२ कोरन्‍थी 5:17 - मध्‍य पुरविया थारू

¹⁷ अहैलेल यदि कोइ खिरिस्‍टमे छै त उ लोक लया सिरिस्‍टी चियै। पुरना जिबन बितके चैलगेलै, देख, आब लया जिबन सुरु भेलछै।

२ कोरन्‍थी 5:17 Referans Kwoze

युहन्‍ना 3:3

येसु निकोदेमसके कहल्‍कै, “साँचोके हम तोरासबके कहैचियौ, जाबेतक फेनोसे लोक नया कैरके जलम नै लेतै ताबे तक उ परमेस्‍वरके राज देखे नै सक्‍तै।”

गलाती 6:15

नै त खतनाके कोनो महत्‍व छै, नै त बेखतनाके, महज मुल बात यि चियै कि परमेस्‍वर अपनासबके नया लोक बनाइनेछै।

रोमी 8:1

ओहैसे जेसब येसु खिरिस्‍टमे बिस्‍बास करैछै, तकरासबके परमेस्‍वर दन्‍ड नै दैछै।

एफिसी 2:10

कथिलेत हमसब असल कामसबके लेल खिरिस्‍ट येसुमे सिरिस्‍टी भ्‍याल ओकर हाथके सिप चियै। ओह्‍या अनुसार अपनासब चल कैहके उ पहिनेसे तयार करने रहै।

१ कोरन्‍थी 1:30

परमेस्‍वरके कारन तुसब खिरिस्‍ट येसुमे चिही, परमेस्‍वर खिरिस्‍ट येसुके अपनासबके लेल बुधि, धरमी, पबितर आ पापसे छुटकरा दैबला बनाइल्‍कै।

युहन्‍ना 15:5

“अङगुरके लती हम्‍ही चियौ, तुसब ठाइर चिही। यदी कोइ हमरमे रहतै आ हम ओकरमे रहबै त, उ बहौत फल फराइतै, कथिलेकी हमरसे अलग रैहके तुसब कुछो करैले नै सकबिही।

२ कोरन्‍थी 5:21

येसु खिरिस्‍टमे पाप नै छेलै, तैयो परमेस्‍वर अपनासबके खिरिस्‍टमे धरमी ठहराबैके लेल अपनासबके पाप खिरिस्‍टमे राइखदेल्‍कै।

रोमी 7:6

महज अपनासबके अधिनमे राखैबला बेबस्‍थाके लेल मैरके आब ओइसे छुटकरा पाबनेचियै, ओहैसे अपनासब पुरन्‍का लिखल बेबस्‍था अनुसार सेबा नै करैचियै, महज पबितर आत्‍माके देल लया बिधी अनुसार परमेस्‍वरके सेबा करैचियै।

२ कोरन्‍थी 5:16

अहैलेल आबसे हमसब ककरो लोकके दिरिस्‍टीसे नै देखब। हमसब खिरिस्‍टके एक समय लोकके दिरिस्‍टीसे देखै छेलियै महज आबसे ओकरा हमसब ओनङके नै देख्‍बै।

युहन्‍ना 3:5

तब येसु ओकरा जबाब देल्‍कै, “हम तोरा साँचोके कहैचियौ, जाबेतक कोइ पानी आ आत्‍मासे जलम नै लेतै ताबेतक परमेस्‍वरके राजमे परबेस करैले नै सक्‍तै।

एफिसी 2:15

उ यहुदी आ गैर-यहुदीसबके सान्‍ती दैले आ ओकरमे लबका जाती बनाइले कुरूसमे मैरके बेबस्‍था आ नियमके रध करल्‍कै,

गलाती 3:28

आबसे नै त यहुदी, नै त गैर-यहुदी, नै दास, नै स्‍वतन्‍तर, नै पुरुख, नै जनी छै, कथिलेत तुसब खिरिस्‍ट येसुमे सबकोइ एक चियै।

युहन्‍ना 15:2

हमरमे रहल सब ठाइर जे फल नै फराइछै, उ ओइसबके काइटदैछै आ फल फराइबला सब ठाइर औरो बेसीसे फराबे कैहके उ ओइसबके काटछाट करैछै।

युहन्‍ना 17:23

हम ओकरासबमे आ अहाँ हमरमे चियै। अहिनङके उसब पुरा रुपसे एक हेबे आ अहाँ हमरा पठाइनेचियै आ जहिनङे अहाँ हमरा परेम करैचियै तहिनङे हमरमे बिस्‍बास करैबलासबके परेम करैचियै से सन्‍सारके लोकसब जाने।

युहन्‍ना 14:20

‘हम पितामे आ तुसब हमरमे आ हम तोरासबमे चियौ’ से बात तुसब ओइ दिन जानबिही।

गलाती 5:6

खिरिस्‍ट येसुमे नै त खतनाके नै त बेखतना कोनो मोल छै। महज एकेटा बातके मोल छै, उ यि चियै, अपनासब बिस्‍बासके कारन एक-दोसरके परेम करैचियै।

मतीके लिखल सुसमाचार 12:33

“कोनोभी असल गाछमे असले फल फरैछै आ खराब गाछमे खराबे फल फरैछै। कथिलेत गाछ ओइके फरसे चिन्‍हल जाइछै।

मतीके लिखल सुसमाचार 24:35

स्‍वरग आ पिरथिबी बित जेतै, महज हमर बचन रहबे करतै।

१ कोरन्‍थी 13:11

जब हम बचा छेलियै तब बचे जखा बाजैछेलियै, बचे जखा सोचै छेलियै आ बचे जखा तरक करैछेलियै। महज जब हम जबान भेलियै, तब बचाके बेबहार छोइरदेलियै।

२ कोरन्‍थी 5:19

परमेस्‍वर आपनेसे खिरिस्‍टमे रैहके सन्‍सारके सब लोकसबके अपराधके लेखा नै ल्‍याके मिलापमे आइनरहलछेलै। आबसे यि मिलापके सेबा अपनासबके जिम्‍मा देनेछै।

२ कोरन्‍थी 12:2

हम खिरिस्‍टमे बिस्‍बास करल एक गोरे लोकके चिन्‍हैचियै, जे चौद बरिससे पहिने तेसर स्‍वरगमे उठ्‍यालगेलै। उ देहमे या बिना देहमे उठ्‍यालगेलै, से हम नै जानैचियै, उ परमेस्‍वर मातरे जानैछै।

फिलिप्‍पी 4:21

खिरिस्‍ट येसुमे रहल सब पबितर लोकसबके हमर गोरलगी सुन्‍यादहै। अते हमरसङे भेल भाइसब तोरासबके गोरलगी पठाइनेछौ।

रोमी 16:7

हमर सङी एनडरोनिकस आ युनियसके हमर गोरलगी सुन्‍यादहै। परेरितसबके बिचमे ओकरासबके नाम चलल छै आ हमरसे पहिने उसब खिरिस्‍टके बिस्‍बास करने छेलै। ओहोसब हमरसङे जहलमे छेलै।

रोमी 16:11

हमर यहुदी भाइ हेरोदियनके आ परभुमे बिस्‍बास करल नरकिससके घरमे भेल्‍हा लोकसबके सेहो गोरलगी सुन्‍यादहै।

रोमी 16:3

हमर सङे-सङे येसु खिरिस्‍टके काम करैबला सङी पिरिस्‍किला आ अकिलासके हमर गोरलगी सुन्‍यादहै।

रोमी 16:9

खिरिस्‍टमे हमरसङे काम करैबला उरबानस आ हमर सङी स्‍ताखुसके सेहो हमर गोरलगी सुन्‍यादहै।

रोमी 16:10

खिरिस्‍टके नजरमे योग्‍य ठहरल अपेल्‍लेसके गोरलगी सुन्‍यादहै। अरिस्‍तोबुलसके घरमे भेल्‍हा लोकसबके हमर गोरलगी सुन्‍यादहै।

लुका 5:38

बरु तजा अङगुरके मध लबके छलाके थैलीमे राखेपरैछै।