२ कोरन्‍थी 4:7 - मध्‍य पुरविया थारू

⁷ यि महान सक्‍ती हमरासबके नै महज परमेस्‍वरके चियै कैहके परस्‍ट करैके लेल यि धन माटीके बरतनमे अरथात अपनासबमे छै।

२ कोरन्‍थी 4:7 Referans Kwoze

२ कोरन्‍थी 5:1

हमरासबके थाहछै कि हमसबके यि बास करल नासबान देह पाल जखा चियै, जे एक दिन नास हेतै तैयो परमेस्‍वरके देल देह स्‍वरगमे अनन्‍ततक रहैबला घर जखा हेतै, जे लोकके हाथसे नै बनलछै।

१ कोरन्‍थी 1:28

अइ सन्‍सारमे आपनके महान ठानैबलासबके बेरथ बनाबैके लेल परमेस्‍वर निच आ तुच्‍छ ठहरल लोकसबके चुनल्‍कै,

कलस्‍सी 2:3

ओकरेमे परमेस्‍वरके सब ग्‍यान आ बुइधके सारा सम्‍पतीके भन्‍डारछै।

कलस्‍सी 1:27

यि महान रहसके बात गैर-यहुदीयो लोकसब बुझे कैहके परमेस्‍वरके योजना चियै। यि रहसके बात एह्‍या चियै, खिरिस्‍ट तोरासबमे बास करैछौ, जे गौरबके आसा चियौ।

एफिसी 3:8

खिरिस्‍टके पबितर जनसबमेसे हम सबसे तुच्‍छ चियै तैयो खिरिस्‍टके महान सम्‍पतीके सुसमाचार गैर-यहुदीसबके सुनाइबला बरदान परमेस्‍वर हमरा देल्‍कै।

२ कोरन्‍थी 10:10

कतहेक लोक कहैछै, “पावलके चिठीसब गम्‍भीर आ करा हैछै, महज उ आपने हैतकाल कमजोर हैछै आ ओकर बोली कोनो महत्‍वके नै हैछै।”

मतीके लिखल सुसमाचार 13:44

“स्‍वरगके राज खेतमे गारल बहुत अनमोल धन जखा चियै, जे कोनो एकटा लोकके भेटैछै, ओकरा उ माइटके तरमे गाइरके राखैछै आ खुसी हैत जाइछै आ आपन सब धन-सम्‍पती बेचके ओहे खेत किनैछै।

२ तिमोथी 2:20

केहनो धनिक लोकके घरमे सोना-चानीके भरिया-बरतन मातरे नै रहैछै, ओते काठ आ माटीके भरिया-बरतन सेहो रहैछै। कोनो बिसेस कामके लेल चलाबैछै त कोनो सधारन कामके लेल चलाबैछै।

२ कोरन्‍थी 4:1

परमेस्‍वर दयालु भेलाके कारनसे यि सेबाके काम हमरासबके देनेछै। ओहै खातिर हमसब हरेस नै खाइचियै।

कलस्‍सी 2:12

कथिलेत बप्‍तिस्‍मा लैतखिना तुसब खिरिस्‍टसङे गारल गेल्‍ही आ मरलसे खिरिस्‍टके जियाइबला परमेस्‍वरके सक्‍तीमे बिस्‍बास करलाके कारनसे खिरिस्‍टसङे जिबित भेलचिही।

१ थेसलोनिकी 1:5

कथिलेकी जे सुसमाचार हमसब सुनेलियै उ सब्‍द मातरे नै महज सक्‍तीके साथ, पबितर आत्‍माके साथ आ पुरे निस्‍चयताके साथ एलै। जखन हमसब तोरासबके सङे रहलियै त केहेन चालचलनके जिबन जिलियै से तोरासबके थाहे छौ।

एफिसी 2:5

अपनासब अटेर कैरके आत्‍मिक तबरसे मरल छेलियै तैयो परमेस्‍वर खिरिस्‍टसङे अपनासबके जिबित करल्‍कौ। तुसब परमेस्‍वरेके अनुगरहसे बच्‍याल गेलचिही।

२ कोरन्‍थी 13:4

कथिलेत उ कमजोर भ्‍याके कुरूसमे टाङल गेलै महज परमेस्‍वरके सक्‍तीसे जिबित भेलै। तहिनङे हम्‍हुसब ओकरसङे कमजोर भेलचियै, महज परमेस्‍वरके सक्‍तिसे खिरिस्‍टके लया जिबन अपनासबमे सेहो छै आ उ जिबनके सक्‍ती तोरासबसङे बेबहार करैतखिना देखल जेतै।

२ कोरन्‍थी 6:10

सोकमे रहितोपरभी हरसमय आनन्‍दमे रहैचियै। गरिब रहितोपरभी बहुतोके आत्‍मिकी रुपमे धनिक बनाबैचियै। कुछो नै रहितोपरभी हमरासबसङे सब चिज छै।

मतीके लिखल सुसमाचार 13:52

तब येसु फेनो ओइसबके कहल्‍कै, “अहै खातिर स्‍वरगके राजके बारेमे जानकार भेल्‍हा हरेक धरमगुरु एकटा घरके मालिक जखा चियै, जे आपन बखारीसे लबका आ पुरन्‍का अनमोल चिजसब निकाइल सकैछै।”

युहन्‍ना 16:33

“हम तोरासबके यि बात अहै खातिर कहनेचियौ, कि हमरमे रैहके तोरासबके सान्‍ती हेबे। सन्‍सारमे तोरासबके सङकट हेतौ, महज साहस कर, हम सन्‍सारके जितलेने चियै।”

१ थेसलोनिकी 4:4

पबितर आ आदरसाथ आपन घरबालीसङे जिबन बिताबे परैछै कैहके सबलोकके जाने परतै।