस्‍वरसङे परथना करैचियौ।

एफिसी 3:8

खिरिस्‍टके पबितर जनसबमेसे हम सबसे तुच्‍छ चियै तैयो खिरिस्‍टके महान सम्‍पतीके सुसमाचार गैर-यहुदीसबके सुनाइबला बरदान परमेस्‍वर हमरा देल्‍कै।

२ कोरन्‍थी 4:15

यि सब तोरेसबके हितके लेल भेल छै, कथिलेकी जतेक बहुत लोकसब परमेस्‍वरके अनुगरह पाबतै ओतेक बहुत परमेस्‍वरके महिमाके लेल ओकरा धन्‍यबाद दैबला काम हेतै।

१ कोरन्‍थी 1:5

कथिलेत परमेस्‍वर खिरिस्‍टमे हरतरहसे तोरासबके बोलिबचन आ ग्‍यानमे धनिक बनाइनेछौ।

रोमी 9:2

हमर परेम करल इजराएली लोकसबके लेल हमर हिरदयमे एकदम सोक आ पिरा छै।

रोमी 8:32

परमेस्‍वर आपने निज बेटाके बचाके नै राखल्‍कै, महज ओकरा अपनेसबके लेल देल्‍कै त, कि उ अपनासबके जम्‍मे चिज ओकरसङे नै देतै से?

परेरित 16:25

महज अधा रातके पावल आ सिलास परथना करैत, भजन गाबैत परमेस्‍वरके परसन्‍सा करैतरहै, ओकरौरके परथना करैत परमेस्‍वरके भजन गाबैछेलै आ औरो जहलमे ढोकलहा कैदीसब सुनैत रहै।

मतीके लिखल सुसमाचार 5:12

तब खुसी आ आनन्‍द मना, कथिलेत तोरासबके खातिर स्‍वरगमे बरका इनाम राखल छौ। अहिनङे तोरासबसे पहिनेके अगमबक्‍तासबके उसब सताइने रहै।

परकास 21:7

जे कोइ जित्‍तै, उ यि सब अधिकार पाबतै। तब हम ओकर परमेस्‍वर हेबै आ उ हमर बेटा हेतै।