२ कोरन्‍थी 5:7 - मध्‍य पुरविया थारू

⁷ अपनासब आँखसे देखल बातके आधारमे नै, बल्‍की बिस्‍बासके आधारमे जियैचियै।

२ कोरन्‍थी 5:7 Referans Kwoze

२ कोरन्‍थी 4:18

हमसब देखैबला चिजसबमे नै, महज नै देखैबला चिजसबमे मन लगाइचियै, कथिलेकी जे चिजसब देखैबला छै, उ कुछ समयके लेल मातरे रहैछै, महज जे चिजसब नै देखाइछै उ सबदिनके लेल रहैछै।

१ पतरुस 1:8

तुसब ओकरा नै देख्‍नेचिही तैयो परेम करैचिही। अखैन तुसब नै देखैचिही तैयो ओकरमे बिस्‍बास करैचिही आ बखाने नै करेसकैबला गौरबमय आनन्‍दमे तुसब खुसी चिही।

हिबरु 10:38

हमर धरमी लोकसब बिस्‍बाससे जिबित रहतै महज ओइसबमेसे कोनो लोक पछा हटतै त, हम ओकरसे खुसी नै हेबै।”

गलाती 2:20

हमर पहिन्‍का स्‍वभाब खिरिस्‍टेसङे कुरूसमे मरल छै। आबसे हम नै महज खिरिस्‍ट हमरमे जियैछै। जे जिबन अखन हम सरिरमे जियैचियै से परमेस्‍वरके बेटामे बिस्‍बास कैरके जियैचियै कथिलेत उ हमरा परेम करल्‍कै आ हमर खातिर उ बलिदान भेलै।

१ पतरुस 5:9

बिस्‍बासमे बौकार भ्‍याके सैतानके बिरोध कर। कथिलेकी सन्‍सारमे भेल औरो बिस्‍बासीसब सेहो अहिनङे दुख भोइगरहलछै से बात तोरासबके थाहेछौ।

१ कोरन्‍थी 13:12

अखुन हमसब ऐनामे धोनराह देखैचियै, महज ओइ बखतमे साफ-साफ देख्‍बै। अखुन हम कमे बुझैचियै महज ओइ बखत परमेस्‍वर हमर बारेमे सब बात जानल जखा, हम्‍हु सब बात जान्‍बै।

२ कोरन्‍थी 1:24

हमसब तोरासबके बिस्‍बासमे अधिकार जमाइले नै चाहैचियौ, बरु तोरासबके खुसिके लेल तोरेसबसे मिलके काम करैले चाहैचियौ। कथिलेकी तुसब आपन बिस्‍बासमे अस्‍थिर चिही।