२ कोरन्‍थी 4:4 - मध्‍य पुरविया थारू

⁴ सैतान, जे अइ सन्‍सारके देबता चियै से महिमीत सुसमाचारके इजोतके नै देखे कैहके खिरिस्‍टमे बिस्‍बास नै करैबला लोकसबके बुझैबला सक्‍तीके आन्‍हर बन्‍यादेनेछै।

२ कोरन्‍थी 4:4 Referans Kwoze

युहन्‍ना 12:40

“परमेस्‍वर ओइसबके आँख बन्‍द कैरदेनेछै आ ओकरासबके हिरदय कठोर बन्‍यादेनेछै। तैल्‍याके उसब आपन आँखसे नै देखे आ हिरदयसे नै बुझे, नै त उसब घुइमके एतै आ हम ओइसबके निक करतियै।”

२ कोरन्‍थी 3:14

महज ओइसबके मन कठोर भेलासे आइतक उ पुरन्‍का करारमे भेल बेबस्‍था परहैछै त ओइसबके बुझैबला समझ झापल रहैछै, ओहैसे उसब सत बात बुझैले नै सकैछै। आब येसु खिरिस्‍टमे बिस्‍बास कैरके मातरे उ समझ उघरैछै।

परेरित 26:18

तु ओकरासबके आँख खोइलके अन्‍हारसे इजोतमे आ सैतानके बन्‍धनसे परमेस्‍वर दिसन घुमाबे। जैसे उसब हमरमे बिस्‍बास करे आ ओकरसबके पाप छमा भ्‍याजाय आ परमेस्‍वरके पबितर करल लोकसब रहल ठाममे रहे पाबे।’

१ युहन्‍ना 5:19

हमसब परमेस्‍वरके बेटा-बेटी चियै आ पुरे सन्‍सार दुस्‍ट सैतानेके बन्‍धनमे छै कैहके अपनासब जानैचियै।

२ कोरन्‍थी 4:6

“अन्‍हारमे इजोत चम्‍के” कहैबला परमेस्‍वरे हमरासबके हिरदयमे इजोत चमकाइनेछै। अहैलेल परमेस्‍वरके महिमा महान चियै कैहके हमसब जानैचियै। साँचोके उ महिमामय ग्‍यानके इजोत खिरिस्‍टके चेहरामेछै।

एफिसी 2:2

ओइ बखत तुसब सन्‍सारके पापी लोकसब जखा चलैछेल्‍ही आ अकासके सक्‍तीके मालिक, सैतानके मानैछेल्‍ही। जे परमेस्‍वरके नै मानैबला लोकसबके अखुन आपन बसमे राखनेछै।

एफिसी 6:12

कथिलेत अपनासबके लराइ देह आ लहुके बिरोधमे नै महज सासकसबके बिरोध, सक्‍तिसबके बिरोध, अखुन्‍का अन्‍हार जुगके सन्‍सारिक सासकसब आ स्‍वरगके ठामसबमे भेल दुस्‍ट आत्‍माके सेनासबके बिरोधमे चियै।

युहन्‍ना 12:31

आब अइ सन्‍सारके नियाय हैबला समय चैल एलछै। अइ सन्‍सारके सासक बाहर निकालल जेतै।

युहन्‍ना 8:12

तब येसु फेनो लोकसबके कहल्‍कै, “सन्‍सारके इजोत हम्‍ही चियौ। हमर पछा चलैबला अन्‍हारमे कहियो नै चल्‍तै, महज उ जिबनके इजोत पाबतै।”

युहन्‍ना 12:35

तब येसु ओइसबके कहल्‍कै, “औरो कुछ समयतलिक इजोत तोरासबसङे छौ। इजोत रैहते तुसब चलफिर कर, नै त अन्‍हार तोरासबके झाइपदेतौ। जे अन्‍हारमे चलैछै, उ कते ज्‍यारहल छै से उ नै जानैछै।

युहन्‍ना 14:30

आब हम तोरासबसङे बहुत बात नै करबौ, कथिलेकी अइ सन्‍सारके सासक आइबरहल छै। हमर उपर ओकर कोनो अधिकार नै छै।

२ कोरन्‍थी 3:18

हमरासबके नै झापले चेहरासे परभुके महिमाके झलकाइचियै। परभु आत्‍मा चियै आ उ अपनासबके औरो आपनलखा महिमामय रुपमे परिबरतन कैरतेजेतै।

कलस्‍सी 1:27

यि महान रहसके बात गैर-यहुदीयो लोकसब बुझे कैहके परमेस्‍वरके योजना चियै। यि रहसके बात एह्‍या चियै, खिरिस्‍ट तोरासबमे बास करैछौ, जे गौरबके आसा चियौ।

कलस्‍सी 1:15

खिरिस्‍ट त नै देखैबला परमेस्‍वरके देखैबला रुप चियै। उ सारा सिरिस्‍टीके उपर अधिकार करैछै।

१ युहन्‍ना 2:8

तैयो हम तोरासबके खातिर एकटा लबका आग्‍या लिखरहल चियौ, जे येसु खिरिस्‍ट आ तोरासबमे सत देखा परल छौ, कथिलेत अन्‍हार हटे लागल छै आ सतके इजोत पहिनेसे चमैकरहल छै।

फिलिप्‍पी 2:6

उ बास्‍तममे परमेस्‍वर छेलै, महज परमेस्‍वरके बाराबरी हैबला बातके बिचार नै करल्‍कै।

युहन्‍ना 1:14

तब बचन लोक बैनके अपनासबके बिचमे बास करल्‍कै आ अपनासब ओकर महिमा देखलियै, जे महिमा परमेस्‍वरसे आबैबला एक मातरे बेटामे छेलै। उ आपनौरके पुरा रुपसे अनुगरह करैछै आ सत बात मातरे बोलैछै।

हिबरु 1:3

परमेस्‍वरके महिमाके इजोत ओकरेमे चम्‍कैछै आ वह्‍या परमेस्‍वरके साँचो रुप चियै। ओकरे सक्‍तीसाली बचनसे अकास आ पिरथिबीमे भेल सब चिजके अराइनेछै। उ लोकसबके पाप सुध करलाके बाद स्‍वरगमे रहैबला महिमीत परमेस्‍वरके दहिनाकात बैठलछै।

तितस 2:13

अकर सङे-सङे, अपनासब आसा करल बात पुरा हैबला दिनके रस्‍ता ताकैचियै, उ दिन अपनासबके महान परमेस्‍वर आ मुक्‍ती दैबला येसु खिरिस्‍ट आपन महिमामे परकट हेतै।

युहन्‍ना 16:11

उ तोरासबके परमेस्‍वरके नियाइ कथी चियौ से देखादेतौ। कथिलेत यि सन्‍सारके रजा पहिने दोसी ठहैर गेलछै।”

२ पतरुस 1:19

अहै खातिर अगमबक्‍तासबके कहल बचन सत छै से हमसब निसचिन्‍त भ्‍याके बिस्‍बास करैचियै। बिहानके इजोत नै हेबेतलिक आ तोरासबके हिरदयमे भुरुकवा तरा नै उगैतलिक उ बचन अन्‍हारमे बरैबला चिरखा जखा ओइ बचनके धियान देब्‍ही त असल करबिही।

२ कोरन्‍थी 3:11

एक छिन रहैबला पुरन्‍का करार त अतहेक महिमामय छेलै त सबदिन रहैबला लया करार औरो कतेक बेसी महिमामय हेतै!

१ कोरन्‍थी 10:20

हमर कहैके मतलब यि चियै कि, जे बली मुरतिपुजा करैबलासब चरहाबैछै उ परमेस्‍वरके नै बल्‍की भुत-परेतसबके चरहाबैछै आ हम नै चाहैचियौ कि तुसब भुत-परेतसबसङे सहभागी हो।

युहन्‍ना 12:45

जे हमरा देखैछै, उ हमरा पठाइबलाके देखैछै।

युहन्‍ना 15:24

हम तोरासबके बिचमे जे काम करने छेलियौ, उ काम औरो दोसर नै करने छै। यदी उ काम हम नै करने रहतियै त, उसब पापके दोसी नै हेतियै। महज हमर करल अजगुत कामसब देखियोके उसब हमरा आ हमर पिता दुनोगोराके घिरना करैछै।

युहन्‍ना 1:18

परमेस्‍वरके कोइ नै कहियो देखनेछै। महज पिताके लगमे रहैबला ओकर एकलौता बेटा ओकरा हमरासबलग परगट करने छै।

१ तिमोथी 1:11

सत सिदान्‍त यि चियै, जे परमधन्‍य परमेस्‍वरके महिमीत सुसमाचार अनुसार छै जकरा सुनाबैके जिम्‍मा हमरा देलगेल छै।

मतीके लिखल सुसमाचार 13:22

काँटके झारमे परल बिचहन उ लोक जखा चियै, जे बचन सुनैछै, महज सन्‍सारके चिन्‍ता आ धन-सम्‍पतीके मोह-मायासे बचनके दाइब दैछै। उ बचन ओकर जिबनमे कोनो परकारके फल नै फराबैछै।

परेरित 26:23

खिरिस्‍टके दुख भोगैये परतै आ उ मरलहासबमेसे जिबित भ्‍याके उठैबला पहिन्‍का भ्‍याके उ यहुदी आ गैर-यहुदीके इजोतके सन्‍देस सुनेतै।”

२ कोरन्‍थी 2:11

ताकी सैतान हमरासबके फसाबैके मौका नै पाबे, कथिलेकी ओकर जुक्‍तीके बिसयमे हमसब अनजान नै चियै।

२ कोरन्‍थी 2:12

जब हम तरोआस सहरमे खिरिस्‍टके बारेमे सुसमाचार परचार करैले एलियै तब परभु हमर लेल दुवार खोइलदेने छेलै।

गलाती 1:4

येसु खिरिस्‍ट अपनासबके अइ दुस्‍ट सन्‍सारसे बचाइके लेल परमेस्‍वर आ पिताके इक्‍छा मुताबिक पापके खातिर बली भेलै।

हिबरु 6:4

कथिलेत उसब, जे एकबेर परमेस्‍वरके इजोत पाबनेछै, स्‍वरगके बरदानके सबाद पाबनेछै आ पबितर आत्‍मामे सहभागी भेलछै,

१ युहन्‍ना 2:11

महज भाइके अपहेलना करैबला अन्‍हारमे रहैछै आ अन्‍हारेमे चलैछै। उ कते ज्‍यारहलछै से नै जानैछै, कथिलेत अन्‍हार ओकरा अन्‍हर कैरदेने रहैछै।